သန့်ဇင် (NSS) - နိုဝင်ဘာ ၅

မွန်ပြည်နယ်၊ ဘီးလင်းမြို့နယ်တွင် အမျိုးသားတစ်ဦး ကားပေါ်မှ ပြုတ်ကျသေဆုံးမှုဖြစ်ပွားခဲ့ကြောင်း ဘီးလင်းမြို့ အရေးပေါ်ကယ်ဆယ်ရေးအဖွဲ့ စုစည်းအားမာန်အသင်းမှ သိရသည်။

ယနေ့(နိုဝင်ဘာလ ၅ ရက်)၊ နံနက် ၆ နာရီ ၃ဝ မိနစ်အချိန်ခန့်တွင် ဘီးလင်းမြို့နယ်၊ ဝင်းပြန်ကျေးရွာအနီး၊ ကားလမ်းပေါ်တွင် အထက်ပါကဲ့သို့ဖြစ်ပွားခဲ့ကြောင်း သိရသည်။

“ကားပေါ်က ပြုတ်ကျတယ်လို့ပဲသိရတယ်ဗျ။ ဘယ်ကားပေါ်ကပြုတ်ကျတယ်။ ဘယ်လိုကြောင့် ကျလဲဆိုတာတွေ တော့ မသိခဲ့ရဘူး။ သေဆုံးသူက ကော့ကရိတ်ကလို့ပဲ သိရတယ်” ဟု စုစည်းအားမာန်လူမှုကယ်ဆယ်ရေးအသင်းမှ တာဝန်ရှိသူတစ်ဦးက NP News ကို ပြောသည်။

ကားပေါ်မှ ပြုတ်ကျခဲ့သည့် အမျိုသားမှာ အသက်(၂၅)နှစ် ဝန်းကျင်အရွယ်ဖြစ်ပြီး ကော့ကရိတ်မြို့တွင် နေထိုင်သူ ဖြစ်ကာ ရရှိခဲ့သည့်ဒဏ်ရာများကြောင့် စုစည်းအားမာန်လူမှုကယ်ဆယ်ရေးအသင်းမှ ဘီးလင်းမြို့နယ်ပြည်သူ့ ဆေးရုံအရေးပေါ်ဌာနသို့ ပို့ဆောင်စဉ် သေဆုံးသွားခဲ့ကြောင်း သိရသည်။

ထို့ကြောင့် သေဆုံးသူအမျိုးသား၏ ရုပ်အလောင်းအား  ဘီးလင်းမြို့နယ်ပြည်သူ့ဆေးရုံရင်ခွဲသို့ စုစည်းအားမာန်လူမှုကယ်ဆယ်ရေးအသင်းမှ ဆက်လက်ပို့ဆောင်ပေးခဲ့ကြောင်း သိရသည်။