ဒရုန်းအစင်းရေ (၁၄၉၉) စင်း ပါဝင်သည့် ဝေဟင်သရုပ်ပြပွဲက ကမ္ဘာ့ဂင်းနစ်စံချိန်နှစ်ခုကို ချိုးဖျက်
Pika (NSS) - ဒီဇင်ဘာ ၂၅
အမေရိကန်နိုင်ငံ တက္ကဆက်ပြည်နယ် North Richland Hills မြို့တွင် ဒရုန်းများဖြင့် ပြုလုပ်သော သရုပ်ပြပွဲတစ်ခုသည် ကမ္ဘာ့ဂင်းနစ်စံချိန်သစ်နှစ်ခုကို ချိုးဖျက်နိုင်ခဲ့ကြောင်း သိရသည်။
Sky Elements Drone Shows (USA) သည် ဒရုန်းများဖြင့် သရုပ်ပြပွဲကို ဦးဆောင်ကျင်းပခဲ့ခြင်းဖြစ်ကြောင်း သိရသည်။ အဆိုပါဒရုန်းသရုပ်ပြပွဲကို North Richland Hills မြို့တွင် ဒီဇင်ဘာလ(၁၇)ရက်က ပြုလုပ်ခဲ့ပြီးနောက် ယခုကဲ့သို့ ကမ္ဘာ့ဂင်းနစ်စံချိန်နှစ်ခု ချိုးဖျက်နိုင်ခဲ့ခြင်းဖြစ်သည်။
စိတ်ကူးယဉ်ဇာတ်ကောင်ပုံဖြစ်သည့် The Nutcracker ရုပ်ပုံသည် ဒရုန်း(၁၄၉၉)စင်းဖြင့် ဖန်တီးထား သည့် စိတ်ကူးယဉ်ဇာတ်ကောင်တစ်ခု၏ အကြီးဆုံးဝေဟင်သရုပ်ပြမှုအတွက် ကမ္ဘာ့ဂင်းနစ်စံချိန်သစ် တင်နိုင်ခဲ့ခြင်းဖြစ် သည်။ Sky Elements Drone Shows (USA) သည် ဒရုန်းများကို ကောင်းကင်သို့ လွှတ်တင်ကာ အနီရောင်၊ အဖြူရောင် နှင့် အပြာရောင်တို့ဖြင့် အုတ်ခုံတစ်ခုပေါ်တွင် ဂုဏ်ယူဝင့်ကြွားစွာရပ်နေသော The Nutcracker ရုပ်ပုံ ကို ဖန်တီးခဲ့ကြခြင်းဖြစ်ကြောင်း သိရသည်။
ထို့အပြင် အဆိုပါဒရုန်းအစင်းရေ (၁၄၉၉)စင်းဖြင့် အပြင်ဘက်တွင် နှင်းများကျနေသည့် ပြတင်းပေါက်တစ်ခု၏ ရှေ့တွင် ခရစ္စမတ်သစ်ပင်တစ်ပင်ရှိနေသည့်ရုပ်ပုံကို သရုပ်ပြခဲ့ပြီးနောက် ဒရုန်းများဖြင့် အကြီးဆုံးဝေဟင်ရုပ်ပုံ ဖန်တီးနိုင်ခဲ့ခြင်းအတွက် ကမ္ဘာ့ဂင်းနစ်စံချိန်သစ် ထပ်မံချိုးဖျက်နိုင်ခဲ့ခြင်းဖြစ်ကြောင်း သိရသည်။
အဆိုပါသရုပ်ပြပွဲအတွက် ဒရုန်းအစင်းရေ(၁၅ဝဝ)ကို လွှတ်တင်ခဲ့သော်လည်း ဒရုန်းတစ်စင်းမှာ လွှတ်တင်ရာတွင် အခက်အခဲများရှိခဲ့သည့်အတွက် ဖယ်ထုတ်ခဲ့ရခြင်းဖြစ်ကြောင်း၊ ဒရုန်းများဖြင့် သရုပ်ပြမှုများလုပ်ဆောင်ရန် အတွက် အဖွဲ့ဝင်(၄ဝ)ဦးကို စုစည်းခဲ့ရကြောင်းလည်း သိရသည်။
"ကျွန်တော့်မွေးရပ်မြေမှာ ဂင်းနစ်စံချိန်သစ်နှစ်ခုကို ချိုးဖျက်နိုင်ခဲ့တာဟာ တကယ်ကို ဝမ်းသာဖို့ကောင်းပါတယ်။ မိသားစုတွေဆီကို အားလပ်ရက်အချိန်လေးတွေ ယူပေးတာထက် ပိုကောင်းတာမရှိဘူးလို့ ကျွန်တော်ထင်ပါတယ်။ ပြီးတော့ ဒီရှိုးပွဲက ဒီလောက်ပါပဲ" ဟု Dallas/Fort Worth-based Sky Elements Drone Shows ၏ Chief Pilot ဖြစ်သူ Preston Ward က ပြောသည်။
ထို့အပြင် အမြင့်ပေ(၇ဝဝ)ခန့်ရှိသော ဒရုန်းပြပွဲသည် တက္ကဆက်ပြည်နယ်တွင် ပြုလုပ်ခဲ့သမျှပြသမှုအားလုံးတွင် အကြီးဆုံး နှင့် အမြင့်ဆုံး ဒရုန်းပြသမှုတစ်ခုဖြစ်ခဲ့ကြောင်းလည်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တစ်မိနစ်ကျော်အတွင်း မီတာ(၁ဝဝ)အရှည်ရှိ ကြိုးတန်းပေါ် အမြန်ဆုံးလမ်းလျှောက်ပြနိုင်သူ
RELATED POSTS
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း
19 Sep 2024 | အထွေထွေ,ပြည်တွင်း