ဂျန်ဇက် (NSS) - အောက်တိုဘာ ၂ဝ

အောက်တိုဘာ ၁၉ ရက်က ဟားမက်စ်အဖွဲ့ ဖမ်းဆီးထားခြင်းခံထားရသူများကို အမြန်ဆုံးပြန်လွှတ်ပေးဖို့ နယူးယောက်မြို့ ရင်ပြင်မှာ ပြည်သူရာချီဆန္ဒပြတောင်းဆိုခဲ့ကြောင်း သိရပါတယ်။ 

အစ္စရေးနဲ့ ဟားမက်စ်စစ်ပွဲဟာ အမေရိကန်သမ္မတ  ဂျိုးဘိုင်ဒန်အတွက် ဖိအားတွေဖြစ်လာစေခဲ့ပြီး ဟားမက်စ်တို့ ဖမ်းဆီးခံထားခြင်းခံရတဲ့ အမေရိကန်နိုင်ငံသားတွေပြန်လွှတ်ပေးဖို့ သံတမန်ရေးအရ ဖိအားတွေ ပိုမိုရှိလာခဲ့ကြောင်း သိရပါတယ်။ ဆန္ဒပြသူတွေဟာ ဖမ်းဆီးခံထားရတဲ့သူတွေရဲ့ရုပ်ပုံတွေပါဝင်တဲ့ Billboards တွေကိုင်ဆောင် ဆန္ဒပြ ခဲ့တာဖြစ်ပြီး အဲဒီ Billboards တွေထဲမှာ ကလေးငယ်နဲ့ သက်ကြီးရွယ်အိုတွေ ပါဝင်နေကာ အဲဒီသူတွေအားလုံးကို မိခင်နိုင်ငံရှိ အိမ်ကို အမြန်ဆုံးပြန်လာအောင် လုပ်ဆောင်ပေးဖို့ တောင်းဆိုခဲ့ခြင်းဖြစ်ကြောင်း သိရပါတယ်။ 

အစ္စရေးနဲ့ ဟားမက်စ်လက်နက်ကိုင်အဖွဲ့တို့ကြားဖြစ်ပွားနေတဲ့ စစ်ပွဲအတွင်း ပါလက်စတိုင်း ဂျာနယ်လစ် အနည်းဆုံး ၁၆ ဦး သေဆုံးထားကြောင်း ပါလက်စတိုင်း ဂျာနယ်လစ်အစည်းအရုံးက ပြောပါတယ်။

ဒါ့အပြင် ဟားမက်စ်နဲ့ အစ္စရေးတို့ စစ်ပွဲစတင်ခဲ့ပြီးနောက်ပိုင်း အောက်တိုဘာ ၇ ရက်နေ့ နောက်ပိုင်းကတည်းက ပါလက်စတိုင်းဂျာနယ်လစ် ဒါဇင်ချီ ဒဏ်ရာရခဲ့ကြောင်း သိရပါတယ်။

ပါလက်စတိုင်းလက်နက်ကိုင်အဖွဲ့ ဟားမက်စ်အဖွဲ့ခေါင်းဆောင်တစ်ဦး Khaled Meshaal က ၎င်းတို့အနေနဲ့ အစ္စရေးရဲ့တိုက်ခိုက်မှုတွေကို ခုခံတိုက်ခိုက်မှုမလုပ်ဆောင်နိုင်ဘူးဆိုရင် အသတ်ခံရမှာဖြစ်ကြောင်း ပြောပါတယ်။ အစ္စရေးကို တိုက်ခိုက်ချိန်အတွင်း ဖမ်းဆီးထားတဲ့ဓါးစာခံတွေထဲမှာ အစ္စရေးစစ်သားတွေလည်း ပါဝင်ခဲ့ပြီးအဲဒီအရေ အတွက် အစ္စရေးနိုင်ငံရှိ အကျဉ်းထောင်တွေထဲမှာ ဖမ်းဆီးထိန်းသိမ်းခံထားရတဲ့ ပါလက်စတိုင်းအားလုံး ပြန်လွှတ် အောင် စေ့စပ်ဆွေးနွေးဖို့ လုံလောက်တဲ့အရေအတွက်ဖြစ်ကြောင်း ၎င်းက ပြောပါတယ်။

အစ္စရေးတပ်ဖွဲ့တွေဟာ လက်ရှိအချိန်မှာ မြေပြင်ထိုးစစ်ဆင်နွဲဖို့ တွက်ချက်နေပြီး ဟားမက်စ်အဖွဲ့တွေကလည်း ဖြစ်လာနိုင်တဲ့အကျိုးဆက်တွေကို ကြိုတင်သိရှိထားဖို့ လိုအပ်နေကြာင်း ပြောပါတယ်။ 

အစ္စရေးကာကွယ်ရေးဝန်ကြီးက  ဂါဇာနယ်စပ်ဒေသမှာ စုရုံးရောက်ရှိနေတဲ့အစ္စရေးတပ်ဖွဲ့တွေကို မကြာမီအချိန် အတွင်း ပါလက်စတိုင်း ပိုင်နက်အတွင်းမှာ တွေ့မြင်ရမှာဖြစ်ကြောင်း၊ ဟားမက်စ်အဖွဲ့ကို သုတ်သန်ချေမှုန်းမယ့် မြေပြင်ထိုးစစ်ဆင်နွှဲမှုတွေဟာ မကြာခင် စတင်တော့မှာဖြစ်ကြောင်း ပြောပါတယ်။ ဟားမက်စ်အဖွဲ့ရဲ့ တိုက်ခိုက်မှုကြောင့် အစ္စရေးစစ်သားတွေ အပါအဝင် အစ္စရေးနိုင်ငံသား အနည်းဆုံး ၁၄ဝဝ ကျော် သေဆုံးထား ကြောင်း သိရပါတယ်။ 

အစ္စရေးဝန်ကြီးချုပ်နေတန်ရာဟုက အစ္စရေးနိုင်ငံအပေါ် ဟားမက်စ်အဖွဲ့တိုက်ခိုက်ခြင်းဟာ အရှေ့အလယ်ပိုင်း ဒေသငြိမ်းချမ်းရေးတိုးချဲ့မယ့်အစီအစဉ်တွေကို ဟန့်တားဖို့ ရည်ရွယ်ခြင်းဖြစ်ကြောင်း၊ ဗြိတိန်နိုင်ငံအနေနဲ့ ဟားမက်စ်ကိုတိုက်ခိုက်မယ့် အစ္စရေးရဲ့စစ်ရေးအစီအစဉ်တွေကို အားပေးထောက်ခံစေလိုကြောင်း တောင်းဆို လိုက်ပါတယ်။ ဗြိတိန်ဝန်ကြီးချုပ်ဆူနက်ဟာ အောက်တိုဘာ ၁၉ ရက်က အစ္စရေးနိုင်ငံကိုရောက်ရှိလာခဲ့ပြီးနောက် အစ္စရေးဝန်ကြီးချုပ်နဲ့ တွေ့ဆုံဆွေးနွေးခဲ့ကြောင်း သိရပါတယ်။

အီဂျစ်သမ္မတ အယ်စီစီ နဲ့ ဂျော်ဒန်ဘုရင် အဒူလာတို့က ဂါဇာဒေသရှိ ပါလက်စတိုင်းတွေကို စုပေါင်း ပြစ်ဒဏ်ပေး နေခြင်းများကို ပြစ်တင်ရှုတ်ချကြောင်း ထုတ်ဖော်ပြောဆိုလိုက်ပါတယ်။ အစ္စရေးနဲ့ ဟားမက်စ်အဖွဲ့ကြားဖြစ်ပွား နေတဲ့စစ်ပွဲနဲ့ပတ်သက်ပြီး အီဂျစ်သမ္မတ နဲ့ ဂျော်ဒန်ဘုရင်တို့ဟာ ဂါဇာဒေသကို အစ္စရေးရဲ့ကျူးကျော်မှုတွေကို တားဆီးဖို့ အဓိကထားဆွေးနွေးခဲ့ကြောင်း သိရပါတယ်။