ဂျန်ဇက် (NSS) - စက်တင်ဘာ ၂၄

ယူကရိန်းကို အိန္ဒိယနိုင်ငံထုတ်အမြောက်ကျည် ဆန်များ လွှဲပြောင်းပေးနေသည့် ဥရောပတိုက်ရှိ ဝယ်လက်များကို တားဆီးရန် ပျက်ကွက်နေသည်ဆိုသော စွပ်စွဲချက်များကို အိန္ဒိယအစိုးရက ငြင်းဆန်ပယ်ချ လိုက်ကြောင်းသိရသည်။ ရိုက်တာသတင်းဌာနက အိန္ဒိယ လက်နက်ထုတ်လုပ်ရေးကုမ္ပဏီများသည် ယူကရိန်းစစ်ပွဲတွင် အသုံးပြုရန်အတွက် ဥရောပ တိုက်ရှိ ဝယ်ယူသူများထံ လွှဲပြောင်းပေးနေကြောင်း ပြီးခဲ့သောရက်ပိုင်းတွင် ဖော်ပြခဲ့သည်။

ယူကရိန်းစစ်ပွဲတွင်အသုံးပြုရန်အတွက် အိန္ဒိယ လက်နက်ကုမ္ပဏီများ စစ်လက်နက်ပစ္စည်းများ လွှဲပြောင်းပေးနေခြင်းသည် တစ်နှစ်ကျော်နေပြီဖြစ် ကြောင်း ရုရှားအစိုးရက ကန့်ကွက်မှုများရှိခဲ့သော်လည်း အိန္ဒိယအစိုးရက တားဆီးခြင်းမျိုးမရှိကြောင်း ရိုက်တာသတင်းဌာနတွင် ဖော်ပြခဲ့သည်။ သို့ သော်လည်း အိန္ဒိယနိုင်ငံခြားရေးဝန်ကြီးဌာနက အဆိုပါ ရိုက်တာသတင်းဌာန၏ဖော်ပြချက်များသည် ထင်မြင်ချက်များသာဖြစ်ပြီး မှန်ကန်မှုမရှိသကဲ့သို့ နား လည်မှုလွဲမှားခြင်းများရှိနေကြောင်း တုံ့ပြန်ခဲ့သည်။

အိန္ဒိယနိုင်ငံခြားရေးဝန်ကြီးဌာန ပြောရေးဆိုခွင့်ရှိသူက "အိန္ဒိယနိုင်ငံ ချိုးဖောက်မှုတွေရှိတယ်လို့ဖော် ပြခဲ့ပေမယ့် မှန်ကန်မှုမရှိတဲ့ဖော်ပြချက်တွေသာဖြစ်ပါတယ်။ အိန္ဒိယနိုင်ငံဟာ စစ်လက်နက်ပစ္စည်းရောင်း ချခြင်းကနေ အကျိုးစီးပွားရှာတာမျိုးမရှိဘူး၊ နိုင်ငံတကာစည်းကမ်းဥပဒေအတိုင်းသာ လိုက်နာကျင့်သုံးနေတယ်"ဟု ပြောသည်။

ရုရှားအစိုးရသည် အိန္ဒိယ အစိုးရအပြင် အဆိုပါ အစီရင်ခံစာနှင့်ပတ် သက်ပြီး တစ်စုံတရာတုံ့ပြန် ခြင်းမျိုးမရှိသေးကြောင်း သိရသည်။ အိန္ဒိယအနေဖြင့် ပို့ကုန်ပစ္စည်းများနှင့်ပတ်သက်၍ တင်းကြပ်သောစည်းကမ်းများသတ်မှတ် ထားကာ ရောင်းချပေးထားသည့် စစ်လက်နက်ပစ္စည်း များကို တတိယနိုင်ငံသို့ ရောင်းချခြင်းကိုလည်း ခွင့်မပြုထားကြောင်း အိန္ဒိယနိုင်ငံခြားရေးဝန်ကြီးဌာနက ပြောသည်။ အီတလီနိုင်ငံနှင့် ချက်နိုင်ငံတို့သည် အိန္ဒိယနိုင်ငံမှ စစ်လက်နက်ပစ္စည်းများဝယ်ယူပြီး ယူကရိန်းနိုင်ငံထံ ပေးပို့ခဲ့သောနိုင်ငံများထဲတွင် ပါဝင်ခဲ့ကြောင်း ရိုက်တာသတင်းဌာနက ဖော်ပြထား သည်။ အဆိုပါကိစ္စနှင့်ပတ်သက်ပြီး ရုရှားနှင့် အိန္ဒိယနိုင်ငံခြားရေးဝန်ကြီးတို့သည် ပြီးခဲ့သော ဇူလိုင်လအတွင်းပြုလုပ်သောအစည်းဝေးအတွင်း ဆွေးနွေးခဲ့ဖူးကြောင်း သတင်းများလည်း ထွက်ပေါ်နေသည်။

ယူကရိန်း စစ်ပွဲဖြစ်လာခဲ့ပြီးနောက်ပိုင်း အမေရိ ကန်နိုင်ငံသည် အိန္ဒိယနိုင်ငံအား ရုရှားနှင့် အဆက်အသွယ်ဖြတ်ရန် ဖိအားပေးခဲ့သော်လည်း အိန္ဒိယက လက်ခံဆောင်ရွက်ခြင်းမရှိခဲ့ဘဲ ရုရှားနှင့် အိန္ဒိယနိုင်ငံကြား ဆက်ဆံရေးပိုမိုတိုးတက်ကောင်းမွန်ခဲ့ကြောင်းသိရသည်။