ဧရာဝတီမြစ်အတွင်း အသက် (၁၇)နှစ်အရွယ် အမျိုးသားတစ်ဦး ရေဆင်းကူးရာမှ ရေနစ်သေဆုံးမှုဖြစ်ပွား
စော (NSS) - နိုဝင်ဘာ ၂၈
စစ်ကိုင်းတိုင်း၊ ကျောက်မြောင်းမြို့အနီးရှိ ဧရာဝတီမြစ်အတွင်း၌ အသက်(၁၇)နှစ်အရွယ် အမျိုးသားတစ်ဦး ရေဆင်းကူးရာမှ ရေနစ်သေဆုံးမှုဖြစ်ပွားခဲ့ကြောင်း သိရသည်။
အဆိုပါ အမျိုးသားသည် ယမန်နေ့(နိုဝင်ဘာလ ၂၇ ရက်)၊ မွန်းလွဲ (၂)နာရီခွဲဝန်းကျင်အချိန်တွင် ရေဆင်းကူးရာမှ ရေနစ်ပျောက်ဆုံးသွားကြောင်း Myanmar Rescue let pan hla အသင်းထံမှ သိရသည်။
ထို့သို့ရေနစ်ပျောက်ဆုံးသွားသော အမျိုးသား၏အလောင်းအား ရှာဖွေခဲ့ရာ ယနေ့(နိုဝင်ဘာလ ၂၈ ရက်) ၊ မွန်းလွဲ (၁)နာရီဝန်းကျင်အချိန်တွင် ပြန်လည်ရှာဖွေတွေ့ရှိခဲ့ကြောင်း သိရသည်။
“ရေကူးရင်း နဲ့ နစ်သွားတာပါ။ သူနဲ့အတူ အဖော်တစ်ယောက်ပါတယ်။ အလောင်းကိုတော့ နေ့လည်တစ်နာရီလောက်က ပြန်တွေ့တယ်” ဟု Myanmar Rescue let pan hla အသင်းမှ တာဝန်ရှိသူတစ်ဦးက NSS ကိုပြောသည်။
သေဆုံးသူသည် အသက် (၁၇)နှစ်အရွယ်ရှိပြီး ကျောက်မြောင်းမြို့နယ်၊ နွယ်ငြိမ်းကျေးရွာတွင် နေထိုင်သူတစ်ဦးဖြစ်ကြောင်း သိရသည်။
လက်ရှိတွင် ရုပ်အလောင်းအား ၎င်း၏အုပ်ထိန်းသူထံသို့ ပို့ဆောင်ပေးခဲ့ကြောင်း ၎င်းကပြောသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
နှစ်နိုင်ငံလုံခြုံရေးနှင့် စီးပွားရေးဆက်ဆံမှုများကို ပိုမိုမြှင့်တင်ရန် ဂျပန် နှင့် ဗီယက်နမ်အစိုးရတို့ သဘောတူညီခဲ့
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ