ယူကရိန်းစစ်ဘက်အရာရှိအများအပြား ရာဇဝတ်မှုများ နဲ့ စုံစမ်းစစ်ဆေးခံနေရ
ဂျန်ဇက် (NSS) - စက်တင်ဘာ ၂၂
ယူကရိန်းထပ်တန်း စစ်ဘက်အရာရှိများဟာ ရာဇဝတ်မှုနဲ့ပတ်သက်ပြီး စုံစမ်းစစ်ဆေးခံနေရကြောင်း သိရပါတယ်။
ယူကရိန်းနဲ့ ရုရှားတို့စစ်ပွဲဖြစ်ပွားခဲ့ပြီးနောက် အစောပိုင်းရက်တွေမှာ ယူကရိန်းနိုင်ငံတောင်ပိုင်း ကာကွယ်ရေး ကျိုးပျက်ခဲ့တာနဲ့ပတ်သက်ပြီး ယူကရိန်းစစ်ဘက်အရာရှိများ စစ်ဆေးခံနေရတာဖြစ်ကြောင်း သိရပါတယ်။ ယူကရိန်းစုံစမ်းရေးအဖွဲ့များ၊ ယူကရိန်းထောက်လှမ်းရေးအဖွဲ့တွေဟာ စစ်ပွဲစတင်ခဲ့တဲ့ ပထမဆုံးရက်မှာ ယူကရိန်း တောင်ပိုင်း ကာကွယ်ရေး ပြိုလဲခဲ့တာနဲ့ပတ်သက်ပြီး ယူကရိန်းစစ်ဘက်တာဝန်ရှိသူများကို စစ်ဆေးနေခြင်းဖြစ် ကြောင်း သိရပါတယ်။
ယူကရိန်းစစ်ဘက်အရာရှိဟောင်း အနည်းဆုံး ၅ဝ ကျော် စုံစမ်းစစ်ဆေးခံနေရကြောင်း၊ ယူကရိန်း ကာကွယ်ရေး ဦးစီးချုပ် ဗိုလ်ချုပ်ကြီး Valery Zaluzhny အပေါ်လည်း သက်ရောက်မှုများရှိလာနိုင်ကြောင်း ဘီဘီစီသတင်းဌာန က ဖော်ပြထားပါတယ်။
ယူကရိန်းထောက်လှမ်းရေးအဖွဲ့တွေဟာ အဆိုပါအဖြစ်ပျက်ကို စုံစမ်းစစ်ဆေးမှုတွေ ဆက်လက်လုပ်ဆောင်နေဆဲ ဖြစ်ပေမယ့် ထိပ်တန်းဗိုလ်ချုပ်ကြီးများကို စစ်ဆေးခြင်းမျိုးတော့ မရှိသေးကြောင်းသိရပါတယ်။ ရုရှားဟာ စစ်ပွဲ စတင်ခဲ့ပြီးနောက်ပိုင်း ယူကရိန်းနိုင်ငံတောင်ပိုင်းဒေသများကို အဓိကထား ထိုးစစ်ဆင်ခဲ့ရာ တောင်ပိုင်းဒေသရှိ နေရာအများအပြားကို အလျင်အမြန်သိမ်းပိုက်နိုင်ခဲ့ကြောင်း သိရပါတယ်။
စစ်ပွဲ စတင်ပြီးနောက် မကြာမီ ယူကရိန်းတောင်ပိုင်းဒေသကို စွန့်လွှတ်လိုက်ရပြီးနောက် ရုရှားဟာ တောင်ပိုင်းနဲ့ ဆက်စပ်နေတဲ့အခြားနေရာတွေကိုလည်း ထပ်မံသိမ်းပိုက်နိုင်ခဲ့ကြောင်း သိရပါတယ်။ ယူကရိန်းဟာ လက်ရှိ အချိန်မှာ သိမ်းပိုက်ခံထားရတဲ့နယ်မြေတွေကို ပြန်သိမ်းယူနိုင်ဖို့ ဇွန်လအစောပိုင်းကတည်းက ရုရှားအပေါ် ကြီးမားတဲ့ တန်ပြန်ထိုးစစ်ဆင်ခဲ့ပေမယ့် မျှော်လင့်သလောက် အောင်မြင်မှုမရှိဘဲ အခက်အခဲများ နဲ့ ရင်ဆိုင်နေရပြီး ရုရှားရှေ့တန်းစစ်မျက်နှာပြင်ကို ထိုးဖောက်နိုင်ခြင်းမရှိသေးကြောင်း ပြီးခဲ့တဲ့ရက်ပိုင်းမှာ သတင်းတွေ ထွက်ပေါ်ခဲ့ပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ယာဉ်စည်းကမ်းမလိုက်နာသော ကားတစ်စီးကို ယာဉ်ထိန်းရဲက လိုက်လံဖမ်းဆီးစဉ် သေနတ်ဖြင့် ပြန်လည်ပစ်ခတ်မှု လားရှိုးမြို့၌ ဖြစ်ပွား
RELATED POSTS
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ
24 Sep 2024 | နိုင်ငံရေး,နိုင်ငံတကာ