Pika (NSS) - အောက်တိုဘာ ၁၆

အီရန်အပေါ် အလားအလာရှိသော တိုက်ခိုက်မှုများတွင် အစ္စရေးကိုမကူညီကြရန် ဂျော်ဒန်၊ ယူအေအီး၊ ဆော်ဒီအာရေးဗျနှင့်ကာတာ နိုင်ငံတို့အပါအဝင် အရှေ့အလယ်ပိုင်းဒေသရှိ အမေရိကန်၏ မိတ်ဖက်နိုင်ငံအများအပြားကို အီရန်ကသတိပေးခဲ့ကြောင်း အမည်မဖော်လို သည့်အာရပ်အရာရှိများ၏ ပြောကြားချက်ကို ကိုးကားပြီး Wall Street Journal  ကရေးသား ဖော်ပြခဲ့သည်။

လျှို့ဝှက်သံတမန်လမ်းကြောင်းများမှ တစ်ဆင့်ထုတ်ပြန်ခဲ့သည့် အဆိုပါသတိပေးချက် သည် ယခုလအစောပိုင်းတွင် အီရန်ကအစ္စရေးကို ဒုံးကျည်အစင်းရေ(၂၀ဝ)ကျော်ဖြင့်ပစ်ခတ်တိုက် ခိုက်ခဲ့ ပြီးနောက် ပြင်းထန်သောလက်တုံ့ပြန်မှုများကို လုပ်ဆောင်သွားမည်ဆိုသည့် အစ္စရေး၏ခြိမ်းခြောက်မှုများကို ပြန်လည်တုံ့ပြန်ခြင်းမျိုးဖြစ်ကြောင်းသိရသည်။ လက်တုံ့ပြန်မှုများကို ကန့်သတ်ထား ရန်နှင့် ဒေသတွင်းတွင် ပိုမိုကျယ်ပြန့်လာနိုင်ခြေရှိသည့်စစ်ပွဲကို ရှောင်ရှားရန်အတွက် အမေရိကန်က ကြိုးပမ်းနေချိန်တွင် အီရန်၏နျူကလီးယားစက်ရုံ များနှင့် ရေနံအခြေခံအဆောက်အအုံများအပေါ် ဆိုးရွားသော လက်တုံ့ပြန်တိုက်ခိုက်မှုများလုပ်ဆောင်ရန် အစ္စရေးအစိုးအရာရှိများကထောက်ခံနေကြောင်း လည်းသိရသည်။

အီရန်နှင့်အစ္စရေးတို့ကြား တင်းမာမှုများ မြင့်တက်လာခြင်းသည် စွမ်းအင်ချမ်းသာကြွယ်ဝသော ပါရှန်းပင်လယ်ကွေ့နိုင်ငံများကြားတွင် ၎င်းတို့၏ကိုယ်ပိုင်ရေနံစက်ရုံများ ဘေးကင်းရေးနှင့် ပတ်သက်ပြီး စိုးရိမ်မှုများကို မြင့်တက်လာစေခဲ့ ကြောင်းလည်းသိရသည်။ ထို့ပြင် အရှေ့အလယ်ပိုင်းဒေသတွင်းတွင် အမေရိကန်၏စစ်ဘက်ဆိုင်ရာ ပစ္စည်းများနှင့်တပ်ဖွဲ့များဖြန့်ကြက်ချထားမှုသည် မလိုလားအပ်သော အကျိုးဆက်များရှိလာစေနိုင် သည့် မှားယွင်းသောတွက်ချက်မှုများ သို့မဟုတ် တင်းမာမှုအရှိန်မြင့်တက်လာနိုင်ခြေရှိသည့် အန္တရာယ်များရှိနေကြောင်း WSJ ကရေးသား ဖော်ပြထားသည်။ အီရန်အပေါ် ထိုးစစ်ဆင်သည့် စစ်ဆင်ရေးများတွင် ၎င်းတို့၏စစ်ဘက်ဆိုင်ရာ အခြေခံအဆောက်အအုံ သို့မဟုတ် လေပိုင်နက် များကို အသုံးမပြုလိုသည့်အချက်ကို အမေရိကန် တပ်ဖွဲ့များကို လက်ခံထားသော နိုင်ငံအများအပြား၏ တာဝန်ရှိသူများက အမေရိကန် သမ္မတဂျိုးဘိုင် ဒန်အစိုးရအဖွဲ့ကို အသိပေးခဲ့ကြောင်းလည်း သိရသည်။ ထို့ပြင် ဆော်ဒီအာရေးဗျ၊ ကာတာနှင့် ယူအေအီးနိုင်ငံတို့က အီရန်အပေါ် တိုက်ခိုက်မှုများ တွင် အစ္စရေးတိုက်လေယာဉ်များကို ၎င်းတို့၏လေပိုင်နက်ကို အသုံးပြုခွင့်မပေးဟု အမေရိကန်ကို ပြောကြားခဲ့ကြောင်း အောက်တိုဘာလ(၁၀) ရက်နေ့က ထုတ်ပြန်ခဲ့သည့် သီးခြားအစီရင်ခံစာ တစ်ခုတွင် ရေးသားဖော်ပြထားသည်။ 

အရှေ့ အလယ် ပိုင်းဒေသတွင်းရှိ မိတ်ဖက်နိုင်ငံ အချို့ သည် အမေရိကန်စစ်ဌာန ချုပ်ပင်တဂွန်ကို ၎င်းတို့၏စိုးရိမ်ပူပန်မှုများကို ထုတ်ဖော် ပြောကြားခဲ့ ကြောင်း အမေရိကန်ကာကွယ်ရေး အရာရှိများက အသိအမှတ်ပြုပြောဆိုခဲ့သည်။ အီရန်နိုင်ငံသည် ဖြစ်ပေါ်လာနိုင်ခြေရှိသော အစ္စရေး၏တိုက်ခိုက်မှု များအတွက် ကိုယ့်ကိုယ်ကိုယ် ခုခံကာကွယ်ရန်နှင့် လက်တုံ့ပြန်ရန် အပြည့်အဝ ပြင်ဆင်ထားကြောင်း အဆိုပါကိစ္စနှင့်နီးစပ်သည့် သတင်းရင်းမြစ်တစ်ခုက RT သတင်းဌာနကို ပြောကြားခဲ့ကြောင်းလည်း သိရသည်။