အမေရိကန်နိုင်ငံက တိုက်ခိုက်မှုများလုပ်ဆောင်လာမည်ဆိုပါက တုံ့ပြန်တိုက်ခိုက်သွားမည်ဟု ဟူသီလက်နက်ကိုင်အဖွဲ့ သတိပေး
Pika (NSS) - ဒီဇင်ဘာ ၂၁
အမေရိကန်တပ်ဖွဲ့များက တိုက်ခိုက်မှုများလုပ်ဆောင်မည်ဆိုပါက လက်တုံ့ပြန်တိုက်ခိုက်မှုများကို လုပ်ဆောင်သွားမည်ဖြစ်ကြောင်း ယီမင်အခြေစိုက် ဟူသီလက်နက်ကိုင်အဖွဲ့က ပြောကြားခဲ့သည်။
ဟူသီလက်နက်ကိုင်အဖွဲ့သည် အစ္စရေး-ဟားမက်စစ်ပွဲနှင့်ပတ်သက်ပြီး ပင်လယ်နီအတွင်းရှိ ကုန်တင်သင်္ဘော များကို ဒုံးကျည်များ၊ ဒရုန်းများဖြင့် တိုက်ခိုက်မှုများကို လုပ်ဆောင်ခဲ့ကြောင်းလည်း သိရသည်။ ဟူသီလက်နက်ကိုင် အဖွဲ့ခေါင်းဆောင် Abdel-Malek al-Houthi က "အမေရိကန်နိုင်ငံဟာ ဒီကိစ္စကို ပိုပြီးအရှိန်မြှင့်ချင်တယ်ဆိုရင် ပါဝင်ပတ်သက်မှုတွေ ပိုမိုလုပ်လာပြီး ကျွန်တော်တို့ နိုင်ငံကို ပစ်မှတ်ထားလိုက်ပါ။ ကျွန်တော်တို့ သူတို့ကို ပြန်လည် ပစ်မှတ်ထားတိုက်ခိုက်သွားမှာပါ။ အမေရိကန်စစ်သင်္ဘောတွေ၊ အကျိုးစီးပွားတွေနဲ့ ရေကြောင်းသွားလာမှုတွေကို ကျွန်တော်တို့ရဲ့ဒုံးကျည်တွေနဲ့ ဒရုန်းတွေအတွက် ပစ်မှတ်တစ်ခုအဖြစ် လုပ်ဆောင်သွားမှာပါ" ဟု ပြောခဲ့သည်။
ပင်လယ်နီကိုဖြတ်သန်းလာသော သင်္ဘောများအား ဟူသီလက်နက်ကိုင်အဖွဲ့၏ တိုက်ခိုက်မှုများမှ ကာကွယ်ရန်အတွက် နိုင်ငံပေါင်းစုံပါဝင်မည့် ရေတပ် တပ်ဖွဲ့တစ်ခုကို ဖွဲ့စည်းနေကြောင်း အမေရိကန်ကထုတ်ဖော်ပြောဆိုခဲ့ပြီးနောက် ဟူသီလက်နက်ကိုင်အဖွဲ့ခေါင်းဆောင် Abdel-Malek al-Houthi ၏ မှတ်ချက်များ ထွက်ပေါ်လာခြင်းဖြစ်သည်။
အမေရိကန်လေယာဉ်တင်သင်္ဘော USS Dwight D. Eisenhower သည် အေဒင်ပင်လယ်ကွေ့သို့ ဝင်ရောက်လာပြီဖြစ်ကြောင်း အမေရိကန်ရေတပ်ပြောရေးဆိုခွင့်ရှိသူတစ်ဦးက ပြောကြားခဲ့သည်။ ဟူသီလက်နက်ကိုင်အဖွဲ့သည် ဒုံးကျည် နှင့် ဒရုန်း(၁ဝဝ)ကျော်ဖြင့် ကုန်တင်သင်္ဘော(၁ဝ)စီးကို ပစ်မှတ်ထားတိုက်ခိုက်ခဲ့ကြောင်း အမေရိကန်စစ်ဌာနချုပ်ပင်တဂွန်က ပြောကြားခဲ့သည်။
ဂါဇာကမ်းမြောင်ဒေသတွင်ဖြစ်ပွားနေသော စစ်ပွဲတွင် ပါလက်စတိုင်းလူမျိုးများကို ကူညီသည့်အနေဖြင့် ပင်လယ်နီအတွင်းသွားလာနေသော ကွန်တိန်နာသင်္ဘောများကို ပစ်မှတ်ထားတိုက်ခိုက်နေခြင်းဖြစ်ကြောင်း ဟူသီလက်နက်ကိုင်အဖွဲ့က ပြောကြားခဲ့သည်။
ထို့အပြင် အမေရိကန်ဦးဆောင်သော ညွန့်ပေါင်းအဖွဲ့တွင် မပါဝင်ကြရန် နိုင်ငံအများအပြားကို ဟူသီလက်နက်ကိုင်အဖွဲ့က သတိပေးခဲ့သည်။ အဆိုပါညွန့်ပေါင်းအဖွဲ့တွင် ပါဝင်မည့်နိုင်ငံများသည် ပင်လယ်နီအတွင်းရှိ ၎င်းတို့၏ အကျိုးစီးပွားများကို ခြိမ်းခြောက်ခံရမည်ဖြစ်ကြောင်း ဟူသီလက်နက်ကိုင်အဖွဲ့က ပြောခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တရုတ်မိုးပျံပူဖောင်းများကို ခြိမ်းခြောက်မှုအဆင့်အပေါ်မူတည်ပြီး ကိုင်တွယ်ဖြေရှင်းသွားမည်ဖြစ်ကြောင်း ထိုင်ဝမ်စစ်ဘက်ပြော
RELATED POSTS
02 Oct 2024 | နိုင်ငံရေး,နိုင်ငံတကာ
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ