သန့်ဇင် (NSS) - ဇန်နဝါရီ ၅

ရန်ကုန်တိုင်း၊ လှိုင်မြို့နယ်၊ လှိုင်တက္ကသိုလ်အနီးတွင် Toyota ကားတစ်စီးမီးလောင်ပျက်စီးမှု ဖြစ်ပွားခဲ့ကြောင်း လှိုင်မြို့နယ်မီးသတ်စခန်းထံမှ သိရသည်။

ကားမီးလောင်မှုသည် ယနေ့(ဇန်နဝါရီလ ၅ ရက်)၊ နံနက် ၃နာရီအချိန်ခန့်တွင် လှိုင်မြို့နယ်၊ အမှတ်(၁၂)ရပ်ကွက်၊ ပါရမီလမ်းပေါ်ရှိ လှိုင်တက္ကသိုလ်အနီး၌ ဖြစ်ပွားခဲ့ခြင်းဖြစ်ကြောင်း သိရသည်။

“ဘယ်လိုဖြစ်ပြီးလောင်တာလဲတော့ မသိဘူး။ ကားကတော့ တစ်စီးလုံးအကုန်လောင်သွားတာပါ။ ကားပေါ်မှာ ဘယ်နှစ်ယောက်ပါလည်းဆိုတာတော့ မသိရဘူး။ ကျွန်တော်တို့သွားရောက်ပြီး မီးငြှိမ်းတာ အကုန်ပြီးစီးတာ ကတော့(၄)နာရီလောက်မှပြီးတာပါ”ဟု လှိုင်မြို့နယ်မီးသတ်စခန်းမှ တာဝန်ရှိသူတစ်ဦးက NSS ကို ပြောသည်။

အဆိုပါကားမီးလောင်မှုဖြစ်စဉ်တွင် လူထိခိုက်မှုမရှိခဲ့သော်လည်း Toyota Harrier ကားတစ်စီး မီးလောင်ပျက်စီးသွားခဲ့ကြောင်း သိရသည်။

၎င်းကားမီးလောင်မှုကို လှိုင်မြို့နယ်မီးသတ်တပ်ဖွဲ့မှ သွားရောက်မီးငြှိမ်းသတ်ခဲ့ရပြီး မီးလောင်မှုဖြစ်စဉ်အား သက်ဆိုင်ရာနှင့် တာဝန်ရှိသူများက ဆက်လက်စစ်ဆေးလျက်ရှိကြောင်း သိရသည်။