ဂျန်ဇက် (NSS) - မတ် ၂၈ 

အမေရိကန်အစိုးရဟာ မြောက်ကိုရီးယားနိုင်ငံရဲ့စစ်လက်နက်ပစ္စည်းအစီအစဉ်တွေကို ကူညီထောက်ပံ့ပေးမှုတွေနဲ့ ပတ်သက်ပြီး ယူအေအီး၊ တရုတ် နဲ့ ရုရှားနိုင်ငံတို့မှအဖွဲ့အစည်းနှစ်ခုနဲ့ လူပုဂ္ဂိုလ် ၆ ဦးကို ပစ်မှတ်ထား ပိတ်ဆို့မှု ချမှတ်ခဲ့ကြောင်း သိရပါတယ်။

အမေရိကန်ရဲ့မဟာမိတ်ဖြစ်တဲ့တောင်ကိုရီးယားနိုင်ငံကလည်း အမေရိကန်နိုင်ငံအတိုင်း အဲဒီ လူပုဂ္ဂိုလ်ခြောက်ဦးနဲ့ အဖွဲ့အစည်းတွေကို ပစ်မှတ်ထားပိတ်ဆို့မှုတွေ ချမှတ်ခဲ့ကြောင်း သိရပါတယ်။ အမေရိကန် နဲ့ တောင်ကိုရီးယား နိုင်ငံတို့ဟာ Yu Pu Ung, Ri Tong Hyok, Han Chol Man, O In Chun, Jong Song Ho နဲ့ Jon Yon Gun ဆိုသူတို့ကို ပစ်မှတ်ထားပိတ်ဆို့မှုချမှတ်ခဲ့ခြင်းဖြစ်ကြောင်း သိရပါတယ်။

ဒါ့အပြင် ရုရှားနိုင်ငံအခြေစိုက် Alis LLC, ကုမ္ပဏီနဲ့ ယူအေအီးအခြေစိုက် Pioneer Bencont Star Real Estate ကုမ္ပဏီတို့ကို ပစ်မှတ်ထားပိတ်ဆို့မှုချမှတ်ခဲ့ခြင်းဖြစ်ကြောင်း သိရပါတယ်။ အဲဒီလူပုဂ္ဂိုလ်နဲ့ အဖွဲ့အစည်းတွေဟာ မြောက်ကိုရီးယားရဲ့စစ်တပ်ပိုင်လုပ်ငန်းတစ်ခုဖြစ်တဲ့ Chinyong Information Technology  နဲ့ ပူးပေါင်း ဆောင်ရွက်ခဲ့ကြောင်း သိရပါတယ်။

တောင်ကိုရီးယားအစိုးရကလည်း ၎င်းတို့အနေနဲ့ မြောက်ကိုရီးယားနိုင်ငံကို တရားမဝင်ဘဏ္ဍာရေးကူညီပေးနေတဲ့ အဖွဲ့အစည်းနဲ့ လူပုဂ္ဂိုလ်တွေကို ပစ်မှတ်ထားပိတ်ဆို့မှုချမှတ်ခဲ့ကြောင်း သိရပါတယ်။ အမေရိကန်၊ တောင်ကိုရီးယားတို့ဟာ မြောက်ကိုရီးယားရဲ့ဒုံးကျည်နဲ့ နျူကလီးယားအစီအစဉ်တွေနဲ့ပတ်သက်ပြီး ဆက်နွယ်သူတွေကို ပစ်မှတ်ထားပိတ်ဆို့မှုတွေ ချမှတ်ခဲ့ကြောင်း သိရပါတယ်။