Pika (NSS) - အောက်တိုဘာ ၁၈

ဘရာဇီးနိုင်ငံမှ အငြိမ်းစားစီးပွားရေးအမှု ဆောင်တစ်ဦးဖြစ်သည့် ဟီလိုဒါဆေးလ်ဗားဆိုသူအမျိုးသားသည် ပြီးခဲ့သည့်နှစ်ပေါင်း(၂၀)ကျော်အ တွင်း ၎င်း၏ဇာတိမြို့Sao Paolo တွင် သစ်ပင်ပေါင်း (၄၁၀ဝဝ)ကျော်ကိုစိုက်ပျိုးခဲ့ပြီး ပန်းခြံတစ်ခုကို ဖန်တီးခဲ့ကြောင်းသိရသည်။ (၃ ဒသမ ၂) ကီလိုမီတာ ရှည်လျားပြီး (၁၀ဝ)မီတာအကျယ်ရှိသော ပန်းခြံ သည် Tiquatira Linear ပန်းခြံဟုလူသိများပြီး ယခင်ကအဆိုပါနေရာမှာ ပျက်စီးနေသည့်နေရာတစ်ခုဖြစ်ကြောင်းလည်း သိရသည်။ နှစ်ပေါင်းများစွာ ကြာ အောင်မြင်သည့် စီးပွားရေးအမှုဆောင်တစ်ဦး ဖြစ်ခဲ့သော ဟီလိုဒါဆေးလ်ဗားသည် အငြိမ်းစားယူပြီး နောက် ပျက်စီးနေသော Tiquatira  မြစ်ကမ်းပါးများ ကို ၎င်း၏အသိုင်းအဝိုင်းအတွက် စိမ်းလန်းစိုပြည် သောအိုအေစစ်အဖြစ် ဖန်တီးရန်ဆုံးဖြတ်ခဲ့ခြင်း ဖြစ်ကြောင်းသိရသည်။ 

ထို့ပြင် အသက်(၇၃)နှစ်အရွယ် ဟီလိုဒါဆေးလ်ဗားက ၎င်းသည် လွန်ခဲ့သည့်ဆယ် စုနှစ်များစွာတည်း က ဇာတိမြို့ဖြစ်ခဲ့သော Sao Paolo  အတွက် အမွေ အနှစ်တစ်ခုချန်ထားခဲ့လိုခြင်းဖြစ်ကြောင်း ပြောကြားခဲ့သည်။ ဟီလိုဒါဆေးလ်ဗားသည် အဆိုပါဆုံးဖြတ်ချက် ကိုချပြီးနောက် ပထမဆုံး(၄)နှစ်အတွင်း မူးယစ် ဆေးဝါးရောင်းသူများနှင့် သုံးစွဲသူများ မကြာခဏ လာရောက်ကြလေ့ရှိသည့် စွန့်ပစ်ဧရိယာတစ်ခုတွင် သစ်ပင်ပေါင်း(၅၀ဝဝ)ကို တစ်ကိုယ်တည်းစတင် စိုက်ပျိုးခဲ့ကြောင်းသိရသည်။ ၎င်း၏ကြိုးပမ်းအား ထုတ်မှုများကို Sao Paolo  မြို့ တော်က အသိအမှတ် ပြုခဲ့ပြီး မြို့၏ ပထမဆုံးမျဉ်းဖြောင့်ပုံစံပန်းခြံအဖြစ် သတ်မှတ်ခဲ့ကြောင်း သိရသည်။ 

အဆိုပါအသိအမှတ် ပြုမှုသည် သစ်ပင်များကို တစ်ကိုယ်တည်းစိုက်ပျိုးနေသော  ဟီလိုဒါဆေးလ်ဗားအတွက် ခွန်အားတစ်ခုဖြစ်စေခဲ့ကြောင်းလည်း သိရသည်။ (၂၀၂၀)ပြည့် နှစ်အထိ ဟီလိုဒါဆေးလ်ဗားသည် (၃ ဒသမ ၂)ကီလိုမီတာရှည်လျားသော ဧရိယာတွင် သစ်ပင် ပေါင်း(၂၅၀၄၇)ပင်ကို စိုက်ပျိုးခဲ့ပြီး ၎င်းတို့အနက် (၈၈)ရာခိုင်နှုန်းမှာ ရှင်သန်ကြီးထွား လာခဲ့ကြောင်း သိရသည်။ ထို့ပြင် ၎င်း၏စိမ်းလန်းစိုပြည်သောအိုအေစစ် သို့ ငှက်များနှင့်တိရစ္ဆာန်များ လာရောက်အောင် ဆွဲဆောင်ရန်မျှော်လင့်ချက်ဖြင့် သီးပင်စားပင်များကို လည်း ထည့်သွင်းစိုက်ပျိုးခဲ့ကြောင်း ဟီလိုဒါဆေးလ် ဗားက ပြောကြားခဲ့သည်။ ယနေ့ခေတ်တွင်Tiq­uatira Linear ပန်းခြံမှာ သစ်ပင်ပေါင်း(၄၁၀ဝဝ)ကျော်ရှိပြီး စုစုပေါင်းသစ်ပင် အနည်းဆုံး(၅)သောင်း အထိ မရောက်မချင်း စိုက်ပျိုးမှုများကို ရပ်တန့်သွား မည်မဟုတ်ကြောင်း ဟီလိုဒါဆေးလ်ဗားက ပြောကြား ခဲ့သည်။ ၎င်းက "သစ်ပင်တွေက ပန်းတွေ၊ သစ်သီး တွေကိုပေးပြီး ကျေးငှက်တိရစ္ဆာန်တွေကို ဆွဲဆောင် ပါတယ်။ ပြီးတော့ ကျွန်တော်တို့အတွက် အရိပ်နဲ့ လေကောင်းလေသန့်ကိုလည်း ရရှိအောင်လုပ်ဆောင် ပေးပါတယ်။ ဒါကြောင့်မို့  သစ်ပင်တွေစိုက်ပျိုးဖို့ ဆုံး ဖြတ်ခဲ့တာပါ"ဟု ပြောသည်။