ရောင်နီ (NSS) - ဇွန် ၁ဝ 

ပြီးခဲ့တဲ့ ၅၅ နှစ်က အာကာသထဲမှ သမိုင်းဝင် “Earthrise” ဓာတ်ပုံ ရိုက်ယူခဲ့တဲ့ အမေရိကန် အာကာသယာဉ်မှူး ဟောင်း အသက် ၉၀ နှစ်အရွယ် ဝီလီယံအန်ဒါစ် ဟာ သောကြာနေ့ (ဇွန် ၇ ရက်) က လေယာဉ်ငယ် မောင်းနှင်ရင်း ပျက်ကျပြီး သေဆုံးသွားခဲ့တယ်လို့ မိသားစုက ပြောကြားခဲ့ပါတယ်။ 

အန်ဒါးစ်ဟာ သောကြာနေ့ (ဇွန်လ ၆ ရက်) နံနက်ပိုင်းက ဝါရှင်တန်ပြည်နယ် ကမ်းလွန်မှာ လေယာဉ်ငယ်ကို မောင်းနှင်နေခဲ့တာဖြစ်ပြီး အဆိုပါလေယာဉ်ပျက်ကျမှုနဲ့အတူ သေဆုံးသွားခဲ့တယ်လို့ ၎င်းရဲ့သားဖြစ်သူက ပြောကြားခဲ့ပါတယ်။ အဆိုပါလေယာဉ်မှာ အန်းဒါးတစ်ယောက်တည်းသာရှိခဲ့တာဖြစ်ပါတယ်။ ၄င်းရဲ့ ရုပ်အလောင်းကို နောက်ပိုင်း  ရေငုပ်အဖွဲ့မှ ပြန်လည်တွေ့ရှိခဲ့တယ်လို့ ကမ်းခြေစောင့်တပ်ဖွဲ့မှ ပြောရေးဆိုခွင့်ရှိသူ က ဆိုပါတယ်။ 

၁၉၆၈ ခုနှစ် ဒီဇင်ဘာလကတည်းက Apollo 8 မစ်ရှင်ရဲ့အဖွဲ့ဝင်တစ်ဦးဖြစ်တဲ့ အန်းဒါး ဟာ လပတ်လမ်းကို သွားရောက်ခဲ့တဲ့ ပထမဆုံး လူသားတွေထဲက တစ်ဦးဖြစ်ခဲ့ပါတယ်။ အဆိုပါခရီးစဉ်မှာ အန်းဒါးက တောက်ပတဲ့ အပြာရောင် ကမ္ဘာကြီးနဲ့ အာကာသရဲ့ အမှောင်ထုနဲ့ ဆန့်ကျင်ဘက်ဖြစ်နေပုံ သဘာဝအလှတရားကို ဓာတ်ပုံတစ်ပုံ ရိုက်ယူခဲ့ပြီး ၁၉၆၈ ခုနှစ် ဒီဇင်ဘာ ၂၇ ရက်မှာ ကမ္ဘာမြေကို အောင်မြင်စွာပြန်လည်ရောက်ရှိခဲ့ပါတယ်။ အန်းဒါး ရိုက်ကူးခဲ့တဲ့ ဓာတ်ပုံဟာလည်း "Earthrise" ဆိုတဲ့ အမည်နဲ့ သမိုင်းဝင် ဓာတ်ပုံတစ်ခုဖြစ်လာခဲ့ပါတယ်။