ယူကရိန်းသမ္မတဇီလန်စကီး၏ လာရောက်လည်ပတ်ရန်ဖိတ်ကြားချက်ကို အမေရိကန်သမ္မတဟောင်း ဒေါ်နယ်ထရမ့် ငြင်းဆန်ပယ်ချ
Pika (NSS) - နိုဝင်ဘာ ၇
အမေရိကန်သမ္မတဟောင်းဒေါ်နယ်ထရမ့်သည် ယူကရိန်းသမ္မတဇီလန်စကီး၏ ယူကရိန်းသို့လာရောက်လည်ပတ် ရန်ဖိတ်ကြားချက်ကို ငြင်းဆန်ပယ်ချခဲ့ကြောင်း သိရသည်။
အမေရိကန်နှင့် ယူကရိန်းတို့ကြားဆက်ဆံရေးကို အမေရိကန်သမ္မတဂျိုးဘိုင်ဒန် ကြီးကြပ်နေစဉ်အချိန်အတွင်း ယူကရိန်းသို့ သွားရောက်လည်ပတ်ခြင်းသည် မသင့်လျော်သောအချက်တစ်ခုဖြစ်ကြောင်း ဒေါ်နယ်ထရမ့်က ပြောဆိုခဲ့သည်။
ဒေါ်နယ်ထရမ့်က "ယူကရိန်းသမ္မတဇီလန်စကီးကို ကျွန်တော် တကယ်လေးစားပါတယ်။ ဒါပေမယ့် ဒီအချိန်မှာ ယူကရိန်းသို့သွားရောက်လည်ပတ်ဖို့က သင့်လျော်တဲ့ကိစ္စတစ်ခု မဟုတ်ဖူးလို့ ကျွန်တော်ထင်ပါတယ်။ ဂျိုးဘိုင်ဒန် အစိုးရဟာ လက်ရှိအချိန်မှာ ဇီလန်စကီးနဲ့ ပြောဆိုဆက်ဆံမှုတွေရှိနေတာဖြစ်ပြီး ကျွန်တော်အကျိုးစီးပွားပဋိပက္ခ တွေ မဖန်တီးချင်ပါဘူး" ဟု ပြောခဲ့သည်။
ရုရှား-ယူကရိန်းပဋိပက္ခကို (၂၄)နာရီအတွင်း ဖြေရှင်းနိုင်သည်ဆိုသည့် ဒေါ်နယ်ထရမ့်၏ ပြောဆိုချက်မှာ မှားယွင်း ကြောင်း သက်သေပြချင်သောကြောင့် ယခုကဲ့သို့ ဖိတ်ခေါ်မှုလုပ်ဆောင်ခဲ့ခြင်းဖြစ်ကြောင်း ဇီလန်စကီးက ပြောဆိုခဲ့ သည်။
အမေရိကန်သမ္မတဟောင်းဒေါ်နယ်ထရမ့်က ၎င်းသည် ၂ဝ၂၄ ခုနှစ် သမ္မတရွေးကောက်ပွဲတွင် သမ္မတအဖြစ် ရွေးချယ်ခံရမည်ဆိုပါက ယူကရိန်းသမ္မတဇီလန်စကီး နှင့် ရုရှားသမ္မတတို့ကို ငြိမ်းချမ်းရေးဆွေးနွေးပွဲများ လုပ်ဆောင်ရန်အတွက် ဖိအားပေးကာ ပဋိပက္ခကို အလျင်အမြန်အဆုံးသတ်နိုင်မည်ဖြစ်ကြောင်း ပြီးခဲ့သည့် ဇူလိုင်လတွင် ထုတ်ဖော်ပြောခဲ့ဖူးသည်။
ဇီလန်စကီး က "အမေရိကန်သမ္မတဟောင်း ဒေါ်နယ်ထရမ့်က သူဟာ (၂၄)နာရီအတွင်း ရုရှား-ယူကရိန်းပဋိပက္ခကို စီမံခန့်ခွဲပြီး အဆုံးသတ်အောင်လုပ်ပေးနိုင်တယ်လို့ ပြောဆိုခဲ့ပါတယ်။ ဒါကြောင့် ကျွန်တော် ဒေါ်နယ်ထရမ့်ကို ဒီကို လာရောက်လည်ပတ်ဖို့ ဖိတ်ခေါ်ခဲ့တာပါ။ ဒေါ်နယ်ထရမ့် ယူကရိန်းကို လာရောက်လည်ပတ်ခဲ့မယ်ဆိုရင် ကျွန်တော် သူနဲ့စကားပြောဖို့ အချိန်(၂၄)မိနစ်ပဲ လိုပါတယ်။ ဒီစစ်ပွဲကို သူစီမံခန့်ခွဲမှုတွေ မလုပ်ဆောင်နိုင်ဘူး ဆိုတာကိုရှင်းပြဖို့ အချိန်(၂၄)မိနစ်ပဲ လိုပါတယ်။ ပူတင်ကြောင့် ဒေါ်နယ်ထရမ့်ဟာ ငြိမ်းချမ်းရေးကို ယူဆောင်လာနိုင်မှာ မဟုတ်ပါဘူး" ဟု ပြောခဲ့သည်။
အမေရိကန်သမ္မတဟောင်းဒေါ်နယ်ထရမ့်က ၎င်းသည် ယူကရိန်းသမ္မတဇီလန်စကီး၊ ရုရှားသမ္မတပူတင် တို့နှင့် ကောင်းမွန်သောဆက်ဆံရေးရှိကြောင်း ပြောခဲ့သည်။ ထို့အပြင် ၂ဝ၂ဝ ပြည့်နှစ် သမ္မတရွေးကောက်ပွဲတွင် ဂျိုးဘိုင်ဒန် အနိုင်မရရှိခဲ့ပါက ရုရှား-ယူကရိန်းပဋိပက္ခဖြစ်ပွားလာခြင်းမျိုးလည်း ရှိမည်မဟုတ်ကြောင်း ဒေါ်နယ်ထရမ့်က ပြောခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
စပါးအသင်းကို အနိုင်ရရှိမှုက ထိုက်တန်သော အနိုင်ရရှိမှုတစ်ခုဖြစ်ကြောင်း ချဲလ်ဆီးနည်းပြ ပြော
RELATED POSTS
24 Oct 2024 | နိုင်ငံရေး,နိုင်ငံတကာ
24 Oct 2024 | နိုင်ငံရေး,နိုင်ငံတကာ
23 Oct 2024 | နိုင်ငံရေး,နိုင်ငံတကာ