ဂျန်ဇက် (NSS) - စက်တင်ဘာ ၂၄

ပြင်သစ်ဝန်ကြီးချုပ်အသစ်အဖြစ် ရွေးချယ်ခံထားရသော မိုက်ကယ်ဘာနီယာက ရာထူးမှနုတ် ထွက်သွားဖွယ်ရှိနေကြောင်း ပြင်သစ်လက်ယာစွန်း ပါတီတစ်ခုဖြစ်သော Les Republicains ပါတီအဖွဲ့ ဝင်တစ်ဦးက ထုတ်ဖော်ပြောဆိုလိုက်သည်။ ပြင်သစ်နိုင်ငံရေးပါတီများကြားဖြစ်ပွားနေသည့် အငြင်းပွားမှု များကိုဖြေရှင်းကာ ညွန့်ပေါင်းအစိုးရအဖွဲ့အသစ်မဖွဲ့ စည်းနိုင်လျှင် ရာထူးမှနုတ်ထွက်သွားမည်ဖြစ်ကြောင်း  Les Republicains ပါတီကပြောသည်။ 

ဘာနီယာသည် ပြင်သစ်သမ္မတ မက်ခရွန်က ရွေးချယ်ခန့်အပ်ခဲ့သော ဝန်ကြီးချုပ်အသစ်ဖြစ်သော် လည်း အစိုးရအသစ်ဖွဲ့စည်းနိုင်ခြင်းမရှိကြောင်း သိရသည်။ ပြင်သစ်နိုင်ငံတွင် ရွေးကောက်ပွဲပြီးနောက် အနိုင်ရပါတီ ဦးဆောင်ညွန့်ပေါင်းအဖွဲ့များက ရွေးချယ်ခန့်အပ်သော ဝန်ကြီးချုပ်ကို သမ္မတမက်ခရွန်က ငြင်းဆန်ပယ်ချခဲ့ရာ အငြင်းပွားမှုများဖြစ်ပွားနေကြောင်း သိရ သည်။

ပြင်သစ်လွှတ်တော်နှင့် နိုင်ငံရေးပါတီများကြား အစိုးရအသစ် ဖွဲ့စည်းရေးနှင့်ပတ်သက်ပြီး အငြင်း ပွားနေကြောင်း သိရသည်။  Les Republicains ပါတီက "ပြင်သစ်သမ္မတက ရွေးချယ်ခန့်အပ်ထားတဲ့ ဝန်ကြီးချုပ်ဟာ နောက်ဆုံးအခွင့်ရေးရှိတယ်။ ဒါ့ပြင် တခြားတစ်ဖက်မှာလည်း ဝန်ကြီးချုပ်ရာထူးက နုတ်ထွက်ရမယ့် အခြေအနေမျိုးတွေရှိနေတယ်။ ဘာနီ ယာဟာ အစိုးရအဖွဲ့ကို ဦးဆောင်မဖွဲ့စည်းနိုင်ဘူးဆိုရင် ရာထူးကနုတ်ထွက်ရမယ်။ လူတွေဟာ ဘာနီယာကို အစိုးရအဖွဲ့ဦးဆောင်ဖွဲ့စည်းနိုင်ခြင်းကနေ တားဆီးတာတွေလည်းရှိနေတယ်။ ပြင်သစ်အစိုးရအဖွဲ့ ဖွဲ့စည်းရေးလုပ်ငန်းစဉ်တွေမှာ သမ္မတမက်ခရွန် ပါဝင်ပတ်သက်နေတယ်။ သမ္မတမက်ခရွန်ဟာ မီးနဲ့ကစားသလိုမျိုးဖြစ်နေတယ်။ ဘာနီယာသာ ဝန်ကြီးချုပ် ရာထူးကနုတ်ထွက်ခဲ့မယ်ဆိုရင် မက်ခရွန်တစ်ဦးတည်း ကျန်ရှိတော့မယ်"ဟုပြောသည်။

ပြင်သစ်နိုင်ငံ၌ ဇွန်လနှင့် ဇူလိုင်တို့တွင် ရွေးကောက်ပွဲ အောင်မြင်စွာကျင်းပနိုင်ခဲ့သော်လည်း နှစ်လကျော်ကြာချိန်အထိ အစိုးရအသစ်ဖွဲ့စည်းနိုင်ခြင်းမရှိဘဲ ပြင်သစ်သမ္မတနှင့် ရွေးကောက်ပွဲအနိုင်ရပါတီများကြား အငြင်း ပွားမှုများရှိနေကြောင်း သိရသည်။ ရွေးကောက်ပွဲတွင် လက်ယာစွန်းပါတီဖြစ်သော New Popular Front (NPF)ပါတီက အနိုင်ရခဲ့ သော်လည်း အစိုးရအဖွဲ့ကို သီးသန့်ဖွဲ့စည်းနိုင်သော မဲရလဒ်မျိုးမဟုတ်ဘဲ အခြားပါတီများနှင့်ပူးပေါင်းပြီး အစိုးရအဖွဲ့ ဖွဲ့စည်းရဖွယ်ရှိနေရာ ပြင်သစ်သမ္မတမက် ခရွန်က တားဆီးကန့်ကွက်ခြင်းများရှိနေသည်။ အဆိုပါ ပါတီသည် လွှတ် တော်အတွင်းမဲအများဆုံးရရှိသည့်ပါတီအဖြစ်ရပ်တည်နေပြီး လူစီကက်တက်စ်ကို ဝန်ကြီးချုပ် အသစ်အဖြစ်ရွေးချယ်ခန့်အပ်ခဲ့ကာ မက် ခရွန်က ခြိမ်းခြောက်ခဲ့ကြောင်းသိရသည်။ ပြင်သစ်သမ္မတမက်ခရွန်က ဝန်ကြီးချုပ်အသစ်အဖြစ်ရွေး ချယ်ထားသော ဘာနီယာ၏ပါတီဖြစ်သည့် Les Republicains ပါတီသည် ရွေးကောက်ပွဲ၌ မဲဆန္ဒနယ်အနည်းငယ်တွင် အနိုင်ရခဲ့ကြောင်းသိရသည်။

ပြင်သစ်နိုင်ငံတွင် လက်ဝဲစွန်းပါတီ၊ သမ္မတ မက်ခရွန်၏အလယ် အလတ်လမ်းစဉ်ပါတီနှင့် လက်ယာစွန်းပါတီများကြား အငြင်းပွားမှုများဖြစ်ပွားနေခြင်းကြောင့် အစိုးရအသစ်ဖွဲ့စည်းနိုင်ရန် နှောင့်နှေးနေကြောင်းသိရသည်။