ပင်လောင်းမြို့နယ်တွင် ကျပ်သိန်း(၅၀၀၀)တန်ဖိုးရှိ စိတ်ကြွရူးသွပ်ဆေးပြားများကို TOYOTA SURF ကားပေါ်မှ ဖမ်းမိခဲ့
သန့်ဇင် (NSS) - နိုဝင်ဘာ ၁၇
ရှမ်းပြည်နယ်(တောင်ပိုင်း)၊ ပင်လောင်းမြို့နယ်တွင် TOYOTA SURF ကားပေါ်မှ ငွေကျပ်သိန်း(၅၀၀၀)တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်း မြန်မာနိုင်ငံမူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က ထုတ်ပြန်ထား သည်။
မူးယစ်ဆေးဝါးတားဆီးနှိမ်နင်းရေးတပ်ဖွဲ့က ပြီးခဲ့သော(နိုဝင်ဘာလ ၉ ရက်)၊ မွန်းလွဲ ၁ နာရီတွင် ပင်းလောင်းမြို့နယ်၊ လိန်းလီကျေးရွာအနီး၌ အထက်ပါကဲ့သို့ ဖမ်းဆီးရမိခဲ့ခြင်းဖြစ်ကြောင်း သိရသည်။
အဆိုပါကျေးရွာအနီးတွင် ကိုအောင်မင်း မောင်းနှင်ကာ ကိုအောင်ကိုကိုဦး လိုက်ပါလာသည့် TOYOTA SURF ကားကို သတင်းအရ ရှာဖွေခဲ့ရာ ငွေကျပ်သိန်း(၅၀၀၀)တန်ဖိုးရှိ စိတ်ကြွရူးသွပ်ဆေးပြား(၁၀)သိန်းကို ဖမ်းဆီးရမိခဲ့ကြောင်း သိရသည်။
ထို့နောက် ဖော်ထုတ်ချက်များအရ နိုင်ဝင်ဘာလ ၁၀ ရက်၊ နံနက် ၇နာရီခွဲအချိန်တွင် ကွန်ဟိန်းမြို့နယ်၊ ကာလိမြို့၊ ရပ်ကွက်(၁)တွင်နေထိုင်သည့် စိုင်းခုံးလှိုင်း(ခ)ကိုစိုင်းကို ဖမ်းဆီးရမိစိတ်ကြွရူးသွပ်ဆေးပြားများ သယ်ဆောင်ရောင်းဝယ်ရာ၌ ပူးပေါင်းပါဝင်မှုဖြင့် ထပ်မံဖမ်းဆီးရမိခဲ့ကြောင်း သိရသည်။
အဆိုပါစိတ်ကြွရူးသွပ်ဆေးပြားများကို ရှမ်းပြည်နယ်မှ ရန်ကုန်တိုင်းဒေသကြီးသို့ သယ်ဆောင်ရောင်းဝယ်ရန် စီစဉ်ထားခြင်းဖြစ်ကြောင်းသိရှိရသည်။
ထို့ကြောင့် ၎င်းတို့(၃)ဦးအား သက်ဆိုင်ရာမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အမှုဖွင့် အရေးယူထားပြီး ကွင်းဆက်ကျူးလွန်သူများကို စုံစမ်းစစ်ဆေးလျက်ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
မြိုင်မြို့ပေါ်ရှိ အထက်တန်းကျောင်းသို့ PDF အဖွဲ့က ပစ်ခတ်သော Drop Bomb များကျရောက်ပေါက်ကွဲမှုကြောင့် ဆရာမ နှစ်ဦး၊ ကျောင်းသူ နှစ်ဦး ထိခိုက်ဒဏ်ရာရ
RELATED POSTS
24 Sep 2024 | မှုခင်း,ပြည်တွင်း
24 Sep 2024 | မှုခင်း,နိုင်ငံတကာ
24 Sep 2024 | မှုခင်း,ပြည်တွင်း
24 Sep 2024 | မှုခင်း,ပြည်တွင်း