အမေရိကန်မှာ အသက် (၁၄)နှစ်အရွယ် ကလေးငယ်တစ်ဦးက လက်နက်မျိုးစုံအသုံးပြုပြီး မိဘတွေကိုသတ်ဖြတ်မှုဖြစ်ပွား
ရောင်နီ(NSS) - ဒီဇင်ဘာ ၃ဝ
အမေရိကန်နိုင်ငံ၊ ကယ်လီဖိုးနီးယားပြည်နယ်၊ ဖရက်နို ကောင်တီ၊ ကျေးလက်အသိုက်အဝန်းရှိ နေအိမ်တစ်ခုမှာ အသက် ၁၄ နှစ်အရွယ် ဆယ်ကျော်သက် အမျိုးသားတစ်ဦးက မိဘတွေကို လက်နက်သုံး သတ်ဖြတ်ပြီး ၁၁ နှစ်အရွယ် ညီမငယ်ကို ဒဏ်ရာပြင်းပြင်းထန်ထန်ရစေခဲ့တယ်လို့ သိရပါတယ်။
ပြစ်မှုကျူးလွန်သူ ဆယ်ကျော်သက်ကို ဖမ်းဆီးထားပြီ ဖြစ်ပါတယ်။ ပထမတော့ ဆယ်ကျော်သက်က ရဲအရာရှိရုံးကို ဖုန်းဆက်ပြီး သူတို့အိမ်ကို တစ်စုံ တစ်ဦး ဖောက်ထွင်းဝင်ရောက်ကာ မိသားစုကို သတ်ဖြတ်သွားခဲ့ကြောင်း၊ သူကတော့ အဲဒီလူရဲ့လွတ်ရာကို ထွက်ပြေးလွတ်မြောက်နိုင်ခဲ့ကြောင်း တိုင်ချက်ဖွင့်ခဲ့တာ ဖြစ်ပါတယ်။ နောက်ပိုင်း စုံထောက်တွေက စစ်ဆေးကြည့်ရာမှာ အဆိုပါ ဆယ်ကျော်သက်ပြောတဲ့အချက်တွေနဲ့ သက်သေတွေ မကိုက်ညီတာကို သတိပြုမိခဲ့ပါတယ်။ နောက်ဆုံးမှာတော့ သူပြောတဲ့ အိမ်တွင်းဖောက်ထွင်းဇာတ်လမ်းဟာ လုပ်ကြံဖန်တီးခြင်းသာဖြစ်ပြီး လက်နက်မျိုးစုံသုံးကာ သူ့အမေ၊ သူ့အဖေနဲ့ ညီမဖြစ်သူတို့ကို တိုက်ခိုက်ခဲ့တယ်ဆိုတာ သက်သေတွေက ဖော်ပြနေတယ်လို့ ရဲတပ်ဖွဲ့က ပြောကြားခဲ့ပါတယ်။
ဆယ်ကျော်သက်ကလေးငယ်ဟာ ၎င်းရဲ့ အသက် ၃၇ နှစ်အရွယ် ဖခင် လူယန်းနဲ့ မိခင်ဖြစ်သူ ဆီဗန်း နှစ်ဦးစလုံးကို အိမ်ထဲမှာတင် ပွဲချင်းပြီး သတ်ခဲ့ပြီး ညီမဖြစ်သူကိုတော့ ဒဏ်ရာအပြင်းအထန်နဲ့ ဆေးခန်းရောက်အောင် ပြုမူခဲ့ပါတယ်။ နောက်ထပ် ၇ နှစ်အရွယ် ညီဖြစ်သူကတော့ ထိခိုက်ဒဏ်ရာရခြင်း မရှိဘူးလို့ သိရပါတယ်။
ပြစ်မှုကျူးလွန်သူ ဆယ်ကျော်သက်ကလေးငယ်ဟာ လူသတ်မှု စွဲချက် နှစ်ခု၊ လူသတ်မှု ကျူးလွန်ဖို့ ကြိုးပမ်းမှု စွဲချက် နှစ်ခုနဲ့ ရင်ဆိုင်ရဖွယ် ရှိတယ်လို့ ရဲမှူးရုံးက သောကြာနေ့ (ဒီဇင်ဘာလ ၂၉ ရက်) မှာ သတင်းထုတ်ပြန်ခဲ့ပါတယ်။ ဒီအမှုကို Fresno County ခရိုင်ရှေ့နေရုံးက စစ်ဆေးနေပါတယ်။ သတ်ဖြတ်ရခြင်း အကြောင်းအရင်းကိုလည်း အာဏာပိုင်တွေက စုံစမ်းနေဆဲ ဖြစ်တယ်လို့ သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
နေပြည်တော်၌ ကားနှင့်ဆိုင်ကယ် မျက်နှာချင်းဆိုင်တိုက်မိခဲ့ရာ ဆိုင်ကယ်မောင်းနှင်သူ ဒဏ်ရာအပြင်းထန်ရ
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ