ဂျန်ဇက် (NSS) - ဒီဇင်ဘာ ၆

အစ္စရေးရဲ့တိုက်ခိုက်မှုကြောင့် လက်ဘနွန်စစ်သားများ သေဆုံး၊ ဒဏ်ရာရခဲ့ခြင်းအပေါ် စိုးရိမ်မှုဖြစ်ရကြောင်း အမေရိကန်အစိုးရက ထုတ်ဖော်ပြောဆိုလိုက်ပါတယ်။ 

အမေရိကန်အစိုးရတာဝန်ရှိသူတစ်ဦးက "လက်ဘနွန်လက်နက်ကိုင်အဖွဲ့ဟာ လက်ဘနွန်နိုင်ငံတည်ငြိမ်ရေး၊ လုံခြုံရေးအတွက်သာကမ ဒေသတွင်းအတွက်လည်း လိုအပ်တဲ့အဖွဲ့အစည်းဖြစ်တယ်။"လို့ ပြောပါတယ်။

အမေရိကန်အစိုးရအနေနဲ့ ဂါဇာစစ်ပွဲပဋိပက္ခတွေကို လက်ဘနွန်နိုင်ငံအထိ ပျံ့နှံ့သွားမှာမလိုလားကြောင်း၊ အစ္စရေးနဲ့လက်ဘနွန်နယ်စပ်တစ်လျှောက်တည်ငြိမ်ရေးဟာ အမေရိကန်အစိုးရအတွက် အဓိကဦးစားပေးဖြစ်ကြောင်း အမေရိကန်အစိုးရ တာဝန်ရှိသူတစ်ဦးက ထပ်မံပြောဆိုခဲ့ပါတယ်။ အစ္စရေးနဲ့ လက်ဘနွန်နိုင်ငံအနေနဲ့ နယ်စပ်ဒေသတည်ငြိမ်ရေးကို ဦးစားပေးဆောင် ရွက်သင့်ကြောင်း အမေရိကန်အစိုးရတာဝန်ရှိသူတစ်ဦးက ပြောပါတယ်။

လက်ဘနွန်အစိုးရက လက်ဘနွန်တောင်ပိုင်းရှိ စစ်အခြေစိုက်စခန်းတစ်ခုဟာ ဗုံးကြဲတိုက်ခိုက်ခံရကြောင်း၊ စစ်သားတစ်ဦးသေဆုံးခဲ့ကာ သုံးဦးဒဏ်ရာရခဲ့ကြောင်း ပြောပါတယ်။ ဟားမက်စ်နဲ့အစ္စရေးနိုင်ငံကြား စစ်ပွဲစတင်ဖြစ် ပွားခဲ့ပြီးနောက်ပိုင်း လက်ဘနွန်စစ်သားများပထမဆုံးအကြိမ်သေဆုံးခဲ့ခြင်းဖြစ်ကြောင်းပြောပါတယ်။

လက်ဘနွန်အခြေစိုက်လက်နက်ကိုင်အဖွဲ့ ဟစ်ဘိုလာအုပ်စုကတော့ ၎င်းတို့အနေနဲ့ အစ္စရေးရဲ့တိုက်ခိုက်မှုတွေကို လက်တုံ့ပြန်မှာဖြစ်ကြောင်း၊ အစ္စရေးပိုင်နက်အတွင်းနေထိုင်သူများသေဆုံး၊ ဒဏ်ရာရတာမျိုးဖြစ်အောင် လုပ် ဆောင်သွားမှာဖြစ်ကြောင်း ထုတ်ဖော်ပြောဆိုထားပါတယ်။ အစ္စရေးအစိုးရကတော့ လက်ဘနွန်စစ်သားတွေသေဆုံးရခြင်းဟာ မတော်တဆ အက်ဆီဒင့် မျိုးသာဖြစ်ကြောင်း ပြောဆိုထားပါတယ်။ အစ္စရေးစစ်ဘက်က လက်ဘနွန် စစ်သားတစ်ဦးသေဆုံးကာ သုံးဦးဒဏ်ရာရခြင်းအတွက် စိတ်မကောင်းဖြစ်ရပြီးတောင်းပန်ကြောင်း ၎င်းတို့ဟာ ဟစ်ဘိုလာအုပ်စုကို ပစ်မှတ်ထားတိုက်ခိုက်ခဲ့ခြင်းသာဖြစ်ကြောင်း တုံ့ပြန်ထားပါတယ်။