စော (NSS) - ဧပြီ ၈

သင်္ကြန်ကာလအတွင်း ယာဉ်စည်းကမ်း၊ လမ်းစည်းကမ်းချိုးဖောက်သူများကို မီးပွိုင့်များ၌ တပ်ဆင်ထားသည့် CCTV Camera များမှတဆင့် စောင့်ကြည့်အ‌ရေးယူမည်ဖြစ်ကြောင်း ရန်ကုန်တိုင်းအစိုးရအဖွဲ့က အသိပေးထုတ်ပြန်ထားသည်။

ရန်ကုန်တိုင်းအစိုးရအဖွဲ့က ယနေ့ (ဧပြီလ ၈ ရက်)တွင် အထက်ပါကဲ့သို့ အသိပေးထုတ်ပြန်ထားသည်။

မြန်မာ့ရိုးရာယဉ်ကျေးမှုသင်္ကြန်ကာလတွင် ရန်ကုန်တိုင်းအတွင်း ယာဉ်မောင်းနှင်သူများအ နေဖြင့် မူးယစ်သောက်စားယာဉ်မမောင်းရန်၊   အပျော်လွန်ကျူးစည်းကမ်းမဲ့ ပြိုင်မမောင်းရ၊ လုမမောင်းရန်၊ မော်တော်ယာဉ်များတွင် အိတ်‌ဇောပိုက်ဖြုတ်မမောင်းရန်၊ ယာဉ်နံပါတ်ပြားမပါရှိဘဲ မမောင်းရန်၊ ယာဉ်နံပါတ်အတုများ၊ အခြားယာဉ်နံပါတ်များ တပ်ဆင်ခြင်းလုံးဝမပြုရန်နှင့်  ယာဉ်၏ဘေးတံခါးများ၊ နောက်ဖုံးများဖြုတ်၍ မောင်းနှင်ခြင်းမပြုရန် အသိပေးထားသည်ကို တွေ့ရသည်။

ထို့ပြင်  ယာဉ်မောင်းလိုင်စင်နှင့် ယာဉ်မှတ်ပုံတင် (ဝှီးတက်)မပါဘဲ မမောင်းရန် ၊ ဖျက်သိမ်းထားသော ယာဉ်အို/ယာဉ်ဟောင်းများ၊ မှတ်ပုံမတင်ရသေးသော ယာဉ်များနှင့် ပြုပြင်ဆဲယာဉ်များမမောင်းရန် ၊ ရန်ကုန်မြို့တော်စည်ပင်သာယာရေးနယ်နိမိတ်အတွင်း မည်သည့်မော်တော်ဆိုင်ကယ်၊ ဘေးတွဲဆိုင်ကယ်များမှ စီးနင်းခြင်းလုံးဝမပြုရန်နှင့် ပစ်ကပ်ယာဉ်များ( လိုက်ထရပ်/မီနီပစ်ကပ်)သည် သတ်မှတ်ထားသည့် ဝန်အလေးချိန်ထက် ပိုမိုတင်‌ဆောင်မောင်းနှင်ခြင်းမပြုရန် သတ်မှတ်ထားကြောင်း သိရသည်။

ကျူးလွန်ပါက တည်ဆဲဥပဒေအရ ထိရောက်စွာ အရေးယူမည်ဖြစ်ကြောင်း နှင့် ယာဉ်မောင်းနှင်သူများကို အရက်သေစာ‌သောက်စားထားခြင်းရှိ/မရှိ အရက်မူးတိုင်းကိရိယာဖြင့် တိုင်းတာစစ်ဆေးမည်ဖြစ်ပြီး ချိုးဖောက်ပါက ထိ‌ရောက်စွာ အရေးယူဆောင်ရွက်မည်ဖြစ်ကြောင်း သိရသည်။

ထို့ပြင် သင်္ကြန်ကာလအတွင်း လမ်းလယ်၌ မော်တော်ယာဉ်စက်ပျက်၍ ရပ်ထားပါက ကရိန်းယာဉ်ဖြင့် ဆွဲယူမည်ဖြစ်ကြောင်း ရန်ကုန်တိုင်းအစိုးရအဖွဲ့မှ ဆိုသည်။

ယခုအခါ အချက်အချာကျသော လမ်းဆုံ/လမ်းခွ မီးပွိုင့်များတွင် CCTV Camera များ တပ်ဆင်ပြီးဖြစ်၍ ယာဉ်စည်းကမ်း၊ လမ်းစည်းကမ်းချိုးဖောက်မှုများအား ၎င်းကင်မရာများဖြင့် ရိုက်ကူးပြီး ထိရောက်စွာ အရေးယူဆောင်ရွက်မည်ဖြစ်ကြောင်း သိရသည်။