မတ္တရာမြို့နယ်တွင် PDF အဖွဲ့က အမျိုးသားတစ်ဦးကို သတ်ဖြတ်ပြီးနောက် လူ(၂)ဦးအား ဖမ်းဆီးခေါ်ဆောင်သွားကြောင်း ရဲတပ်ဖွဲ့ပြော
NSS - ဒီဇင်ဘာ ၈
မန္တလေးတိုင်း၊ မတ္တရာမြို့နယ်တွင် PDF အဖွဲ့က အမျိုးသားတစ်ဦးကို သတ်ဖြတ်ပြီးနောက် လူ(၂)ဦးအား ဖမ်းဆီးခေါ်ဆောင်သွားခဲ့ကြောင်း ရဲတပ်ဖွဲ့က သတင်းထုတ်ပြန်ထားသည်။
ဖြစ်စဉ်မှာ ပြီးခဲ့သော (ဒီဇင်ဘာလ ၄ ရက်)၊ ည ၁ နာရီခန့်က မတ္တရာမြို့ နယ်၊ အောက်တောင်ကိုင်းကျေးရွာသွားလမ်းပေါ်တွင် အထက်ပါကဲ့သို့ ဖြစ်ပွားခဲ့ခြင်းဖြစ်ကြောင်း သိရသည်။
သီလကုန်းကျေးရွာတွင်နေထိုင်သည့် ဦးဇော်ထူး(ခ)ရွှေထူး(၄၀)နှစ်သည် ၎င်းနှင့်တစ်ရွာတည်းနေ ကိုကျော်စွာထွန်း(၂၆)နှစ်၊ ကိုဝေယံထွန်း (၂၂)နှစ်၊ မငယ်လေး(၂၉)နှစ်တို့နှင့်အတူ အောက်တောင်ကိုင်းကျေးရွာ၏ အနောက်ဘက်(၂)ဖာလုံခန့်အကွာရှိ ဖရဲစိုက်ခင်း ယာစောင့်တဲ၌ ရှိနေစဉ် PDF အဖွဲ့ဝင်(၄)ဦးက ရောက်ရှိလာခဲ့ကြောင်း သိရသည်။
ထို့နောက် အမျိုးသား(၃)ဦးအား ဖမ်းဆီးခေါ်ဆောင်သွားကာ ဦးဇော်ထူး(ခ)ရွှေထူးအား အခင်းဖြစ်နေရာအရောက်၌ PDF အဖွဲ့က ဓားများဖြင့် ဝိုင်းဝန်းထိုးခုတ်သတ်ဖြတ်သွားခဲ့ကြောင်း သိရသည်။
ထိုသို့ ထိုးခုတ်သတ်ဖြတ်ခံရမှုကြောင့် ဦးဇော်ထူး(ခ)ရွှေထူးတွင် လည်ပင်းပြတ်ရှဒဏ်ရာတစ်ချက်နှင့် နောက်ကျောထိုးသွင်းဒဏ်ရာ (၄)ချက်တို့ရရှိကာ အခင်းဖြစ်နေရာ၌ သေဆုံးသွားခဲ့ပြီး ကိုကျော်စွာထွန်းနှင့် ကိုဝေယံထွန်းတို့(၂)ဦးအား ဖမ်းဆီးခေါ်ဆောင်သွားခဲ့ကြောင်း သိရသည်။
ထို့ကြောင့် ဖမ်းဆီးခံထားရသူ(၂)ဦးအား ပြန်လည်ကယ်တင်နိုင်ရေး နှင့် ပြစ် မှုကျူးလွန်သူများအား ဖော်ထုတ်ဖမ်းဆီး၍ ဥပဒေနှင့်အညီ ထိရောက်စွာအရေးယူနိုင်ရေးတို့အတွက် လုံခြုံရေးတပ်ဖွဲ့ဝင်များက စုံစမ်းစစ်ဆေးလျက်ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြန်မာအကျဉ်းသူများ သင့်လျော်သည့်ကျန်းမာရေးစောင့်ရှောက်မှုရရှိရန် ချင်းမိုင်မြို့ မြန်မာကောင်စစ်ဝန်ချုပ် ဆွေးနွေးခဲ့
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ