မြန်မာနိုင်ငံအတွင်း တရားမဝင်ဝင်ရောက်၍ ဖမ်းဆီးရမိထားသည့် တရုတ်နိုင်ငံသား (၅၇၃)ဦးကို ပြန်လည်လွှဲပြောင်းအပ်နှံ
ကျော် (NSS)- နိုဝင်ဘာ ၂၀
မြန်မာနိုင်ငံအတွင်း တရားမဝင် ဝင်ရောက်လာခဲ့ကြသဖြင့် မြန်မာနိုင်ငံမှတာဝန်ရှိသူများက ဖမ်းဆီးရမိထားသည့် တရုတ်နိုင်ငံသား (၅၇၃)ဦးကို တရုတ်နိုင်ငံသို့ ပြန်လည်လွှဲပြောင်းအပ်နှံပေးခဲ့ကြောင်း နစက၏ သတင်းအချက်အလက်များအရ သိရသည်။
ဖမ်းဆီးရမိထားသူများအား နှစ်နိုင်ငံချစ်ကြည်ရင်းနှီးမှုကိုရှေးရှု၍ မြန်မာ-တရုတ်နယ်ခြား မှတ်တိုင်အမှတ်(၂၁၈ )တာလော့ဂိတ်တွင် တရုတ်နိုင်ငံမှတာဝန်ရှိသူများထံ ယမန်နေ့ယမန်နေ့ (နိုဝင်ဘာလ ၁၉ ရက်)၊ နံနက် ၁၀ နာရီခွဲက လွှဲပြောင်းအပ်နှံခဲ့ကြကြောင်း သိရသည်။
၎င်းတို့ကို မြန်မာနိုင်ငံမှ တာဝန်ရှိသူများက တရုတ်နိုင်ငံ၊ ယူနန်ပြည်နယ်၊ စစ်ဆောင် ပန်းနားပြည်နယ်ခွဲ၏ ဒု-အုပ်ချုပ်ရေးမှူးနှင့်တာဝန်ရှိသူများထံသို့ လွှဲပြောင်းအပ်နှံပေးခဲ့ကြကြောင်း သိရသည်။
ဖမ်းဆီးရမိထားသည့် တရုတ်နိုင်ငံသား ၅၇၃ ဦးသည် ရှမ်းပြည်နယ်(အရှေ့ပိုင်း)တြိဂံဒေသတိုင်းစစ်ဌာနချုပ်နယ်မြေအတွင်း တရားမဝင် ဝင်ရောက်လာသူများဖြစ်ကြောင်း သိရသည်။
ကျိုင်းတုံမြို့နယ်တွင် အမျိုးသား(၃၆၇)ဦး၊ အမျိုးသမီး(၁၆)ဦး၊ တာချီလိတ်မြို့နယ်တွင် အမျိုး သား (၁၂၉)ဦး၊ အမျိုးသမီး(၉)ဦး၊ မိုင်းဖြတ်မြို့နယ်တွင် အမျိုးသား(၂၃)ဦး၊ မိုင်းဆတ်မြို့နယ်တွင် အမျိုး သား(၁၀)ဦး၊ မိုင်းယောင်းမြို့နယ်တွင် အမျိုးသား(၉)ဦး၊ မိုင်းပျဉ်းမြို့နယ်တွင် အမျိုးသား(၁၀)ဦး (စုစုပေါင်း ၅၇၃ ဦး)အား ဖမ်းဆီးရမိထားခြင်းဖြစ်ကြောင်း သိရသည်။
နယ်စပ်ဒေသများ၌ တရားမဝင် ဝင်ရောက်နေထိုင်လျက်ရှိသည့် ပြည်ပနိုင်ငံသားများအား စိစစ်ဖော်ထုတ်ခြင်းများကို ဆောင်ရွက်လျက်ရှိရာ ၂ဝ၂၃ ခုနှစ် ၊ နိုဝင်ဘာလ ၁၉ ရက်အထိ တရုတ်နိုင်ငံသား ၉၃၅ ဦး၊ အမျိုးသမီး ၈၂ ဦး စုစုပေါင်း ၁ဝ၁၇ ဦးကို ဖော်ထုတ်ရရှိခဲ့ပြီးဖြစ် ကြောင်း နစက၏ သတင်းအချက်အလက်များအရ သိရသည်။
၎င်းတို့ကို ဥပဒေနှင့်အညီ လိုအပ်သည့် စိစစ်ခြင်းများဆောင်ရွက်ခဲ့ပြီး တရုတ်နိုင်ငံမှ တာဝန် ရှိသူများထံသို့ စနစ်တကျ ပြန်လည်လွှဲပြောင်းပေးအပ်ခြင်းကို ဆောင်ရွက်ခဲ့ပြီးဖြစ်ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မန္တလေးတိုင်း၌ ရောင်းချမည့် ငွေကျပ်သိန်း(၆၂၀၀)ကျော်တန်ဖိုးရှိ စိတ်ကြွရူးသွပ်ဆေးပြားများကို ပင်လောင်းမြို့နယ်တွင် ဖမ်းမိ
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ