ဂျန်ဇက် (NSS) - အောက်တိုဘာ ၂၂

အစ္စရေးစစ်တပ်က ၎င်းတို့တင့်ကားတစ်စီးဟာ လက်ဘနွန်နိုင်ငံအတွင်းမှ တင့်ကားဖျက်ဒုံးကျည်နဲ့ ပစ်ခတ် တိုက်ခိုက်ခြင်းကိုခံခဲ့ရကြောင်း၊ ဒါပေမယ့် ထိခိုက်ပျက်စီးမှုနဲ့ အစ္စရေးစစ်သားများ သေဆုံးခြင်းမျိုးမရှိကြောင်း ပြောပါတယ်။

လက်ဘနွန်လက်နက်ကိုင်အဖွဲ့ ဟစ်ဘိုလာဟာဟားမက်စ် နဲ့  အစ္စရေးတို့စစ်ပွဲဖြစ်ပွားခဲ့ပြီးနောက်ပိုင်း အစ္စရေးပိုင် နက်တွေကို ပစ်ခတ်တိုက်ခိုက်ခဲ့ရာ အစ္စရေးနဲ့ အမေရိကန်တို့က ဟစ်ဘိုလာကို စစ်ပွဲထဲတိုက်ရိုက်မပါဖို့ သတိပေး ထားပါတယ်။ 

အစ္စရေးစစ်တပ်ဟာ ဟားမက်စ်လက်နက်ကိုင်အဖွဲ့နဲ့ဆက်နွယ်တဲ့ အနောက်ဘက်ကမ်းခြေရှိ ဂျနင်မြို့ ဗလီကို အောက်တိုဘာ ၂၂ ရက် နံနက်ပိုင်းက လေကြောင်းက ဗုံးကြဲတိုက်ခိုက်ခဲ့ကြောင်း သိရပါတယ်။ အဆိုပါဗလီ အတွင်းထဲမှာ ဟားမက်စ်အဖွဲ့အသုံးပြုနေတဲ့ မြေအောက်ဥမင်လိုဏ်ခေါင်းတွေရဲ့ ဝင်ပေါက်၊ ထွက်ပေါက်တွေရှိနေ ကြောင်း အစ္စရေးစစ်တပ်က ပြောပါတယ်။

ဂါဇာဒေသခံတွေကို နေရပ်စွန့်ခွာဖို့ အစ္စရေးနိုင်ငံက ဖိအားပေးနေတဲ့ကြိုးပမ်းမှုတွေကို လုံးဝလက်မခံနိုင်ကြောင်း ဆော်ဒီအာရေဗျနိုင်ငံခြားရေးဝန်ကြီးက ထုတ်ဖော်ပြောဆိုလိုက်ပါတယ်။

အစ္စရေးဟာ ဟားမက်စ်အဖွဲ့တွေကို မြေပြင်ထိုးစစ်ဆင်နွှဲဖို့ စီစဉ်နေတဲ့အတွက် ပါလက်စတိုင်းပြည်သူတွေကို ဂါဇာ ဒေသမြောက်ပိုင်းက တောင်ပိုင်းကိုပြောင်းရွှေ့ဖို့ သတိပေးချက်များ ထပ်မံထုတ်ပြန်ထားကြောင်း သိရပါတယ်။ 

ဆီးရီးယားနိုင်ငံပိုင်သတင်းဌာနက အစ္စရေးဟာ ဆီးရီးယားနိုင်ငံ အလက်ပိုမြို့ နဲ့ ဒမ္မစကက်မြို့တို့ရှိ လေဆိပ်တွေကို အောက်တိုဘာ ၂၁ ရက်က ပစ်ခတ်တိုက်ခိုက်ခဲ့ကြောင်း ဖော်ပြထားပါတယ်။ အစ္စရေးရဲ့လေကြောင်းကနေ တိုက်ခိုက်မှုကြောင့် ဒမ္မစကက်မြို့မှာ အရပ်သားတွေသေဆုံးခဲ့ပြီး ဒဏ်ရာရတာမျိုးတွေလည်းရှိနေခဲ့ကြောင်း SANA သတင်းဌာနက ဖော်ပြထားပါတယ်။

ဟားမက်စ် နဲ့ အစ္စရေးကြားစစ်ပွဲစတင်ခဲ့ပြီးနောက် ရက်ပိုင်းအကြာမှာပဲ အစ္စရေးဟာ ဆီးရီးယားအစိုးရ ထိန်းချုပ်ထားတဲ့မြို့တွေက လေဆိပ်တွေကို တိုက်ခိုက်ခဲ့ဖူးကြောင်း သိရပါတယ်။ 

မလေးရှားနိုင်ငံ ကွာလာလမ်ပူမြို့မှာ ပါလက်စတိုင်းလိုလားတဲ့ဆန္ဒပြပွဲများ အောက်တိုဘာ ၂၂ ရက်က စတင်လုပ်ဆောင်ခဲ့ပြီး ပါလက်စတိုင်းလွတ်မြောက်ရေးအတွက် ကြွေးကြော်ခဲ့ကြောင်း သိရပါတယ်။ ဆန္ဒပြသူတွေက အမေရိကန်နိုင်ငံအနေနဲ့ ဂါဇာဒေသမှာဖြစ်ပွားနေတဲ့ လူမျိုးသုန်းသတ်ဖြတ်နေခြင်းတွေကို ငွေကြေးထောက်ပံ့ ပေးနေတာတွေရပ်တန့်ရမှာဖြစ်ကြောင်း ဗီနိုင်းပိုစတာများ ကိုင်ဆောင်ကာ ဆန္ဒပြခဲ့ကြောင်း သိရပါတယ်။