ဂျန်ဇက် (NSS) - ဇန်နဝါရီ ၅ 

အမေရိကန်ရဲ့နာမည်ကျော်ဗုံးကြဲလေယာဉ်ကြီးတစ်စီးဟာ ပြီးခဲ့တဲ့ရက်ပိုင်းမှာ ပျက်ကျသွားခဲ့ကြောင်း သိရပါတယ်။

အမေရိကန်ရဲ့တာဝေး ဗုံးကြဲလေယာဉ်အမျိုးအစားဖြစ်တဲ့ US B-1B Lancer လေယာဉ်ဟာ တောင်ဒါကိုတာ ပြည်နယ်ရှိ Ellsworth Air လေတပ်အခြေစိုက်စခန်းအပြင်ဘက်မှာ မီးလောင်ပျက်ကျသွားခဲ့တာဖြစ်ကြောင်း သိရပါတယ်။ 

အဆိုပါဗုံးကြဲလေယာဉ်ကြီးဟာ လေကျင့်ရေးမစ်ရှင်ဆောင်ရွက်ချိန်အတွင်း ပျက်ကျသွားခဲ့တာမျိုးဖြစ်ပြီး ပျက်ကျရတဲ့အကြောင်းအရင်းကို အသေးစိတ်ဖော်ပြတာမျိုးမရှိသေးကြောင်း သိရပါတယ်။ 

အမေရိကန်စစ်ဘက်က "ဗုံးကြဲလေယာဉ်ဟာ လေ့ကျင့်ရေးမစ်ရှင်လုပ်ကိုင်ချိန်အတွင်း အက်ဆီးဒန့်ဖြစ်ကာ ပျက်ကျခဲ့တာပါ။ လေယာဉ်ပေါ်မှာ လေးဦး လိုက်ပါခဲ့တယ်။ အဲဒီလေးဦးစလုံးဟာ ဘေးကင်းစွာနဲ့အပြင်ကို ထွက်နိုင်ခဲ့တယ်" လို့ ပြောပါတယ်။

B-1B Lancer ဗုံးကြဲလေယာဉ်ဟာ အမေရိကန်စစ်တပ်ရဲ့မဟာဗျူဟာမြောက် ဗုံးကြဲလေယာဉ်သုံးမျိုးထဲမှာ တစ်မျိုး ပါဝင်ခဲ့ပြီး နျူကလီးယားလက်နက်တွေ တင်ဆောင်နိုင်သလို စစ်လက်နက်ပစ္စည်းအများအပြားနဲ့ မြန်နှုန်းမြင့် ပျံသန်းနိုင်စွမ်းရှိကြောင်း သိရပါတယ်။ အဆိုပါ  B-1B Lancer ဗုံးကြဲလေယာဉ်ဟာ  B-52 Stratofortress ဗုံးကြဲ လေယာဉ်၊  B-2 Spirit ဗုံးကြဲလေယာဉ်တွေနဲ့အတူ အမေရိကန်စစ်တပ်ရဲ့ မဟာဗျူဟာမြောက် စစ်ရေးတာဝန်တွေ ကို ထမ်းဆောင်တဲ့လေယာဉ်ဖြစ်နေပါတယ်။ အဆိုပါလေယာဉ်တွေကို တက္ကဆက်ပြည်နယ် Ellsworth AFB  လေတပ် အခြေစိုက်စခန်းနဲ့  Dyess Air Force Base လေတပ်အခြေစိုက်စခန်းတွေမှာ ထားရှိကြောင်း သိရပါတယ်။

ပြီးခဲ့တဲ့နှစ်တွေကလည်း ဂူအမ်ကျွန်းမှာ စစ်ရေးမစ်ရှင်တွေ တာဝန်ထမ်းဆောင်ခဲ့ဖူးကြောင်း သိရပါတယ်။