ပင်လယ်နီအတွင်း ယီမင်အခြေစိုက်ဟူသီလက်နက်ကိုင်အဖွဲ့က လုပ်ဆောင်နေသောတိုက်ခိုက်မှုများတွင် အီရန် ပါဝင်ပတ်သက်နေသည်ဟု ယုံကြည်ကြောင်း အမေရိကန်အစိုးရပြော
Pika (NSS) - ဒီဇင်ဘာ ၈
အစ္စရေးနိုင်ငံနှင့် ပင်လယ်နီအတွင်းရှိ သင်္ဘောများကို ဒုံးကျည်များ၊ ဒရုန်းများဖြင့် တိုက်ခိုက်ရန်နှင့် အစီအစဉ်ဆွဲရန် အတွက် ယီမင်အခြေစိုက်ဟူသီလက်နက်ကိုင်အဖွဲ့များကို အီရန်လက်နက်ကိုင်တပ်ဖွဲ့ဝင်များက ကူညီပေးနေသည် ဟု အမေရိကန်အစိုးရက ယုံကြည်ကြောင်း အမေရိကန်အမျိုးသားလုံခြုံရေး လက်ထောက်အကြံပေး Jon Finer က ဒီဇင်ဘာလ(၇)ရက်တွင် ထုတ်ဖော်ပြောဆိုခဲ့သည်။
Jon Finer က "အစ္စရေးနဲ့ ပင်လယ်နီအတွင်းမှာရှိတဲ့သင်္ဘောတွေကို တိုက်ခိုက်မှုတွေမှာ အီရန်လက်နက်ကိုင် တပ်ဖွဲ့ဝင်တွေ ပါဝင်နေတယ်လို့ ကျွန်တော်တို့ ယုံကြည်ပါတယ်။ အီရန်လက်နက်ကိုင်တပ်ဖွဲ့ဝင်တွေဟာ တိုက်ခိုက် မှုတွေနဲ့ပတ်သက်ပြီး ယီမင်အခြေစိုက် ဟူသီလက်နက်ကိုင်အဖွဲ့အတွက် အစီအစဉ်ဆွဲပေးတာမျိုးတွေ၊ ကူညီထောက်ပံ့ပေးတာမျိုးတွေ လုပ်ဆောင်ပေးနေတယ်လို့ ကျွန်တော်တို့ ယုံကြည်ပါတယ်" ဟု ပြောခဲ့သည်။
သို့သော်လည်း အစ္စရေးနှင့် ပင်လယ်နီအတွင်းရှိ သင်္ဘောများကို ယီမင်အခြေစိုက်ဟူသီလက်နက်ကိုင်အဖွဲ့များက ဒုံးကျည်များ၊ ဒရုန်းများဖြင့် တိုက်ခိုက်မှုတွင် ပါဝင်ပတ်သက်ခြင်းမျိုးမရှိကြောင်း အီရန်ဖက်က ပြန်လည်တုံ့ပြန် ငြင်းဆိုထားသည်။
ပြီးခဲ့သည့် အောက်တိုဘာလ(၇)ရက်တွင် ဟားမက်လက်နက်ကိုင်အဖွဲ့သည် အစ္စရေးကို ဒုံးကျည်များဖြင့် ပစ်ခတ် တိုက်ခိုက်ခဲ့ပြီး အစ္စရေးနိုင်ငံတောင်ပိုင်းကို ဝင်ရောက်စီးနင်းမှုများ လုပ်ဆောင်ခဲ့ရာ အစ္စရေးဖက် လူ(၁၂ဝဝ) ကျော် သေဆုံးခဲ့ကြောင်း သိရသည်။ ထို့နောက် အစ္စရေးဖက်မှ လက်တုံ့ပြန်တိုက်ခိုက်မှုများ လုပ်ဆောင်ခဲ့ရာ လက်ရှိ အချိန်အထိ ပါလက်စတိုင်းနိုင်ငံသား(၁၅၉ဝဝ) ဝန်းကျင် သေဆုံးထားကြောင်း သိရသည်။
ဂါဇာကမ်းမြောင်ဒေသအပေါ် အစ္စရေးတပ်ဖွဲ့ဝင်များ၏ ထိုးစစ်ဆင်နေမှုများကို လက်တုံ့ပြန်သည့်အနေဖြင့် ယခုကဲ့သို့ တိုက်ခိုက်မှုများကို လုပ်ဆောင်နေခြင်းဖြစ်ကြောင်း ယီမင်အခြေစိုက် ဟူသီလက်နက်ကိုင်အဖွဲ့က ပြောကြားခဲ့သည်။ ထို့အပြင် ဂါဇာကမ်းမြောင်ဒေသရှိ ဟားမက်လက်နက်ကိုင်အဖွဲ့ကို အီရန်က ကျောထောက်နောက်ခံပြုထားခြင်းဖြစ်ကြောင်းလည်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
F-15 တိုက်လေယာဉ်ပျက်ကျမှုအတွင်း ဆော်ဒီအာရေးဗျမင်းသား သေဆုံးခဲ့ကြောင်း မီဒီယာများ ဖော်ပြ
RELATED POSTS
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
23 Sep 2024 | နိုင်ငံရေး,နိုင်ငံတကာ