ဂြိုလ်တုလွှတ်တင်ခြင်းများအပေါ် ကြားဝင်စွက်ဖက်မှုတွေကို တုံ့ပြန်သွားမယ်လို့ မြောက်ကိုရီးယားစစ်ဘက်သတိပေး
ဂျန်ဇက် (NSS) - ဒီဇင်ဘာ ၂
မြောက်ကိုရီးယားနိုင်ငံက ၎င်းတို့ရဲ့ဂြိုလ်တုလွှတ်တင်ခြင်းများအပေါ် ကြားဝင်စွက်ဖက်မှုတွေကို စစ်ကြေညာခြင်းအဖြစ် သတ်မှတ်ဖို့ စဉ်းစားသွားမှာဖြစ်ကြောင်းသတိပေး ပြောဆိုလိုက်ပါတယ်။
မြောက်ကိုရီးယားနိုင်ငံအနေနဲ့ ၎င်းတို့ရဲ့ဂြိုလ်တုလွှတ်တင်မှုတွေအပေါ် အမေရိကန်ရဲ့ ကြားဝင်စွက်ဖက်မှုတွေကို တုံ့ပြန်သွားဖွယ်ရှိနေကြောင်း ထပ်မံသတိပေးထားပါတယ်။
မြောက်ကိုရီးယားစစ်ဘက် ပြော ရေးဆိုခွင့်ရှိသူတစ်ဦးက "မြောက်ကိုရီးယားဟာ ကြားဝင်စွက်ဖက်မှုတွေနဲ့ပတ်သက်ပြီး အမေရိကန်ရဲ့ စစ်ဘက်သုံး စပိုင်ဂြိုလ်တုတွေရဲ့ ရှင်သန်နိုင်စွမ်းကို ဖျက်ဆီးတာ ဒါမှမဟုတ် အားနည်းအောင် လုပ်ဆောင်ပြီး မိမိကိုယ်ကို ကာကွယ်ခွင့်အရ တုံ့ပြန်သွားမယ်။ အမေရိကန်ဟာ အခြားနိုင်ငံတွေရဲ့နည်းပညာပိုင်းဆိုင်ရာလက်နက်ကိစ္စတွေကို တရားမဝင် စွက်ဖက်နေတယ်။ အဲဒီလုပ်ရပ်တွေဟာ အချုပ်အခြာအာဏာပိုင် နိုင်ငံရဲ့အခွင့်ရေးကို တရားမဝင် ချိုးဖောက်နေတာဖြစ်တယ်" လို့ပြောပါတယ်။
မြောက်ကိုရီးယားဟာ နိုဝင်ဘာလ ၂၁ ရက်က စစ်ဘက်သုံး စပိုင်ဂြိုလ်တုကို ပထမဆုံးအကြိမ်အောင် မြင်စွာလွှတ်တင်နိုင်ခဲ့ပြီး အဲဒီဂြိုလ်တုဟာ အမေရိကန်ပိုင်နက် ဂူအမ်ကျွန်း၊ ဂျပန် နဲ့ အမေရိကန်ပြည်မကြီးရှိ စစ်ဘက်ဆိုင်ရာအဆောက်ဦးတွေမှာတပ်ဆင်ထားတဲ့အရာတွေကို ဓါတ်ပုံရိုက်ယူကာပြန်ပို့နိုင်ခဲ့ကြောင်းသိရပါတယ်။
စစ်ဘက်သုံး ဂြိုလ်တုလွှတ်တင်နိုင်မှုနဲ့ပတ်သက်ပြီး အမေရိကန်ဟာ မြောက်ကိုရီးယားနိုင်ငံကို ပစ်မှတ်ထားပိတ်ဆို့မှုချမှတ်ဖို့ စီစဉ်နေပါတယ်။ တောင်ကိုရီးယားနိုင်ငံကတော့ မြောက်ကိုရီးယားရဲ့စစ်ဘက်သုံး ဂြိုလ်တု နဲ့ ဒုံးကျည်အစီအစဉ်တွေမှာပါဝင်ဆက်နွယ်ခဲ့သူအနည်းဆုံး မြောက်ကိုရီးယားနိုင်ငံသား ၁၁ ဦးကိုပစ်မှတ်ထားပိတ်ဆို့မှုချမှတ်ခဲ့ပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ပြည်တွင်းရှိ အမျိုးသမီးများ၏ (၇ဝ)ရာခိုင်နှုန်းခန့်သည် ညအချိန်တစ်ဦးတည်းအပြင်ထွက်ရာတွင် လုံခြုံမှုမရှိခြင်းကို ခံစားနေရဟု MIMU ဆို
RELATED POSTS
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ