ဂျန်ဇက် (NSS) - ဒီဇင်ဘာ ၆ 

အမေရိကန်သမ္မတဂျိုးဘိုင်ဒန်က ၎င်းအနေနဲ့ သမ္မတဟောင်းဒေါ်နယ်ထရမ့်ကို လာမယ့်ရွေးကောက်ပွဲမှာ အနိုင်ရမှုက တားဆီးနိုင်ဖို့ ရွေးကောက်ပွဲတစ်ကျော့ပြန် ယှဉ်ပြိုင်မှာဖြစ်ပေမယ့် ဒေါ်နယ်ထရမ့်ရွေးကောက်ပွဲ မပါဝင်ဘူး ဆိုရင် ၎င်းအနေနဲ့လည်း သမ္မတရွေးကောက်ပွဲကို တစ်ကျော့ပြန်ယှဉ်ပြိုင်ဖို့ မသေချာကြောင်း ထုတ်ဖော် ပြောကြားလိုက်ပါတယ်။

အမေရိကန်သမ္မတက "ဒေါ်နယ်ထရမ့်ဟာ ရွေးကောက်ပွဲမယှဉ်ပြိုင်ဘူးဆိုရင် ကျွန်တော်လည်း ရွေးကောက်ပွဲ တစ်ကျော့ပြန်ယှဉ်ပြိုင်ဖို့ မသေချာဘူး" လို့ ပြောပါတယ်။

အမေရိကန်သမ္မတဟာ ဒေါ်နယ်ထရမ့်ကို ဝေဖန်တိုက်ခိုက်ခဲ့တဲ့ ရီပတ်ဘလီကန်ပါတီတွေရဲ့ လစ်ချေနေးရဲ့ ပြောဆိုချက်များကိုလည်း ချီးကျူးပြောဆိုခဲ့တယ်လို့ သိရပါတယ်။ ရီပတ်ဘလီကန်ပါတီလွှတ်တော်အမတ်ဟောင်း လစ်ချေနေးက "နှစ်ကြိမ်တိုင် စွပ်စွဲပြစ်တင်ခံရတဲ့ သမ္မတဟောင်းဒေါ်နယ်ထရမ့်ဟာ ရွေးကောက်ပွဲမှာ တစ်ကျော့ ပြန်အနိုင်ရမယ်ဆိုရင် အမေရိကန်နိုင်ငံဟာ အာဏာရှင်လမ်းကြောင်းကို လျှောက်လှမ်းသွားဖွယ်ရှိနေတယ်" လို့ ပြောပါတယ်။

ဒါ့အပြင် အမေရိကန်သမ္မတဂျိုးဘိုင်ဒန်က "ရွေးကောက်ပွဲယှဉ်ပြိုင်မှုကနေ ဒေါ်နယ်ထရမ့်ထွက်မယ်ဆိုရင် ကျွန်တော်လည်း ထွက်မယ်။ ဒေါ်နယ်ထရမ့် ယှဉ်ပြိုင်မယ်ဆိုရင် ကျွန်တော်လည်း ယှဉ်ပြိုင်မယ်" လို့ ပြောပါတယ်။ 

ဂျိုးဘိုင်ဒန်ဟာ လက်ရှိအချိန်မှာ အသက် ၈၁ နှစ်အရွယ်ရှိနေပြီး သူရဲ့အသက်အရွယ်အရ အမေရိကန်နိုင်ငံသားအများစုဟာ ဂျိုးဘိုင်ဒန်အပေါ် လူကြိုက်နည်းနေကြောင်း မကြာသေးမီက ထွက်ပေါ်ခဲ့တဲ့ စစ်တမ်းတွေမှာ ဖော်ပြထားပါတယ်။ဂျိုး ဘိုင်ဒန်နဲ့ ဒေါ်နယ်ထရမ့်တို့ဟာ အပြန်အလှန်ဝေဖန်ပြစ်တင်မှုများ လုပ်ဆောင်နေကြပါတယ်။ ဒေါ်နယ်ထရမ့်ကလည်း "ဂျိုးဘိုင်ဒန်ဟာ စစ်မှန်တဲ့အာဏာရှင်တစ်ဦးဖြစ်ပါတယ်" လို့ ပြောပါတယ်။