ဥရောပသမဂ္ဂအဖွဲ့သို့ ပြန်လည်ဝင်ရောက်ရန် ဗြိတိန်နိုင်ငံတွင် လူပေါင်းထောင်ချီ ဆန္ဒပြ
Pika (NSS) - စက်တင်ဘာ ၂၄
ဗြိတိန်ပြည်သူထောင်ချီသည် လန်ဒန်မြို့လယ်တွင် စုဝေးခဲ့ကြပြီး ဥရောပသမဂ္ဂအဖွဲ့အတွင်းသို့ ပြန်လည် ဝင်ရောက်ရန် ဗြိတိန်အစိုးရကို တောင်းဆိုခဲ့ကြကြောင်း သိရသည်။
National Rejoin March (NRM) ကို Hyde ပန်းခြံအနီးတွင် လုပ်ဆောင်ခဲ့ကြပြီး ထောက်ခံသူများကလည်း ၎င်းတို့၏ ကားများကို ဟွန်းတီးခဲ့ကြကြောင်း သိရသည်။ ဆန္ဒပြသူများသည် "ဥရောပသမဂ္ဂအဖွဲ့ကို ပြန်လည် ဝင်ရောက်ပါ" ဆိုသည့်စာတန်းများကို ကိုင်ဆောင်ကာ ဆန္ဒပြခဲ့ကြခြင်းဖြစ်ကြောင်း သိရသည်။
ဗြိတိန်ဝန်ကြီးချုပ်ဟောင်း ဘောရစ်ဂျွန်ဆင်လက်ထက်တွင် ဗြိတိန်၏ ဥရောပသမဂ္ဂအဖွဲ့ဝင်အဖြစ်မှ နှုတ်ထွက် ခြင်း သဘောတူညီချက်ကို ပြန်လည်ညှိနှိုင်းခဲ့ပြီး ၂ဝ၂၅ ခုနှစ်တွင် ပြန်လည်သုံးသပ်မှုများ လုပ်ဆောင်ရန် စီစဉ်ထား ကြောင်းသိရသည်။ အဆိုပါကိစ္စနှင့်ပတ်သက်ပြီး လူတိုင်းက လက်လျှော့လိုက်သည်ဟု ခံစားခဲ့ရသောကြောင့် ချီတက်ဆန္ဒပြပွဲကို လုပ်ဆောင်ရန် ဆုံးဖြတ်ခဲ့ခြင်းဖြစ်ကြောင်း National Rejoin March (NRM) ၏ ခေါင်းဆောင်ဖြစ်သလို ပူးတွဲတည်ထောင်သူတစ်ဦးဖြစ်သည့် Peter Corr က ပြောကြားခဲ့သည်။
၎င်းက "ဥရောပသမဂ္ဂအဖွဲ့ဝင်အဖြစ်ကနေ နှုတ်ထွက်လိုက်တဲ့ Brexit သဘောတူညီချက်ဟာ အမှားအယွင်းတစ်ခု ပါ။ အဲဒီနှုတ်ထွက်မှုဟာ အထူးသဖြင့် အလုပ်သမားလူတန်းစားတွေနဲ့ ဆင်းရဲတဲ့လူတန်းစားတွေကို ထိခိုက်စေပါ တယ်။ ကျွန်တော်တို့ အဲဒါနဲ့ပတ်သက်ပြီး တစ်ခုခုလုပ်ဖို့လိုအပ်ပါတယ်" ဟု ပြောခဲ့သည်။
ဗြိတိန်လွှတ်တော်တွင် စတုတ္တအကြီးဆုံးပါတီဖြစ်သော လစ်ဘရယ်ဒီမိုကရက်တစ်ပါတီခေါင်းဆောင် Ed Davey က ၎င်း၏ ပါတီထောက်ခံသူများသည် ဥရောပသမဂ္ဂမှ နှုတ်ထွက်ရခြင်းအကြောင်းကို ဆက်လက်ပြောဆိုနေခြင်း များ ရှိတော့မည်မဟုတ်ကြောင်းလည်း ပြောကြားခဲ့သည်။ လစ်ဘရယ်ဒီမိုကရက်တစ်ပါတီသည် Brexit သဘောတူ ညီချက်ကို ရပ်တန့်ရန် ယခင်က ကတိပြုခဲ့ကြောင်းလည်း သိရသည်။
Ed Davey က "ကျွန်တော်တို့ဟာ ဗြိတိန်ကို ဥရောပရဲ့အချက်အချာကျတဲ့နေရာမှာ ရှိနေစေချင်ပေမယ့် အဲဒီလိုလုပ်ဖို့က အချိန်အနည်းငယ်ယူရဦးမယ်ဆိုတာ နားလည်ပါတယ်" ဟု ပြောခဲ့သည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အနောက်အုပ်စုနိုင်ငံများက ယူကရိန်းပဋိပက္ခကို စစ်မြေပြင်တွင်ဖြေရှင်းချင်ပါက ရုရှားဖက်ကလည်း စစ်မြေပြင် တွင် ဖြေရှင်းသွားမည်ဖြစ်ကြောင်း ရုရှားအစိုးရ ဆို
RELATED POSTS
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ