စဉ့်ကိုင်ရှိ အခြေခံပညာအထက်တန်းကျောင်းမှ ဆရာ ၊ ဆရာမများကို အကြမ်းဖက်အဖွဲ့က စာ(၇)စောင်ပေးပို့ကာ ခြိမ်းခြောက်
NSS -ဒီဇင်ဘာ ၂၅
မန္တလေးတိုင်း၊ စဉ့်ကိုင်မြို့နယ်၊ အခြေခံပညာအထက်တန်းကျောင်းရှိ ဆရာ၊ဆရာများ နှင့် ပညာရေးဝန်ထမ်းများကို အကြမ်းဖက်အဖွဲ့က စာ(၇)စောင်ပို့ကာ ခြိမ်းခြောက်ခဲ့ကြောင်း ရဲတပ်ဖွဲ့က သတင်းထုတ်ပြန်ထားသည်။
ခြိမ်းခြောက်စာတစ်စောင်ကို ပြီးခဲ့သော(ဒီဇင်ဘာလ ၂၂ ရက်)၊ နံနက် ၉နီခွဲအချိန်တွင် စဉ့်ကိုင်မြို့နယ်၊ ဘယ်လင်းကျေးရွာ၊ အခြေခံပညာ အထက် တန်းကျောင်း၏ ကျောင်းရှေ့ဆိုင်းဘုတ်၌ စတင်တွေ့ရှိခဲ့ခြင်းဖြစ်ကြောင်း သိရသည်။
ထို့ပြင် အဆိုပါခြိမ်းခြောက်စာနှင့်ပုံစံတူ နောက်ထပ်စာ(၆)စောင်ကို ကျောင်း၏အဝင်ပေါက်အနီးရှိ လမ်းပေါ်တွင်ချထားကာ ခြိမ်းခြောက်ခဲ့သည်ဟု တွေ့ရှိခဲ့ရကြောင်း ရဲတပ်ဖွဲ့က ထုတ်ပြန်ထားသည်။
၎င်းခြိမ်းခြောက်စာများတွင် “Mandalay People Rescue MDY CDF သတိပေးသည့် ခေါင်းစဉ်ဖြင့် ဆရာ၊ ဆရာမများ၊ ပညာရေး ဝန်ထမ်းများအားလုံး CDM ဝင်ပေးကြရန် နောက်ဆုံးအကြိမ်သတိပေးအပ်ပါသည်။ မလိုက်နာပါက နောင်ဖြစ်လာမည့် အကျိုးဆက်များမှာ လုံးဝကောင်းမွန်နိုင်မည်မဟုတ်ကြောင်း၊ ပြည်သူ့ဆက်ဆံရေးနှင့် ပြန်ကြားရေးတာဝန်ခံ Cham Min၊ အဖွဲ့တာဝန်ခံ Htet Aung” ဟု ရေးသားဖော်ပြထားကြောင်း သိရသည်။
ဘယ်လင်းကျေးရွာအခြေခံပညာအထက်တန်းကျောင်းတွင် ကျောင်းဆရာ၊ဆရာမ (၃၈)ဦးက ကျောင်းသား၊ ကျောင်းသူ(၇၂၂) ဦးကို ပညာသင်ကြားပေးလျက်ရှိကြောင်း သိရသည်။
ထို့ကြောင့် ခြိမ်းခြောက်စာပေးပို့ခဲ့သည့် အကြမ်းဖက်သမားအား ဖော်ထုတ်ဖမ်းဆီး၍ ဥပဒေနှင့်အညီထိရောက်စွာ အပြစ်ပေး အရေးယူနိုင်ရေးလုံခြုံရေးတပ်ဖွဲ့ဝင်များက စုံစမ်းစစ်ဆေးလျက်ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဒရုန်းအစင်းရေ (၁၄၉၉) စင်း ပါဝင်သည့် ဝေဟင်သရုပ်ပြပွဲက ကမ္ဘာ့ဂင်းနစ်စံချိန်နှစ်ခုကို ချိုးဖျက်
RELATED POSTS
07 Sep 2024 | ပညာရေး,ပြည်တွင်း
29 Aug 2024 | ပညာရေး,ပြည်တွင်း