ဂျန်ဇက် (NSS) - အောက်တိုဘာ ၁၆

ထိုင်ဝမ်နှင့်ပြန်လည်ပေါင်းစည်းနိုင်အောင် အင်အားသုံးခြင်းကို ဘယ်တော့မှ စွန့်လွှတ်မှာမဟုတ်ဘူးလို့ တရုတ်အစိုးရတာဝန်ရှိသူတစ်ဦးက ပြောပါတယ်။ တရုတ်နဲ့ ထိုင်ဝမ်ကြားတင်းမာမှုအရှိန်မြင့်တက်လာနေချိန်မှာပဲ တရုတ်အစိုးရရဲ့ထိုင်ဝမ်ရေးရာရုံးက အခုလိုမျိုးပြောခဲ့တာဖြစ်ပါတယ်။ တရုတ်အစိုးရက ထုတ်ဖော်ပြောဆိုလိုက်သည်။ 

တရုတ်အစိုးရ၏ ထိုင်ဝမ်ရေးရာရုံး ပြောရေးဆိုခွင့်ရှိသူက "ကျွန်တော်တို့ဟာ ထိုင်ဝမ်နဲ့ ငြိမ်းချမ်းစွာပြန်လည်ပေါင်းစည်းဖို့ကြိုးပမ်းမှာဖြစ်ပေမယ့် အင်အားသုံးဖြေရှင်းခြင်းကိုလည်း စွန့်လွှတ်မှာမဟုတ်ဘူး၊ ထိုင်ဝမ်နဲ့ ပြန်လည်ပေါင်းစည်းဖို့ အင်အားသုံးခြင်းကို စွန့်လွတ်ဖို့ ကတိပေးတာမျိုးမရှိဘူး၊ ထိုင်ဝမ်မှာတပ်ဖွဲ့ဝင်အင်အားနဲ့ စစ်လက်နက်ပစ္စည်းပိုင်ဆိုင်မှုအများအပြားမရှိဘူး၊ ထိုင်ဝမ်အစိုးရဟာ ခွဲထွက်ရေးလှုပ်ရှားမှုကိုအရှိန်မြင့်လုပ်ဆောင်မယ်ဆိုရင်တော့ ကိုယ်နိုင်ငံကို ကိုယ်ပိုင်ဖျက်ဆီးသလိုမျိုးဖြစ်လာဖွယ်ရှိတယ်"လို့ ပြောပါတယ်။ ထိုင်ဝမ်မှာ လိုင်ချန်တေး သမ္မတအဖြစ် တာဝန်ယူပြီးနောက်ပိုင်းထိုင်ဝမ်နဲ့ တရုတ်နိုင်ငံကြားတင်းမာမှုအရှိန်မြင့်တက်လာခဲ့ပြီး ပြီးခဲ့တဲ့ရက်ပိုင်းက ပြုလုပ်ခဲ့တဲ့ မိန့်ခွန်းပြောဆိုမှုမှာ ထိုင်ဝမ်သမ္မတ ရဲ့ပြောဆိုချက်တွေကို တရုတ်အစိုးရက စိတ်ဆိုးဒေါသဖြစ်ခဲ့ကြောင်းသိရပါတယ်။

တရုတ်အစိုးရက တရုတ်နိုင်ငံက ခွဲထွက်ဖို့ ထိုင်ဝမ်ရဲ့ကြိုးပမ်းမှုတွေဟာ လူနည်းစုနဲ့ ပြည်ပစွက်ဖက်မှုတွေကြောင့်ဖြစ်ပြီး ခွဲထွက်ရေးကို ထိုင်ဝမ်ပြည်သူအများစုက အားပေးထောက်ခံခြင်းမျိုး မရှိကြောင်းပြောပါတယ်။ တရုတ်အစိုးရက ထိုင်ဝမ်ဟာ ၎င်းတို့ပိုင်နက်ဖြစ်ပြီး ထိုင်ဝမ်နဲ့ ပြန်လည်ပေါင်းစည်းဖို့ ကြိုးပမ်းမှာဖြစ်သလို လိုအပ်မယ်ဆိုရင် အင်အားသုံးမယ်လို့ မကြာခဏပြောဆိုခဲ့ဖူးပါတယ်။ ထိုင်ဝမ်အပေါ် အင်အားသုံးမယ့်အခြေအနေတွေနဲ့ပတ်သက်ပြီး အမေရိကန်နိုင်ငံကလည်း တရုတ်နိုင်ငံကို သတိပေးခြင်းများရှိခဲ့ကြောင်းသိရပါတယ်။