ဂျန်ဇက် (NSS) - အောက်တိုဘာ ၃၁

ထိုင်ဝမ်မှာ အင်အားပြင်းမုန်တိုင်းဝင်ရောက်တိုက်ခတ်မှုကြောင့် ကျွန်းအရှေ့ဘက်ပိုင်းရှိ မြို့ နဲ့ ကောင်တီများကို ပိတ်ထားရကြောင်း သိရပါတယ်။ Typhoon Kong-rey အမည်ရှိမုန်တိုင်းဟာ အောက်တိုဘာ ၃၁ ရက်မှာ ထိုင်ဝမ်ကျွန်းအရှေ့ဘက်ပိုင်းရှိ အရပ်ဒေသများကို ဝင်ရောက်တိုက်ခတ်နေပြီး ဘဏ် နဲ့ ငွေကြေးဆိုင်ရာလုပ်ငန်းတွေ၊ ပိတ်ထားရသလို လေကြောင်းခရီးစဉ်ရာချီကို  ဖျက်သိမ်းခဲ့ရကြောင်းသိရပါတယ်။

အဆိုပါ မုန်တိုင်းဟာထိုင်ဝမ်ကို ဝင်ရောက်တိုက်ခတ်ခဲ့တဲ့ မုန်တိုင်းတွေထဲမှာအားအပြင်း ဆုံးဖြစ်ဖွယ်ရှိနေပြီး လေပြင်းတိုက်ခတ်ခြင်းအပြင်မိုးသည်းထန်စွာရွာသွန်းမှုတွေ ဖြစ်ပွားလျက်ရှိနေကြောာင်း သိရပါတယ်။ မုန်တိုင်းဟာ တစ်နာရီ လေတိုက်နှုန်း ၂၅၀ ကီလိုမီတာနှုန်းနဲ့ တိုက်ခတ်နေပြီး ၁၉၉၆ ခုနှစ်နောက်ပိုင်း အားအပြင်းဆုံးမုန်တိုင်းဖြစ်ဖွယ်ရှိတယ်လို့ ထိုင်ဝမ် အာဏာပိုင်တွေကပြောပါတယ်။

ထိုင်ဝမ်သမ္မတလိုင်ချန်တေးက "ထိုင်ဝမ်ဒေသအတွင်းရှိ လူတိုင်းဟာ သဘာဝဘေး အန္တရာယ်ကနေ ရှောင်ရှားနိုင်အောင် ပူးပေါင်းဆောင်ရွက်ရမယ်။ မုန်တိုင်းဝင်ရောက်ချိန်အတွင်း ဘေးအန္တရာယ် ဖြစ်ပွားမယ့်နေရာတွေက ရှောင်ရှားနေထိုင်ဖို့ တိုက်တွန်းပါတယ်။" လို့ပြောပါတယ်။ ထိုင်ဝမ်ကာကွယ်ရေးဝန်ကြီးဌာနကကူညီကယ်ဆယ်ရေးလုပ်ငန်းတွေကို ကူညီပေးနိုင်အောင် တပ်ဖွဲ့ဝင် ၃၆၀၀၀ ကို အဆင့်သင့်လုပ်ထားကြောင်း၊ လက်ရှိအချိန်မှာ မုန်တိုင်း ဝင်ရောက်ပြီး ဘေးအန္တရာယ်ဖြစ်နိုင်မယ့် နေရာတွေမှာနေထိုင်နေသူ  လူပေါင်း ၁၃၀၀ ကိုဘေးလွှတ်ရာကိုရွှေ့ပြောင်းပေးထားကြောင်း သိရပါတယ်။