မြူနစ် (NSS) - ဒီဇင်ဘာ ၁၂

NUG ၏ ပုလဲမြို့နယ်တရားရုံးကို လေကြောင်းဖြင့်တိုက်ခိုက်ခဲ့ရာ ထိခိုက်သေဆုံးသူများ ရှိခဲ့ကြောင်း သိရသည်။

ယနေ့(ဒီဇင်ဘာ ၁၂ ရက်) နေ့လည် ၁၂ နာရီအချိန်ခန့်တွင် စစ်ကိုင်းတိုင်း၊ ပုလဲမြို့နယ်၊ မင်းတိုင်ပင်ကျေးရွာရှိ NUG ၏ ပုလဲမြို့နယ်တရားရုံး တိုက်ခိုက်ခံခဲ့ရခြင်းဖြစ်သည်။

အဆိုပါ NUG ၏ တရားရုံးကို တပ်မတော်က လေကြောင်းဖြင့် ဗုံး(၄)လုံးချကာ တိုက်ခိုက်ခဲ့ခြင်းဖြစ်ကြောင်း NUG လက်အောက်ခံ ပုလဲမြို့နယ်ပြည်သူ့အုပ်ချုပ်ရေးအဖွဲ့က ထုတ်ပြန်ထားသည်။

ယင်းကဲ့သို့ လေကြောင်းတိုက်ခိုက်မှုဖြစ်စဉ်အတွင်း NUG ၏ မြို့နယ်တရားရေးတာဝန်ခံဆိုသူ တစ်ဦး၊ ပညာရေးဝန်ထမ်းတစ်ဦး၊ PDF အဖွဲ့ဝင်တစ်ဦးနှင့် ဇီးဖြူကုန်းကျေးမှ အသက်တစ်နှစ်အရွယ်ကလေးနှင့် မိခင်ဖြစ်သူတို့ သေဆုံးသွားခဲ့ကြောင်း ထုတ်ပြန်ထားသည်။

၎င်းဖြစ်စဉ်နှင့်ပတ်သက်၍ နစကဘက်က လက်ရှိအချိန်ထိ တစ်စုံတစ်ရာထုတ်ပြန်ပြောဆိုခြင်းမျိုး မရှိသေးပေ။