Pearl (NSS) - နိုဝင်ဘာ ၆

ပုလဲအိမ်ယာဝန်းအတွင်း ပိုင်ရှင်မဲ့ရုပ်အလောင်းတစ်လောင်းတွေ့ရှိခဲ့ကြောင်း ပုလဲအရန်မီးသတ်တပ်ဖွဲ့မှ သိရသည်။

အဆိုပါရုပ်အလောင်းအား ယမန်နေ့  (နိုဝင်ဘာ ၅ ရက်)၊ ညနေ (၅)နာရီခန့်က ရန်ကုန်တိုင်း၊ မင်္ဂလာဒုံမြို့နယ်၊ ပုလဲအိမ်ယာဝန်းအတွင်းတွင် တွေ့ရှိခဲ့ခြင်းဖြစ်သည်။

ပုလဲအိမ်ယာဝန်းအတွင်းရှိ လမ်းဘေးတွင် အသက်(၃ဝ)နှစ်ခန့်ရှိ အမျိုးသားတစ်ဦးသည် အရက်မူးကာ အိပ်နေစဉ် သေဆုံးသွားခဲ့ခြင်းဖြစ်ကြောင်း သိရသည်။ 

"အခုထိတော့ ပိုင်ရှင်မတွေ့သေးဘူး။ အရက်မူးပြီး  အိပ်နေရင်းဖြစ်တာလို့ပြောတယ်" ဟု ပုလဲအရန်မီးသတ်၏ တာဝန်ရှိသူတစ်ဦးက NP News ကိုပြောသည်။

လက်ရှိတွင် ရုပ်အလောင်းအား အင်းစိန်ပြည်သူ့ဆေးရုံ၊ ရင်ခွဲရုံ ပို့ဆောင်ပေးထားပြီး ၎င်း၏ မိသားစုဝင်များနှင့်  အဆက်အသွယ်မရသေးကြောင်း သိရသည်။