မြောက်ကိုရီးယားက ရုရှားအတွက် စစ်လက်နက်ပစ္စည်းများထည့်ထားသော ကွန်တိန်နာ(၁)ထောင်ကျော် ပေးပို့ခဲ့ ဟု အမေရိကန်ပြော
Pika (NSS) - အောက်တိုဘာ ၁၄
မြောက်ကိုရီးယားသည် ယူကရိန်းနှင့်စစ်ပွဲတွင် အသုံးပြုရန်အတွက် စစ်လက်နက်ပစ္စည်းများနှင့် ခဲယမ်းမီးကျောက် များ ပါဝင်သည့် ကွန်တိန်နာ(၁)ထောင်ကျော်ကို ပြီးခဲ့သည့်သီတင်းပတ်များအတွင်း ရုရှားဆီသို့ ပေးပို့ခဲ့ကြောင်း အမေရိကန်အစိုးရက ထုတ်ဖော်ပြောဆိုခဲ့သည်။
မြောက်ကိုရီးယားခေါင်းဆောင် ကင်ဂျုံအန်းသည် ပြီးခဲ့သည့်လတွင် ရုရှားသမ္မတပူတင်နှင့်သွားရောက်တွေ့ဆုံခဲ့ပြီး နောက် ဖြစ်နိုင်ခြေရှိသော လက်နက်သဘောတူညီချက်များနှင့်ပတ်သက်ပြီး ယူကရိန်း၏ မိတ်ဖက်နိုင်ငံများ ကြားတွင် စိုးရိမ်ပူပန်မှုများဖြစ်ပေါ်လာစေခဲ့ကြောင်း သိရသည်။
အမေရိကန်အမျိုးသားလုံခြုံရေးကောင်စီပြောရေးဆိုခွင့်ရှိသူဂျွန်ကီဘိုင်က "ယူကရိန်းမြို့တွေကို တိုက်ခိုက်ဖို့၊ ယူကရိန်းပြည်သူတွေကို သတ်ဖို့ နဲ့ တရားမဝင်ကျူးကျော်စစ်ပွဲကို အားပေးသလိုဖြစ်စေတဲ့ စစ်လက်နက်ပစ္စည်း တွေ ရုရှားကိုပေးအပ်ခဲ့တဲ့ မြောက်ကိုရီးယားရဲ့လုပ်ရပ်ကို ကျွန်တော်တို့ ပြစ်တင်ရှုတ်ချပါတယ်။ မြောက်ကိုရီးယား ဟာ ရုရှားကို နောက်ထပ်စစ်လက်နက်ပစ္စည်းတွေ ပေးပို့ခြင်း ရှိ/မရှိ ဆိုတာကို ကျွန်တော်တို့ သေချာစောင့်ကြည့်် သွားမှာပါ။ အပြန်အလှန်အနေနဲ့ မြောက်ကိုရီးယားဟာ တိုက်လေယာဉ်တွေ၊ မြေပြင်မှ ဝေဟင်ပစ်ဒုံးကျည်တွေ၊ သံချပ်ကာယာဉ်တွေ၊ ပဲ့ထိန်းဒုံးကျည်တွေ ထုတ်လုပ်ရာမှာ သုံးတဲ့ ကိရိယာတွေ (သို့မဟုတ်) အခြားပစ္စည်းတွေနဲ့ အခြားအဆင့်မြင့်နည်းပညာတွေပါဝင်တဲ့ စစ်ရေးအကူအညီတွေကို ရုရှားထံကနေ ရယူနိုင်ဖို့ ကြိုးပမ်းနေပါတယ်။ ရုရှားမှ မြောက်ကိုရီးယားသို့ နည်းပညာလွှဲပြောင်းပေးတာတွေ အပါအဝင် နှစ်နိုင်ငံကြား စစ်ရေးပူးပေါင်း ဆောင်ရွက်မှုတွေ တိုးချဲ့တာဟာ ဒေသတွင်းနဲ့ ကမ္ဘာလုံးဆိုင်ရာတည်ငြိမ်မှုကို ထိခိုက်စေပါတယ်" ဟု ပြောခဲ့သည်။
စက်တင်ဘာလ(၁)ရက်မှ အောက်တိုဘာလ(၁)ရက်အတွင်း မြောက်ကိုရီးယားနိုင်ငံ Najin မြို့မှ ရုရှားနိုင်ငံ Dunay မြို့သို့ ကွန်တိန်နာအများအပြား ပေးပို့ခဲ့သည်ကို အမေရိကန်အစိုးရက ထုတ်ပြန်ထားသည့်ဓါတ်ပုံများတွင် တွေ့ရှိခဲ့ ရသည်။ မြောက်ကိုရီးယားခေါင်းဆောင်ကင်ဂျုံအန်း လာရောက်လည်ပတ်သည့်ခရီးစဉ်အတွင်း သဘောတူညီချက် များအတွက် လက်မှတ်ရေးထိုးခြင်းများ မရှိခဲ့သော်လည်း နှစ်နိုင်ငံကြား စစ်ရေးပူးပေါင်းဆောင်ရွက်မှုများအတွက် ဖြစ်နိုင်ခြေများကို တွေ့ခဲ့ရကြောင်း ပူတင်က ထုတ်ဖော်ပြောဆိုထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ယနေ့ အောက်တိုဘာလ ၁၄ ရက်အတွင်းဖြစ်ပွားခဲ့သော ပြည်တွင်းနှင့် ပြည်ပက စိတ်ဝင်စားဖွယ်သတင်းများ
RELATED POSTS
24 Oct 2024 | နိုင်ငံရေး,နိုင်ငံတကာ
24 Oct 2024 | နိုင်ငံရေး,နိုင်ငံတကာ
23 Oct 2024 | နိုင်ငံရေး,နိုင်ငံတကာ