Pika (NSS) - အောက်တိုဘာ ၂၉

ချဲလ်ဆီးအသင်းသည် ဘရန့်ဖို့ဒ်အသင်းနှင့်ကစားခဲ့သော ပရီးမီးယားလိဂ်ပွဲကို (၂)ဂိုး-ဂိုးမရှိဖြင့် ရှုံးနိမ့်ခဲ့ပြီးနောက် အသင်းကစားသမားများအနေဖြင့် ပြိုင်ဖက်အသင်းဂိုးရှေ့တွင် အကောင်းဆုံးပုံစံမျိုးဖြင့် စုစည်းညီညွတ်စွာ ကစားရန် ချဲလ်ဆီးနည်းပြပိုချက်တီနို က တိုက်တွန်းတောင်းဆိုခဲ့ကြောင်း သိရသည်။

ချဲလ်ဆီးအသင်းနှင့်ကစားခဲ့သည့်ပွဲတွင် ဘရန့်ဖို့ဒ်အသင်းနောက်တန်းကစားသမား Ethan Pinnock က ပွဲချိန်(၅၈)မိနစ်တွင် တစ်ဂိုးသွင်းယူခဲ့ပြီး တိုက်စစ်မှူး Bryan Mbeumo က ပွဲချိန်(၉၆)မိနစ်တွင် တစ်ဂိုးသွင်းယူ ခဲ့ပြီးနောက် (၂)ဂိုး-ဂိုးမရှိဖြင့် အနိုင်ရရှိခဲ့ခြင်းဖြစ်သည်။ ဘရန့်ဖိုဒ်အသင်းအား ရှုံးနိမ့်မှုသည် ယခုနှစ်အတွင်း ချဲလ်ဆီးအသင်း၏ ကိုးပွဲမြောက် အိမ်ကွင်း ရှုံးနိမ့်မှုဖြစ်ခဲ့ကြောင်းလည်း သိရသည်။

ချဲလ်ဆီးနည်းပြပိုချက်တီနို က "ပြိုင်ဖက်အသင်းဂိုးရှေ့မှာ အကောင်းဆုံးပုံစံနဲ့ စုစည်းညီညွတ်စွာ မကစားနိုင်ခဲ့တဲ့ အတွက် ကျွန်တော်တို့ ကိုယ့်ကိုယ်ကိုယ် အပြစ်တင်သင့်ပါတယ်။ ပထမပိုင်းမှာတည်းက ကျွန်တော်တို့ ဂိုးသွင်းယူ နိုင်ခဲ့သင့်တာပါ။ ဒါပေမယ့် ကျွန်တော်တို့ ဂိုးမသွင်းယူနိုင်ခဲ့ပါဘူး။ ကျွန်တော်တို့အခွင့်အရေးတွေ ဖန်တီးနိုင်ခဲ့ပေ မယ့် ဂိုးသွင်းယူနိုင်တာမျိုးတော့ မရှိခဲ့ပါဘူး" ဟု ပြောခဲ့သည်။

အဆိုပါရလဒ်အရ ချဲလ်ဆီးအသင်းသည် ၎င်းတို့နောက်ဆုံးကစားထားသည့် အိမ်ကွင်းပွဲစဉ်(၁၃)ပွဲတွင် တစ်ပွဲသာ အနိုင်ရရှိခဲ့ကြောင်း သိရသည်။ ပိုချက်တီနို က "တစ်ခါတစ်ရံမှာ ကျွန်တော်တို့ဂိုးသွင်းနိုင်ဖို့ ကံကောင်းမှုလည်း လို ပါတယ်။ ဒုတိယပိုင်းမှာ ပေးလိုက်ရတဲ့ဂိုးကြောင့် ကျွန်တော်တို့ ဒီကစားပွဲကို ရှုံးနိမ့်ခဲ့ရတာပါ။ အဲဒီလို ဂိုးမျိုး ကျွန်တော်တို့မပေးခဲ့သင့်ပါဘူး။ ကျွန်တော်တို့ အာဆင်နယ်အသင်းနဲ့ အကောင်းဆုံးကစားနိုင်ခဲ့ပေမယ့် ဘရန့်ဖို့ဒ် အသင်းနဲ့ ပွဲမှာ ကျွန်တော်တို့ ဂိုးတောင် မသွင်းယူနိုင်ခဲ့ပါဘူး" ဟု ပြောခဲ့သည်။