မြန်မာနယ်စပ်ဒေသတွင် အွန်လိုင်းမှလိမ်လည်နေသော ရာဇဝတ်ဂိုဏ်းများ ပိုမိုအခြေစိုက်လာနေကြောင်း UNODC ဆို
ဂျန်ဇက် (NSS) - စက်တင်ဘာ ၂၉
ဆက်သွယ်ရေးနှင့် အွန်လိုင်းမှတဆင့် လိမ်လည်နေသော အာရှတစ်ဝှမ်းရှိ ရာဇဝတ်ဂိုဏ်းများသည် တရုတ်၊ ထိုင်းတို့နှင့် နယ်စပ်ချင်းထိစပ်နေသောမြန်မာနယ်စပ်များတွင် ပိုမိုအခြေစိုက်လာနေကြောင်း ကုလသမဂ္ဂ မူးယစ် ဆေးဝါး နှင့် ပြစ်မှုဆိုင်ရာရုံး (UNODC) ၏ ပြီးခဲ့သောရက်ပိုင်းတွင် ထုတ်ပြန်ခဲ့သော အစီအရင်ခံစာတွင် ဖော်ပြထား သည်။
ကမ္ဘောဒီးယားနှင့် ဖိလစ်ပိုင်နိုင်ငံများတွင် အွန်လိုင်းလိမ်လည်မှုတွေကို နှိမ်နှင်းမှုတွေ ရှိနေသော်လည်း လက်နက် ကိုင်ပဋိပက္ခဖြစ်ပွားနေသည့် မြန်မာနိုင်ငံတွင် လက်နက်ကိုင်အဖွဲများ၏ ကာကွယ်ပေးမှုများကြောင့် အွန်လိုင်းမှ တဆင့် လိမ်လည်မှုနှင့် လူကုန်ကူးမှုများလုပ်ဆောင်နေသည့် ရာဇဝတ်ဂိုဏ်းများ ကြီးထွားနေကြောင်း UNODC အစီရင်ခံစာတွင် ဖော်ပြထားသည်။
အွန်လိုင်းမှတဆင့် လိမ်လည်မှုကျူးလွန်နေသည့် ရာဇဝတ်ဂိုဏ်းများသည် မြဝတီနယ်စပ် ရွှေကုက္ကိုလ်တွင် အများစု အခြေစိုက်ကြပြီး ဝဒေသ နှင့် ကိုးကန့် ကိုယ်ပိုင်အုပ်ချုပ်ခွင့်ရ ဒေသများတွင်လည်းရှိနေကြောင်း အစီရင်ခံစာတွင် ဖော်ပြထားသည်။
လိမ်လည်မှု ခံရကာရာဇဝတ်ဂိုဏ်းများလက်ထဲတွင် ပိတ်မိနေသူများကို ပြန်လည်ကယ်ထုတ်နိုင်ရန်အတွက် မိသားစုဝင်များ (သို့မဟုတ်) သံရုံးများ နှင့် NGO အဖွဲ့အစည်းများသည် ပိုက်ဆံပေးကယ်ထုတ်ရမှုများလည်း ရှိနေ ကြောင်း UNODC အစီရင်ခံစာတွင် ဖော်ပြထားသည်။
ရာဇဝတ်ဂိုဏ်းများ၏ လိမ်ညာခံရသူများထဲတွင် လူငယ်ပညာတက်လည်း ပါဝင်နေပြီး မြန်မာနိုင်ငံတွင် မြင့်မား သောလစာဖြင့် အလုပ်အကိုင်အခွင့်အလမ်းကောင်းများရမည်ဟု မက်လုံးပေး ခေါ်ယူခံရခြင်းဖြစ်ကြောင်း ဆိုသည်။
လုံခြုံရေးတပ်ဖွဲ့များ လက်လှမ်းမမှီနိုင်သော ဒေသများကိုရောက်ရှိကာ လူကုန်ကူးခံရသူများသည် ရာဇဝတ်ဂိုဏ်း များ၏ အတင်းအကြပ်စေခိုင်းခံရခြင်းမှလွတ်မြောက်နိုင်ရန်အခွင့်အရေး နည်းလမ်းကြောင်း၊ ဥပဒေစိုးမိုးမှုတွေ အားနည်းသော ဒေသများတွင် ရာဇဝတ်ဂိုဏ်းများ ကြီးစိုးနေကြောင်း UNODC ၏ ဒေသဆိုင်ရာကိုယ်စားလှယ် ဂျရေမီဒေါက်ကလပ်က ပြောသည်။
မြန်မာနယ်စပ်ဒေသတွင် အခြေပြုလှုပ်ရှားနေသည့်အွန်လိုင်းမှတဆင့် လိမ်လည်နေသည့် ဂိုဏ်းများလက်ထဲတွင် လူပေါင်း ၁၂ဝဝဝဝ ကျော် ပိတ်မိနေကြောင်း မကြာသေးမီက ထုတ်ပြန်ခဲ့သော ကုလသမဂ္ဂ၏ ထုတ်ပြန်ချက်တွင် ဖော်ပြထားဖူးသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
NCA (၈) နှစ်ပြည့်ပွဲတက်ရောက်ရန် တိုင်းရင်းသားခေါင်းဆောင်အားလုံးကို ဖိတ်ကြားထား၊ အမုန်းတရားများဖြင့် လုပ်ကိုင်နေပါက တိုင်းပြည်နစ်နာရန်သာရှိဟု တပ်ချုပ်ပြော
RELATED POSTS
24 Sep 2024 | မှုခင်း,ပြည်တွင်း
24 Sep 2024 | မှုခင်း,နိုင်ငံတကာ
24 Sep 2024 | မှုခင်း,ပြည်တွင်း
24 Sep 2024 | မှုခင်း,ပြည်တွင်း