ALynn (NSS) - ဇွန် ၅

၀န်ကြီးချုပ် နာရင်ဒရာမိုဒီလက်ထက်တွင် အိန္ဒိယသည် ကမ္ဘာ့သံတမန်စင်မြင့်တွင် ပိုမိုကြီးမားသောအခန်းကဏ္ဍမှပါဝင်နေသော်လည်း ဟိန္ဒူအမျိုးသားရေးကို ရှေ့တန်းတင်လာသော မိုဒီ၏တတိယသက်တမ်းတွင် အိန္ဒိယ၏အနေအထားကို စောင့်ကြည့်ရဦးမည်ဖြစ် သည်။ 

မိုဒီသည် အိန္ဒိယအား Global South ၏ ခေါင်းဆောင်တစ်ဦးအဖြစ်လည်းကောင်း၊ လျော့ရဲသောအုပ်စုများအတွက် ပြောရေးဆိုခွင့်ရှိသူအဖြစ်လည်းကောင်း ပုံဖော်ခဲ့သည်။ လာမည့်သက်တမ်း ၅ နှစ်တွင် မိုဒီ၏ပါတီသည် ပါလီမန်အမတ်နေရာအများစုကို လက်လွှတ်ခဲ့ရသော်လည်း မိုဒီကမူ ကမ္ဘာ့သက်တမ်း အရှည်ဆုံးအာဏာရှိသူဖြစ်လာမည်ဖြစ်သည်။

အသက် ၇၃ နှစ်ရှိပြီဖြစ်သော မိုဒီသည် ကမ္ဘာ့လူဦးရေအများဆုံးနှင့် စီးပွားရေး အလျင်မြန်ဆုံး တိုးတက်နေသော နိုင်ငံအတွက် ကုလသမဂ္ဂလုံခြုံရေးကောင်စီတွင် အမြဲတမ်းထိုင်ခုံနေရာရရှိရန်တွန်းအားပေးနေသည်။ “မိုဒီဟာ ကမ္ဘာလုံးဆိုင်ရာပတ်လမ်းကြောင်းမှာ စီနီယာအကျဆုံး ခေါင်းဆောင်တွေထဲကတစ်ဦးဖြစ်ပြီး သူ့ရဲ့ခေါင်းဆောင်မှုအောက်မှာ ကျင်းပခဲ့တဲ့ ရွေး ကောက်ပွဲ (၃)ကြိမ်စလုံးမှာ အောင်ပွဲဆက်တိုက်ရရှိခဲ့သူဖြစ်တယ်”ဟု King's College London မှ နိုင်ငံတကာဆက်ဆံရေးပါမောက္ခ Harsh V Pant က ပြောကြားခဲ့သည်။ 

မိုဒီသည် ၎င်း၏ပြည်တွင်းရပ်တည်မှုကို အားကောင်းစေရန် အိန္ဒိယနိုင်ငံ၏ ကြီးထွားလာနေသော ကမ္ဘာလုံးဆိုင်ရာခြေရာကို အသုံးပြုခဲ့သည်။ တစ်ချိန်တည်းမှာပင် အိန္ဒိယနိုင်ငံ၏ G20 ဥက္ကဋ္ဌရာထူးကို လွှဲပြောင်းယူနိုင်ခြင်းက နိုင်ငံခြားတွင် ၎င်း၏ပုံရိပ်ကို ပိုမိုတိုးတက်လာစေခဲ့သည်။ အိန္ဒိယသည် အာရှ-ပစိဖိတ်ဒေသတွင် တရုတ်နိုင်ငံ၏ ဩဇာအလွန်အမင်း ကြီးထွားလာမှုကို ဆန့်ကျင်သည့် အမေရိကန်၊ ဂျပန်နှင့် သြစတြေးလျတို့ပါဝင်သည့် Quad အဖွဲ့၏ တစ်စိတ် တစ်ပိုင်းဖြစ်သည်။ သမ္မတ ဂျိုးဘိုင်ဒင်သည် ယမန်နှစ်က နိုင်ငံတော်ညစာစားပွဲ၌ မိုဒီကို တည်ခင်းဧည့်ခံခဲ့ပြီး အိန္ဒိယနှင့် အမေရိကန်၏ ဆက်ဆံရေးသည် “၂၁ ရာစု၏ ပြော စမှတ်ပြုစရာ မိတ်ဖက်ဆက်ဆံရေး” အဖြစ် သတ်မှတ်ခဲ့သည်။ ဖေဖော်ဝါရီလတွင် အမေရိကန်သည် အိန္ဒိယသို့ အမေရိကန်ဒေါ်လာ ၄ ဘီလျံတန်ဖိုးရှိ ခေတ်မီဒရုန်းများ ရောင်းချရန် ခွင့်ပြုခဲ့ပြီး ယင်းမှာ အိန္ဒိယ၏မြောက်ပိုင်း အိမ်နီးချင်း၊ တရုတ်အား တန်ပြန်ရန်အတွက် အိန္ဒိယ၏ ကာကွယ်ရေးအား အားဖြည့်ခြင်းလည်းဖြစ်သည်။ အိန္ဒိယသည် ဥရောပနိုင်ငံများနှင့် ဆက်ဆံရေး တိုးမြင့်လာကာ Rafale တိုက်လေယာဉ်များနှင့် Scorpene-class ရေငုပ်သင်္ဘောများ ရောင်းချခြင်း အပါအဝင် ပြင်သစ်နှင့် ဒေါ်လာ ဘီလျံပေါင်းများစွာ တန်ဖိုးရှိသော ကာကွယ်ရေး သဘောတူညီချက်များကို ဆက်လက်တိုးချဲ့ရန် မျှော်မှန်းထားသည်။