ရောင်နီ (NSS) - စက်တင်ဘာ ၂၃

အမေရိကန်နိုင်ငံ၊ မိန်းပြည်နယ်ရှိ လယ်ယာ အိမ်တစ်ခုမှာ ၁၈ ရာစုကတည်းက ရှိနေခဲ့တဲ့ အရေအတွက် သောင်းနဲ့ ချီတဲ့ ပျားအုံကြီးကို ယခုသီတင်းပတ်အတွင်း ဖယ်ရှားလိုက်နိုင်ခဲ့တယ်လို့ ခြံထဲမှာ နေထိုင်တဲ့ Knight မိသားစုရဲ့ အဆိုအရ သိရပါတယ်။ 

မိန်းပြည်နယ်၊ Westbrook၊ Smiling Hill လယ်မြေမှာ နေထိုင်တဲ့ Knight မိသားစုရဲ့ အိမ်နံရံမှာ ခန့်မှန်းခြေ ပျား အကောင်ရေ ၄၀,၀၀၀ ထိ နေထိုင်နေတာဖြစ်ပါတယ်။ Knight မိသားစုဟာ လယ်မြေကို ၁၇၂၀ ခုနှစ်ကတည်းက ပိုင်ဆိုင်လုပ်ကိုင်နေခဲ့တာဖြစ်ပြီး အဲဒီအချိန်ကတည်းက ဒီပျားတွေကလည်း ရှိနေခဲ့တာဖြစ်တယ်လို့ ဆိုပါတယ်။ စက်တင်ဘာ ၁၃ ရက်က ပျားသုတ်သင်ရေး ကုမ္ပဏီပိုင်ရှင် အန်ဒရော မက်ဒေါ်နယ်တင်ခဲ့တဲ့ ဗီဒီယိုကလစ်မှာ အိမ်ရှိ အဝါရောင်နံရံတစ်ခုမှာ ရှိနေတဲ့ ပျားအစုအဝေးကြီးကို မြင်တွေ့ရပါတယ်။ 

Knight မိသားစုက ပျားတွေကို သတ်ပစ်မယ့်အစား သူတို့ကိုနေရာရွှေ့ပြောင်းပြီး သီးခြားထားပေးဖို့ပဲ တောင်းဆိုခဲ့ ပါတယ်။ ဒါကြောင့် ပျားတွေကို အိမ်အပြင်ဘက်ရှိ ပျားပုံးတစ်ခုကို ပြောင်းရွှေ့နေရာချထားပေးခဲ့တယ်လို့ မက်ဒေါ်နယ်က ဆိုပါတယ်။

Knight မိသားစုကတော့ ပျားတွေကို နောက်ပိုင်း လယ်မြေရဲ့အခြားနေရာကို ရွှေ့ပြောင်းပေးမယ်လို့ ပြောကြားခဲ့ပါ တယ်။ မိန်းပြည်နယ်ဟာ ပျားမျိုးစိတ်ပေါင်း ၂၇၀ ကျော်ရှိတဲ့နေရာဖြစ်ပြီး ပျားနဲ့ပတ်သက်တဲ့ ထူးခြားတဲ့ ဖြစ်ရပ် တွေ မကြာခဏတွေ့ရလေ့ရှိပါတယ်။