အမေရိကန်အစိုးရက သတိပေးမှုရှိပေမယ့် ပင်လယ်နီဒေသမှာ စစ်ရေးဆောင်ရွက်ချက်တွေ ဆက်လက်လုပ်ကိုင်မယ်လို့ ဟူသီလက်နက်ကိုင်အဖွဲ့ပြော
ဂျန်ဇက် (NSS) - ဒီဇင်ဘာ ၁၉
ပင်လယ်နီဒေသမှာ ဖြန့်ကြတ်ချထားမယ့် အမေရိကန်ဦးဆောင်တဲ့ ညွှန်ပေါင်းအဖွဲ့တွေနဲ့ ထိပ်တိုက်တွေ့ဆုံ သွားဖွယ်ရှိနေကြောင်း ယီမင်အခြေစိုက်ဟူသီလက်နက်ကိုင်အဖွဲ့ ပြောရေးဆိုခွင့်ရှိသူတစ်ဦးက ထုတ်ဖော်ပြောဆို လိုက်ပါတယ်။
ဟူသီလက်နက်ကိုင်အုပ်စုဟာ ဂါဇာစစ်ပွဲစတင်ပြီးချိန်နောက်ပိုင်းကတည်းက ပါလက်စတိုင်းပြည်သူတွေကို အားပေးထောက်ခံကြောင်းပြသနိုင်ဖို့ ပင်လယ်နီဒေသကို ဖြတ်သန်းသွားလာနေတဲ့ အစ္စရေးနိုင်ငံသားပိုင် သင်္ဘောတွေ အပါအဝင် အခြားကုန်စည်သင်္ဘောတွေကို တိုက်ခိုက်၊ ဖမ်းဆီးတာတွေ လုပ်ဆောင်ခဲ့ပါတယ်။
ဟူသီလက်နက်ကိုင်အဖွဲ့ရဲ့တိုက်ခိုက်မှုတွေကို ဟန့်တားနိုင်ဖို့ ရည်ရွယ်ချက်နဲ့ အမေရိကန်အစိုးရဟာ အခြား မဟာမိတ်နိုင်ငံတွေနဲ့ပူးပေါင်းပြီး ပင်လယ်နီဒေသက ဖြန်သန်းမယ့်သင်္ဘောတွေကို အကာအကွယ်ပေးရေး ညွှန်ပေါင်းအဖွဲ့တစ်ဖွဲ့ ဖွဲ့စည်းဖို့ စီစဉ်ခဲ့ပါတယ်။
အမေရိကန်ကာကွယ်ရေးဝန်ကြီး လွိုင်အော်စတင်က "ကျွန်တော်တို့ဟာ နိုင်ငံတကာညွှန်ပေါင်းအဖွဲ့ ဖွဲ့စည်းဖို့ လုပ်ဆောင်နေတယ်။ ဒီပြဿနာက အမေရိကန်နိုင်ငံ တစ်နိုင်ငံတည်းရဲ့ပြဿနာမဟုတ်ဘူး။ နိုင်ငံတကာပြဿနာ ဖြစ်တယ်။ ပင်လယ်နီဒေသမှာ ဟူသီလက်နက်ကိုင်အုပ်စုတွေရဲ့ခြိမ်းခြောက်မှုကိုဖြေရှင်းဖို့ လိုအပ်တယ်" လို့ ပြောပါတယ်။ ဒါပေမယ့် ဟူသီလက်နက်ကိုင်အုပ်စုကတော့ အမေရိကန်ကာကွယ်ရေးဝန်ကြီးရဲ့ ပြောဆိုချက်တွေ ကို လက်ခံခြင်းမရှိကြောင်း သိရပါတယ်။
ဟူသီလက်နက်ကိုင်အဖွဲ့ပြောရေးဆိုခွင့်ရှိသူ အယ်ဘူခါတီက ပင်လယ်နီဒေသမှာ ဟူသီလက်နက်ကိုင်အဖွဲ့ရဲ့ စစ်ရေးဆောင်ရွက်ချက်တွေကို ရပ်တန့်အောင်လုပ်ဆောင်လို့ မရကြောင်း၊ အမေရိကန်ကာကွယ်ရေးဝန်ကြီးရဲ့ ပြောဆိုချက်တွေကိုလက်မခံနိုင်ကြောင်း ပြောပါတယ်။ ဟူသီလက်နက်ကိုင်အုပ်စုဟာ အီရန်နိုင်ငံရဲ့ အထောက် အပံ့များစွာရရှိထားတဲ့ လက်နက်ကိုင်အဖွဲ့ဖြစ်ပြီး ဟစ်ဘိုလာ၊ ဟားမက်စ်အုပ်စုတွေနဲ့ မဟာမိတ်အဖွဲ့တွေဖြစ် ကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရန်ကုန်မြို့၌ AA လက်နက်ကိုင်အဖွဲ့ ပါဝင်ပတ်သက်နေသော မူးယစ်မှောင်ခိုဂိုဏ်းကို ဖော်ထုတ်ဖမ်းဆီး၊ ကျပ်ဘီလျံ (၅၀) ကျော်တန် မူးယစ်ဆေးများကို စံချိန်တင်သိမ်းဆည်းရရှိ
RELATED POSTS
02 Oct 2024 | နိုင်ငံရေး,နိုင်ငံတကာ
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ