NSS - ဒီဇင်ဘာ ၁၃

ရွှေတိဂုံစေတီ‌တော်ကြီး၏ အလှူငွေများကို အစိုးရအနေဖြင့် By Force ဖြင့် အတင်းယူသွားရန် မရသည့်အပြင် ဘဏ္ဍာတော်ထိန်းဂေါပကအဖွဲ့ဝင်(၆)ဦးကို ငွေထုတ်သည့်အခါ လက်မှတ်ရေးထိုးခွင့်ကို သက်ဆိုင်ရာဘဏ်များ၌ စာရင်းသွင်းပေးထားကြောင်း ရွှေတိဂုံစေတီတော်ဘဏ္ဍာတော်ထိန်း ဂေါပကအဖွဲ့ဝင် ဦးဘိုးသင်းက ဒီဇင်ဘာလ ၁၂ ရက်တွင် NSS မှ အယ်ဒီတာချုပ်နှင့် သီးသန့်တွေ့ဆုံမေးမြန်းမှုရာ၌ ထည့်သွင်းဖြေကြားထားသည်။ 

မေး ။ ။ ပြီးခဲ့တဲ့ရက်ပိုင်းက မီဒီယာတစ်ခုမှာဖော်ပြထားတာရှိပါတယ်။ ရွှေတိဂုံဘုရားရဲ့အလှူငွေ ဒေါ် လာတွေကို တပ်မတော်က ၂၁၀၀ ကျပ်နဲ့ဖြတ်ပြီးယူသွားတယ်ဆိုတဲ့သတင်းတွေထွက်ပေါ်ခဲ့ပါတယ်။ အဲဒါနဲ့ပတ်သက်ပြီး ရွှေတိဂုံစေတီတော် ဘဏ္ဍာတော်ထိန်းဂေါပကအဖွဲ့အနေနဲ့ ဘယ်လိုများပြောချင်ပါလဲ ဗျ။

ဖြေ ။ ။ ဒီသတင်းကို ခေတ်သစ်ကတင်ထားတာကျွန်တော်တို့တွေ့လိုက်ပါတယ်။ ကျွန်တော်တို့ အနေနဲ့ ကတော့ မဟုတ်မမှန်တဲ့သတင်းတွေတင်နေတယ်လို့ ပြောချင်ပါတယ်။ ဒီသတင်းကမ ဟုတ်မမှန်ပါဘူးလို့ ပြောချင်ပါတယ်။ ရွှေတိဂုံစေတီတော်မှာရှိတဲ့ အလှူငွေတွေ နိုင်ငံခြားငွေ၊ မြန်မာငွေအားလုံးဟာ မြန်မာ့ စီးပွားရေးဘဏ်နဲ့ နိုင်ငံခြားကုန်သွယ်မှုဘဏ်တွေရဲ့ အကောင့်တွေထဲမှာ လက်ရှိအတိုင်းရှိနေပါတယ်။

¬¬

မေး ။ ။ အဲဒီသတင်းမှာ ဂေါပကအဖွဲ့ဝင်တွေနဲ့နီးစပ်တဲ့လူကပြောပါတယ်ဆိုပြီး ရေးထားတာတွေ့ ရပါတယ်။ အဲဒါကြောင့် ကိုယ့်အဖွဲ့အစည်းထဲမှာမဟုတ်မမှန်သတင်းဖြန့်တဲ့လူတွေရှိတယ်ဆိုတဲ့ သံသယမျိုး တွေ့ရတယ်ဆိုတဲ့ အနေအထားမျိုးကို ဘယ်လိုမျိုးများပြောချင်ပါလဲဗျ။

ဖြေ ။ ။ လက်ရှိအခြေအနေအရဆိုရင် သတင်းအမှန်ကိုမသိဘဲနဲ့ ပြောချင်နေတဲ့ပုဂ္ဂိုလ်တွေကတော့ ရှိနေမယ်ဆိုတာကို နားလည်ပါတယ်။ ပြီးခဲ့တဲ့နှစ်တုန်းကလည်း ရွှေတိဂုံစေတီတော်မှာ ရွှေနဲ့ပတ်သက်ပြီး အလှူငွေနဲ့ပတ်သက်ပြီး တပ်မတော်ကယူဆောင်သွားတယ်ဆိုတဲ့သတင်းတွေဖြစ်ခဲ့ဖူးပါတယ်။ အဲဒီတုန်း ကလည်း ကျွန်တော်တို့အနေနဲ့တရားဝင်ထုတ်ပြန်ရှင်းလင်းတာမရှိပေမယ့် ကာလတစ်ခုမှာတော့ ပြန်ပြီးမှေးမှိန်သွားတာကိုတွေ့ရပါတယ်။ လက်ရှိ ရွှေတိဂုံစေတီတော်မြတ်ကြီးရဲ့ နိုင်ငံခြားငွေနဲ့ပတ်သက်ပြီး ပြောနေတာတွေဟာလည်း မဟုတ်မမှန်ပါဘူးလို့ ခိုင်ခိုင်မာမာပြော ချင်ပါတယ်။

မေး ။ ။  ရှင်းရှင်းလင်းလင်းသိချင်တာတစ်ခုရှိပါတယ်ဗျ။ တပ်မတော်က ၂၁၀၀ နှုန်းနဲ့ဒေါ်လာသန်း ၂၀ လောက်ကိုယူသွားတယ်ဆိုပြီး အတိအကျရေးထားတာကိုတွေ့ရတယ်။ ဒါကို မဟုတ်ဘူးဆိုတဲ့ခိုင်မာတဲ့ အချက်အလက်လေးပြောပြပေးပါဗျ။

ဖြေ ။ ။ ဘုရားကနေပိုင်ဆိုင်တဲ့ နိုင်ငံခြားငွေက နိုင် ငံခြားကုန်သွယ်မှုဘဏ်မှာအကောင့်နဲ့ထားပါတယ်။ နိုင်ငံခြားငွေနဲ့သုံးစွဲဖို့လိုအပ်လာတဲ့အခါမှာ လုပ်ငန်းတွေမှာ အနည်းအကျဥ်းသုံးစွဲခဲ့ဖူးတဲ့ အစဥ်အလာ ရှိပါတယ်။

မေး ။ ။  ဘယ်လိုမျိုးနေရာတွေမှာ သုံးစွဲခဲ့တာပါလဲဗျ။

ဖြေ ။ ။ ကျွန်တော်တို့ ရွှေတိဂုံစေတီတော်မြတ်ကြီးဟာ သီရိလင်္ကာနိုင်ငံက စွယ်တော်နဲ့ MoU ထိုးထားတာတွေရှိပါတယ်။ အဲဒီအတွက် အပြန်အလှန်ဖိတ်ခေါ်သွားလာတာတွေရှိတယ်။ ဒါမျိုးနေ ရာတွေမှာ ဒေါ်လာငွေသုံးရမယ်ဆိုရင် ဒီထဲကနေသုံးစွဲပါတယ်။ နောက်ပြီး စက်လှေကားတွေနဲ့ပတ် သက် ပြီး နိုင်ငံခြားငွေသုံးစွဲရမယ့်လုပ်ငန်းတွေပေါ်လာရင်လည်း သုံးစွဲနေရတာတွေရှိပါတယ်။ ဒီကာလမှာ ဒေါ်လာနဲ့ပတ်သက်ပြီး ရွှေတိဂုံစေတီတော်မြတ်ကြီးအတွက် သတ္ထုတွင်းဝန်ကြီးဌာနကနေ ရွှေဝယ် ယူရတာတွေရှိတယ်။ ၂၀၂၄ - ၂၀၂၅ ခုနှစ်မှာဆိုရင် ရွှေတိဂုံစေတီတော်မြတ်ကြီးကို လုံးတော်ပြည့် ရွှေသင်္ကန်းကပ်ဖို့ရှိပါတယ်။ ဒီလိုကာလမှာ ရွှေဝယ်ယူဖို့ ဝယ်ယူတဲ့နေ့မှာ အစိုးရဆီကနေ ကမ္ဘာ့ရွှေ၊ ဒေါ်လာပေါက်စျေးပေါ်မူတည်တွက်ချက်ပြီး ပေးချေရတာပါ။ အခုလို ရွှေစျေးတွေ အဆမတန်တက်နေတဲ့ ကာလမှာ ကမ္ဘာ့ပေါက်စျေးအတိုင်းဒေါ်လာနဲ့ချေရင် ဖြစ်နိုင်ပါ့မလားဆိုတာစဥ်းစားရတယ် ငွေလဲနှုန်းနဲ့ မဆိုင်ပါဘူး။ ဒီအပေါ်မှာ သတင်းအမှားပေးဖို့ ယူဆသွားတယ်လို့ထင်ပါတယ်။

မေး ။ ။ ရွှေတိဂုံစေတီတော်မြတ်ကြီးမှာ အများပြည်သူလှူဒါန်းထားတဲ့ အလှူငွေတွေနဲ့ပတ်သက်ရင် သတ်မှတ်ထားတဲ့မူဘောင်ရှိပါလားဗျ။ ဘာကြောင့်လဲဆိုတော့ အစိုးရတစ်ရပ်တက်လာတိုင်း ဒီလိုမျိုးတွေ သတင်းထွက်လာတော့ ဂေါပကအဖွဲ့ဝင်တွေအနေနဲ့သတ်မှတ်ထားတဲ့ မူဘောင်လေးကို ပြောပြပေး စေချင်ပါတယ်။

ဖြေ ။ ။ အလှူငွေနဲ့ပတ်သက်ပြီး ရွှေတိဂုံစေတီတော်မှာ ဘဏ္ဍာရေးဌာနဆိုပြီးရှိတယ်။ ငွေစာရင်း ခေါင်းစဥ်အလိုက် အလှူငွေတွေကဝင်ရောက်လာတာပါ။ ရင်ပြင်တော်ပေါ်မှာ သက်ဆိုင်ရာခေါင်းစဥ် အလိုက် အလှူခံမဏ္ဍပ်တွေရှိပါတယ်။ အဲဒီအလှူငွေတွေကို ည ၈ နာရီဘုရားပိတ်သိမ်းချိန်မှာ ဘ ဏ္ဍာရေး ဌာန၊ အဲဒီနေ့မှာတာဝန်ကျတဲ့တာဝန်မှူး၊ လုံခြုံရေးရယ် ရွှေတိဂုံစေတီတော်စောင့်ရှောက်ရေးသံဃာတော် ၁၀ ပါးရယ်က အလှူငွေတွေကိုလိုက်သိမ်းပါတယ်။ သက်ဆိုင်ရာခေါင်းစဥ်အလိုက် အိတ်တွေထဲကို အလှူ ငွေတွေထည့်ပါတယ်။ မနက် ၉ နာရီခွဲရုံးဖွင့်တာနဲ့ အလှူငွေတွေကိုရေတွက်တယ်။ ၁၁ နာရီခွဲကျော် လောက်မှာ ဘဏ်ကိုသွားပြီး ငွေစာရင်းခေါင်းစဥ်အလိုက်အပ်တယ်။ ဒါက ရွှေတိဂုံစေတီတော်မြတ်ကြီးရဲ့ နေ့စဥ်လုပ်နေတဲ့ ဘဏ္ဍာငွေထိန်းသိမ်းတဲ့လုပ်ငန်းစဥ်တစ်ခုပါ။ လက်ထဲမှာငွေမထားပါဘူး။ စနေ၊ တနင်္ဂ နွေပိတ်ရက်ဆိုရင်သိမ်းထားပြီး တနင်္လာနေ့မှာအပ်တယ်။ သုံးစွဲတဲ့အခါမှာလည်း ငွေသားနဲ့မသုံးဘဲ "ချက်"နဲ့ ပေးချေတဲ့စနစ်ကိုပဲသုံးပါတယ်။ ငွေနဲ့ပတ်သက်ရင် ဘဏ်အကောင့်ထဲဝင်သွားတာဖြစ်တဲ့ အတွက် ငွေထုတ်ကြီးဟာ ဘုရားမှာလည်းမရှိပါဘူး။ သက်ဆိုင်ရာဘဏ်မှာရှိပါတယ်။ ငွေစုဘဏ် အမှတ်(၁)၊ (၂) ၊ (၄) နဲ့ နိုင်ငံခြားကုန်သွယ်မှုဘဏ်တွေမှာ ခေါင်းစဥ်အလိုက်ထားပါတယ်။

မေး ။ ။ ရွှေတိဂုံစေတီတော်ကြီးနဲ့ပတ်သက်တဲ့ ငွေဆိုရင် အစိုးရကဖြစ်စေ၊ တစ်ဖွဲ့ဖွဲ့ကဖြစ်စေ ယူချင်တိုင်းယူ၊ သုံးချင်တိုင်းသုံးစွဲခွင့်ရှိပါလားဗျ။ အကျယ်တဝင့်လေးရှင်းပြပေးပါဗျ။

ဖြေ ။ ။ အဲဒီလိုမျိုးမရပါဘူး။ ရှိလည်းမရှိပါဘူး။ ကျွန်တော်တို့ ဘဏ္ဍာတော်ထိန်းဂေါပကအဖွဲ့ဝင်(၆) ယောက်ကို ငွေထုတ်တဲ့အခါ လက်မှတ်ရေးထိုးခွင့်ကို သက်ဆိုင်ရာဘဏ်တွေမှာ စာရင်းသွင်းပေးထား ပါတယ်။ ငွေအထုတ်အသွင်းလုပ်တိုင်း ဂေါပကအဖွဲ့ဝင် (၃)ယောက်က လက်မှတ်ထိုးပြီး ဆောင်ရွက်ရပါတယ်။ ဂေါပကအဖွဲ့ဝင် (၃)ယောက်ရဲ့လက်မှတ်မပါဘဲ ငွေထုတ်လို့မရပါဘူး။

မေး ။ ။ လူတွေထင်ယောင်ထင်မှားဖြစ်နေတဲ့အချက်တစ်ခုက အစိုးရတွေက Force to အနေနဲ့အ တင်းယူသွားတာမျိုးလုပ်လို့ရလားဗျ။

ဖြေ ။ ။ အဲဒီလိုမျိုးမရပါဘူး။ ဘာကြောင့်လဲဆိုတော့ ဘဏ်ကိုရောက်သွားပြီဆိုရင် ဒီဟာက ရွှေ တိဂုံစေ တီတော်မြတ်ကြီးရဲ့ အလှူငွေဆိုပြီး အထုတ်လိုက်ရှိနေတာမဟုတ်ပါဘူး။ စာရင်းထဲကိုဝင်သွားတာပါ။ ရွှေတိဂုံစေတီတော်မြတ်ကြီးရဲ့ ငွေထုတ်ကြီးဆိုပြီးယူလို့လည်းမရပါဘူး။

မေး ။ ။ အခုဆိုရင် လူတွေအထင်အမြင်မှားနေတာက ရွှေတိဂုံဘုရားရဲ့အလှူငွေတွေကို တပ်မတော်က ၂၁၀၀ နဲ့ဖြတ်ယူသွားတယ်။ ဒါကြောင့် ဘုရားကိုမလှူတော့ဘူး။ မသွားတော့ဘူးလို့ စိုးရိမ်စိတ်တွေ ပေါ်လာတယ်။ ဖြန့်ဝေတာတွေလည်း ပိုဖြစ်လာတယ်။ ဒီအပေါ်မှာ ဘုရားဖူးပြည်သူတွေအ ပေါ်ဘယ်လိုမျိုးများပြောချင်ပါလဲဗျ။

ဖြေ ။ ။ ဘုရားဖူးပြည်သူလူထုတွေအနေနဲ့ အဲဒီသတင်းအမှားကို ယုံတဲ့လူလည်းရှိမယ်။ မယုံတဲ့လူလည်း ရှိမယ်။ အရင်က ထွက်ပေါ်ခဲ့ဘူးတဲ့ကောလာဟလတွေလိုပဲ အချိန်တစ်ခုမှာနားလည် သဘောပေါက်သွား ပါလိမ့်မယ်။ ရွှေနဲ့ဆိုရင်လည်း ရွှေနဲ့ပတ်သက်ပြီး ငွေနဲ့ဆိုရင်လည်း ငွေနဲ့ပတ်သက်ပြီး ဘုရားကြီးက ပြောခံနေရတာ ခလုတ်တိုက်ခံနေရတာပါ။

မေး ။ ။ ၂၀၂၁ ခုနှစ် နိုင်ငံရေးအခင်းအကျင်းစတဲ့အချိန်တုန်းကလည်း တစ်ကြိမ်ကြားခဲ့ရပါတယ်။ တပ်မတော်မှာ ပိုက်ဆံချေစရာမရှိတော့လို့ ရွှေတိဂုံဘုရားက ပိုက်ဆံတွေယူသွားတယ်ဆိုတာပေါ့။ အဲဒါနဲ့ပတ်သက်ပြီး အခုလိုအချိန်မျိုးမှာဆိုရင်ရော ဘယ်လိုမျိုးပြန်ပြောမလဲဗျ။

ဖြေ ။ ။ ကျွန်တော်ပြောသလို ဒါတွေဟာ အချိန်တစ်ခုမှာ ပျောက်ပျက်သွားမှာပါ။ အဲဒီတုန်းကလည်း ရှိပါတယ်။ ကျွန်တော့်မိတ်ဆွေတွေက ဖုန်းတွေဆက်ပြီးမေးကြတယ်။ ဖိတ်ခေါ်ပါတယ်။ လာခဲ့ပါ။ ရှင်းပြချင်ပါတယ်။ ကျွန်တော်တို့ထုတ်ပြန်လို့ရပါတယ်။ ဒီနှစ် ဒီဇင်ဘာလ ၅ ရက်နေ့စာရင်းအရဆိုရင် ကျွန်တော်တို့မှာ အလှူငွေက မြန်မာငွေအနေနဲ့ ၉၉ ဒသမ ၆၀၄ ဘီလျံ နဲ့ အမေရိကန်ဒေါ်လာ ၁၆ ဒသမ ၆ သန်းရှိပါတယ်။ ဒါတွေကတိုးပွားလာအုံးမှာပါ။ဒီ နှစ်ဘတ်ဂျက်နှစ်ကုန်ရင် မြန်မာငွေ ဘီလီယံရာချီ သွားဖို့ပဲရှိပါတယ်။ ကိုဗစ်(၁၉)ရောဂါစဖြစ်တဲ့အချိန်တုန်းကဆိုရင် မြန်မာငွေ ၉၁ ဘီလျံလောက်ရှိတယ်။ ဒီ ၃ နှစ်အတွင်းမှာ ၉၉ ဘီလျံလောက်ဖြစ်သွားပြီ။ စုဆောင်းတဲ့ငွေမှာလည်း ငွေစုလက်မှတ်နဲ့ထားတာရှိ တယ်။ Fix Deposit နဲ့ထားတာရှိတယ်။ အဲဒီအပေါ်ကနေလည်း အတိုးတွေရနေပါတယ်။ ဒါကြောင့် ရွှေတိဂုံစေတီတော်မြတ်ကြီးရဲ့ အလှူငွေတွေက တိုးပွားလာနေပါတယ်။

မေး ။ ။ ရွှေတိဂုံစေတီတော်မြတ်ကြီးရဲ့ ဘဏ္ဍာငွေရှင်းတမ်းတွေကို မကြာခင်မှာအများပြည်သူသိအောင် Online ကနေ Website ကနေ တင်တာမျိုးတွေလုပ်သွားမယ်လို့ သိရပါတယ်။ အဲဒါကိုလည်း ပြောပြပေးပါအုံးဗျ။

ဖြေ ။ ။ ဘဏ္ဍာငွေတစ်ခုတည်းတင်မဟုတ်ပါဘူး။ ကျွန်တော်တို့လုပ်နေတဲ့ PPT လို့ခေါ်တဲ့ ဘုရားဖူးတွေ လာတဲ့အခါ ဘုရားပေါ်ရောက်ရင် သင့်တော်တဲ့နေရာမှာထားထားတဲ့ Touch Screen မှာ ဘုရားနဲ့ပတ်သက် တာတွေကို အသေးစိတ်ကြည့်ရှုနိုင်အောင် ပြုစုနေပါတယ်။ ပြီးသလောက်ဖြစ်နေပါပြီ။ အဲဒီမှာလည်း အချက်အလက်တွေထုတ်ပြန်ပေးသွားဖို့ရှိပါတယ်။ စဥ်းလည်းစဥ်းစားထားပြီးသားပါ။

မေး ။ ။ ဂေါပကအဖွဲ့အနေနဲ့ ရွှေတိဂုံစေတီတော်မြတ်ကြီးကို လာရောက်ဖူးမြော်ကြမယ့် ဘုရား ဖူးပြည်သူလူထုကို ရွှေတိဂုံစေတီတော်ကြီးနဲ့ပတ်သက်ပြီး ပြေပြချင်တဲ့အကြောင်းအရာလေးတွေရှိရင် ပြောပြပေးပါအုံးဗျ။

ဖြေ ။ ။ ရွှေတိဂုံစေတီတော်မြတ်ကြီးကို မနက် ၅ နာရီကနေ ည ၈ နာရီအထိ ဘုရားဖူးပြည်သူတွေ အတွက် ဖွင့်ထားပေးပါတယ်။ အဲဒီတော့ မည်သူမဆိုလာရောက်ဖူးမြော်နိုင်ပါတယ်။ ဘဏ္ဍာတော်ထိန်း ဂေါပကအဖွဲ့ရုံးကလည်း အမြဲတမ်းဖွင့်ထားပါတယ်။ ၂၄ နာရီအလှည့်ကျတာဝန်ပေးထားတဲ့ ဂေါပကအဖွဲ့ ဝင်တစ်ယောက်ကလည်း အမြဲတမ်းရှိပါတယ်။ ဘုရားနဲ့ပတ်သက်ပြီး မေးမြန်းချင်တာတွေရှိရင် ဂေါပကရုံးမှာ လာရောက်ပြီးမေးမြန်းနိုင်ပါတယ်။ ဒါမှလည်း ရွှေတိဂုံစေတီတော်မြတ်ကြီးက မှန်မှန်ကန် ကန် ဖွင့်လှစ်နေတယ်ဆိုတာကို ပြည်သူတွေသိပြီး ဘုရားကြီးကိုကြည်ညိုမှုမပျက်ပြားစေနိုင်မှာပါ။

ကျေးဇူးတင်ပါတယ်ခင်ဗျ။