Pika (NSS) - ဖေဖော်ဝါရီ ၂၂ 

G20 ဖိုရမ်၏ ရည်ရွယ်ချက်မှာ ကမ္ဘာလုံးဆိုင်ရာစီးပွားရေးပူးပေါင်းဆောင်ရွက်မှုကိစ္စရပ်များကို ဆွေးနွေးရန်ဖြစ်ပြီး ပထဝီဝင်နိုင်ငံရေးအရ သဘောထားကွဲလွဲမှုများကို ချဲ့ထွင်ရန်အတွက် ပလက်ဖောင်းတစ်ခုအဖြစ် အသုံးမပြုသင့် ကြောင်း တရုတ်နိုင်ငံခြားရေးဝန်ကြီးဌာနက ဖေဖော်ဝါရီလ(၂၁)ရက်တွင် ထုတ်ဖော်ပြောခဲ့သည်။ 

G20 အဖွဲ့ဝင်နိုင်ငံများ၏ နိုင်ငံခြားရေးဝန်ကြီးများသည် ဖေဖော်ဝါရီလ(၂၁)ရက်တွင် ဘရာဇီးလ်နိုင်ငံ ရီယိုဒီဂျနေရိုး မြို့မှာ တွေ့ဆုံခဲ့ကြကြောင်းလည်း သိရသည်။ G20 ဘရာဇီးလ်ဝက်ဘ်ဆိုက်သည် အရှေ့အလယ်ပိုင်းဒေသအခြေ အနေနှင့် ယူကရိန်းတွင် ရုရှား၏ ထိုးစစ်ဆင်မှုများ အပါအဝင် ဆွေးနွေးရမည့် အကြောင်းအရာအများအပြားကို ဖော်ပြထားခဲ့ကြောင်းလည်း သိရသည်။

အဆိုပါပဋိပက္ခများကြောင့် လူသားချင်းစာနာထောက်ထားမှုဆိုင်ရာအကျပ်အတည်း၊ ပထဝီဝင်နိုင်ငံရေး နှင့် စီးပွားရေးဆိုင်ရာအကျိုးဆက်များအပေါ် နိုင်ငံတကာ၏ စိုးရိမ်ပူပန်မှုများ မြင့်တက်လာခဲ့ကြောင်းလည်း ရေးသား ဖော်ပြထားသည်။ 

သို့သော်လည်း အဆိုပါအကြောင်းအရာများသည် G20 ဖိုရမ်တွင် ဆွေးနွေးရမည့် အကြောင်းအရာများမဟုတ် ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ အမျိုးသမီးမာအိုနင်က ပြောကြားခဲ့သည်။

မာအိုနင် က "G20 ဟာ ပထဝီဝင်နိုင်ငံရေးနဲ့ လုံခြုံရေးဆိုင်ရာ ပြဿနာတွေကို ဖြေရှင်းဖို့အတွက် ပလက်ဖောင်း တစ်ခုမဟုတ်ဘဲ နိုင်ငံတကာစီးပွားရေးပူးပေါင်းဆောင်ရွက်မှုအတွက် ထိပ်တန်းဖိုရမ်တစ်ခုဖြစ်ပါတယ်။ ဒါက G20 ရဲ့ သဘောတူညီချက်တစ်ခုပါပဲ။ G20 နိုင်ငံခြားရေးဝန်ကြီးများအစည်းအဝေးဟာ ကမ္ဘာလုံးဆိုင်ရာ စီးပွားရေး ဖွံ့ဖြိုးတိုးတက်မှုအတွက် အထောက်အကူဖြစ်စေမယ်လို့ မျှော်လင့်ထားပါတယ်" ဟု ပြောခဲ့သည်။