ဂျန်ဇက် (NSS) - နိုဝင်ဘာ ၂၈

အိန္ဒိယကယ်ဆယ်ရေးသမားတွေဟာ မြေအောက်ဥမင်လိုဏ်ခေါင်းပြိုကျမှုကြောင့် ပိတ်မိနေတဲ့ အိန္ဒိယနိုင်ငံသား ၄၁ ဦးကို ပြန်လည်ကယ်တင်နိုင်ဖို့ အလွန်နီးစပ်နေကြောင်း သိရပါတယ်။ 

အိန္ဒိယနိုင်ငံ  Uttarakhand  ပြည်နယ်ရှိ ကားလမ်းအောက်က မြေအောက်ဥမင်လိုဏ်ခေါင်းဟာ နိုဝင်ဘာ ၁၂ ရက် မှာ ပြိုကျသွားခဲ့ပြီး လိုဏ်ခေါင်းထဲမှာ ဝန်ထမ်းပေါင်း ၄၁ ဦး ပိတ်မိနေခဲ့ကြောင်းသိရပါတယ်။ 

အဆိုပါ ဥမင်လိုဏ်ခေါင်းဟာ အရှည် ၄ ဒသမ ၅ မီတာ အရှည်ရှိနေပြီး အိန္ဒိယနိုင်ငံသား ၄၁ ဦးဟာ လိုဏ်ခေါင်းထဲ မှာ သီတင်းပတ်နှစ်ပတ်ကျော်ကြာ ပိတ်မိနေခဲ့ကြောင်း သိရပါတယ်။ 

အိန္ဒိယအစိုးရနဲ့ အိန္ဒိယစစ်ဘက်ဟာ လိုဏ်ခေါင်းအတွင်း ပိတ်မိနေသူများကို ကယ်တင်နိုင်ဖို့ နည်းလမ်းပေါင်းစုံ အသုံးပြုကာ ကြိုးပမ်းနေပြီး လက်ရှိအချိန်မှာ လိုဏ်ခေါင်းကိုတူးဖော်မှုတွေ လုပ်ဆောင်နေကြောင်း သိရပါတယ်။ လိုဏ်ခေါင်းတူးဖော်မှုတွေဟာ ပိတ်မိနေသူများအနားရောက်ရှိနေဖို့ မီတာအနည်းငယ်သာ လိုအပ်နေပြီး နိုဝင်ဘာ ၂၈ ရက်မှာ ရောက်ဖွယ်ရှိနေပါတယ်။ 

လိုဏ်ခေါင်းဆောင်အတွင်း ပိတ်မိနေသူများကို ကယ်တင်နိုင်ဖို့ စက်ကြီးများ အသုံးပြုမယ်ဆိုရင် ပြိုကျမှုတွေရှိလာနိုင်ပြီး ပိတ်မိနေသူများ အသက်အန္တရာယ်ထိခိုက်နိုင်တဲ့အတွက် မြေကြီးကို အသေးစားစက်ပစ္စည်းတွေ အသုံးပြုကာ တူးဖော်ခြင်းများ လုပ်ဆောင်နေခဲ့ကြောင်း သိရပါတယ်။

ရှာဖွေကယ်ဆယ်ရေးအဖွဲ့ခေါင်းဆောင်ဖြစ်သူ ဒီပတ်ပါတေးက "ကျွန်တော်တို့ တူးဖော်မှုတွေဟာ ပိတ်မိနေသူတွေ ရှိနေတဲ့နေရာနားကို ရောက်ရှိဖို့ ၇ မီတာလောက်ပဲ ကျန်တော့တယ်။ မကြာခင် အားလုံးကို ပြန်ကယ်တင်နိုင်တော့ မယ်" လို့ ပြောပါတယ်။ 

လိုဏ်ခေါင်းအတွင်း ပိတ်မိနေသူများဟာ ရက်ပေါင်းများစွာကြာ ပိတ်မိနေပေမယ့် အသက်ရှင်လျက်ရှိနေဆဲဖြစ်ကြောင်း သိရပါတယ်။