လူငယ်နှင့်စာပေအနုပညာပွဲတော်တွင် ဝန်ကြီးဌာန(၁၅)ခုမှ ပြခန်းပေါင်း (၆၀)ကျော် ခင်းကျင်းပြသမည်
စော(NSS) - ဒီဇင်ဘာ ၁၈
နေပြည်တော်ရှိ ဝဏ္ဏသိဒ္ဓိ မိုးလုံလေလုံအားကစားရုံ(B)တွင် ကျင်းပမည့် လူငယ်နှင့် စာပေအနုပညာပွဲတော်တွင် ဝန်ကြီးဌာန (၁၅)ခုမှ ပြခန်းပေါင်း (၆၀)ကျော်ဖြင့် ခင်းကျင်းပြသမည်ဖြစ် ကြောင်း ပြန်ကြားရေးဝန်ကြီးဌာနထံမှ သိရသည်။
(၇၆)နှစ်မြောက် လွတ်လပ်ရေးနေ့ကို ဂုဏ်ပြုသောအားဖြင့် လူငယ်နှင့်စာပေအနုပညာပွဲတော်ကို ကျင်းပရခြင်းဖြစ်ကြောင်း ဝန်ကြီးဌာနက ဆိုသည်။
အဆိုပါပွဲတော်တွင် ဝန်ကြီးဌာန (၁၅)ခုမှ ပြခန်းပေါင်း (၆၂)ခန်းဖြင့် ခင်းကျင်းပြသသွားမည်ဖြစ်ပြီး ဖျော်ဖြေရေးအစီအစဉ်များ၊ အနုပညာရှင်များနှင့် ဆွေးနွေးပွဲများလည်း ပါဝင်ကြောင်း သိရသည်။
ထို့ပြင် တိုင်းရင်းသားရိုးရာအစားအစာဆိုင်များနှင့် စာအုပ်အရောင်းဆိုင်များလည်း စီစဉ်ထားမည်ဖြစ်ကြောင်း ဝန်ကြီးဌာနကဆိုသည်။
လူငယ်နှင့်စာပေအနုပညာပွဲတော်ကို လာမည့် ဒီဇင်ဘာလ ၂၀ ရက် မှ (၂၂)ရက်၊ နံနက် (၉)နာရီခွဲမှ ညနေ (၄)နာရီခွဲအထိ ကျင်းပသွားမည်ဖြစ်ပြီး မည်သူမဆို အခမဲ့ ဝင်ရောက်လေ့လာနိုင်ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဘရိုက်တန်အသင်းကို အနိုင်ရရှိခဲ့မှုက ကောင်းမွန်သောနိုင်ပွဲတစ်ခုဖြစ်ကြောင်း အာဆင်နယ်နည်းပြပြော
RELATED POSTS
21 Nov 2024 | အထွေထွေ,ပြည်တွင်း
15 Nov 2024 | အထွေထွေ,ပြည်တွင်း