ကျော် (NSS) - နိုဝင်ဘာ ၁ဝ

မလေးရှားနိုင်ငံ၊ စလန်းကောပြည်နယ်၊ အမ်ပန်းမြို့တွင် အလုပ်လုပ်ကိုင်နေသည့် မြန်မာနိုင်ငံသားတစ်ဦး နိုဝင်ဘာ ၆ ရက်က Gas အိုးပေါက်ကွဲရာမှ သေဆုံးသွားခဲ့ကြောင်း မြန်မာလူမှုကူညီရေးအသင်း(မလေးရှား)မှ သိရသည်။

မြန်မာနိုင်ငံသား Zing Ham (၃၄)နှစ်သည် နိုဝင်ဘာ ၆ ရက်က အမ်ပန်းမြို့ရှိ ၎င်းနေထိုင်သည့်နေအိမ်တွင် ဟင်းချက်ရန်ပြုလုပ်စဥ် Gas အိုးပေါက်ကွဲခဲ့သဖြင့် ထိခိုက်ဒဏ်ရာများရရှိခဲ့ကြောင်း သိရသည်။

ထို့ကြောင့် Zing Ham သည် အမ်ပန်းမြို့ဆေးရုံကြီးတွင် တက်ရောက်ဆေးကုသမှုခံယူနေရာမှ ယင်းနေ့၌ပင် သေဆုံးသွားခဲ့ကြောင်း သိရသည်။

သေဆုံးသွားခဲ့သည့် Zing Ham ၏ ရုပ်အလောင်းအား မြန်မာလူမှုကူညီရေးအသင်း(မလေးရှား)မှ အန်ပန်းမြို့ဆေးရုံကြီးမှသယ်ယူ၍ ကာချမ်းမြို့တွင် ယနေ့ နိုဝင်ဘာ ၁ဝ ရက်မွန်းလွဲ ၂ နာရီက ချင်းအမျိုးသားများ (C.R.C)ကွန်မြူနတီအဖွဲ့များဖြင့် ပူးပေါင်းကာ ဆုတောင်းပွဲပြုလုပ်ပေးခဲ့ကြသည်။

နိုဝင်ဘာ ၁၁ ရက်(မနက်ဖြန်) ၌ Zing Ham ၏ ရုပ်အလောင်းအား ၎င်း၏ ဇာတိဖြစ်သည့် မြန်မာနိုင်ငံ၊ ချင်းပြည်နယ်၊ ဟားခါးမြို့သို့ လေကြောင်းခရီးဖြင့် ပြန်လည်ပို့ဆောင်ပေးသွားမည်ဖြစ်ကြောင်း သိရသည်။