Pearl (NSS) - စက်တင်ဘာ ၂၅

လျှပ်စစ်ဝန်ကြီးဌာန၊ လျှပ်စစ်ဓာတ်အားဖြန့်ဖြူးရေးလုပ်ငန်းလက်အောက်တွင် လစ်လပ်လျက်ရှိသော အငယ်တန်း အင်ဂျင်နီယာ -၂ (စက်မှု/ လျှပ်စစ်/ မြို့ပြ) ရာထူး (၄၉) နေရာအတွက် ဝန်ထမ်းများခေါ်ယူနေကြောင်းသိရသည်။

လျှပ်စစ်ဓာတ်အားဖြန့်ဖြူးရေးလုပ်ငန်းမှ ယနေ့ (စက်တင်ဘာလ ၂၅ ရက်)ထုတ် နိုင်ငံပိုင်သတင်းစာများတွင် အထက်ပါကဲ့သို့ထည့်သွင်းကြေညာထားခြင်းဖြစ်သည်။

အဆိုပါဌာန၌ လစ်လပ်လျက်ရှိသော အငယ်တန်းအင်ဂျင်နီယာ -၂ (လျှပ်စစ်/စက်မှု)  A.G.T.I (EP) အတွက် ( ၃၈) နေရာ၊ A.G.T.I (IT) အတွက် (၁၀)နေရာနှင့် (မြို့ပြ) A.G.T.I (Civil) အတွက် (၁)နေရာ ခေါ်ယူမည်ဖြစ်ပြီး လျှောက်ထားလိုသူများသည် လာမည့် အောက်တိုဘာလ(၃၁)ရက်တွင် အသက်(၃၅)၊ ဝန်ထမ်းဖြစ်ပါက အသက် (၄၀)နှစ် နှင့်အထက်မကြီးသူဖြစ်ရန်လိုအပ်ကြောင်းသိရသည်။

လျှောက်လွှာများကို လျှပ်စစ်ဝန်ကြီးဌာန၊ ရုံးအမှတ်(၂၇)၊ လျှပ်စစ်ဓာတ်အားဖြန့်ဖြူးရေးလုပ်ငန်း၊ စီမံခန့်ခွဲရေး နေပြည်တော်တွင်ရယူ၍ အောက်တိုဘာလ(၃၁)ရက်နောက်ဆုံးထား၍ ပေးပို့လျှောက်ထားရမည်ဖြစ်ကြောင်း သိရသည်။

ရေးဖြေစာမေးပွဲအား နေပြည်တော်၌ ကျင်းပမည်ဖြစ်ပြီး အင်္ဂလိပ်စာ နှင့် အင်ဂျင်နီယာ ဘာသာရပ်တို့ကို ဖြေဆိုရမည်ဖြစ်ကြောင်းသိရသည်။

ရွေးချယ်ခြင်းခံရပါက နိုင်ငံ့ဝန်ထမ်းအဖြစ်အနည်းဆုံး (၅)နှစ် တာဝန်ထမ်းဆောင်ရမည်ဖြစ်ကြောင်း ဝန်ခံကတိပြုချုပ်ဆိုရမည်ဖြစ်ပြီး စာချုပ်စည်းကမ်းဖောက်ဖျက်ပါက ငွေကျပ်(၁ဝ)သိန်းကို ပေးလျော်ရမည်ဖြစ်ကြောင်း သိရသည်။