မတ္တရာမြို့နယ်၌ တစ်ရက်အတွင်း သတ်ဖြတ်ခံထားရသည့် အမျိုးသားအလောင်း(၆)လောင်း တွေ့ရှိခဲ့ဟု ရဲတပ်ဖွဲ့ ထုတ်ပြန်
NSS - စက်တင်ဘာ ၂၂
မန္တလေးတိုင်း၊ မတ္တရာမြို့နယ်တွင် စက်တင်ဘာလ (၁၉)ရက် တစ်ရက်တည်းအတွင်း အမျိုးသား(၆)ဦး သတ်ဖြတ်ခံခဲ့ရကြောင်း သိရသည်။
မြန်မာနိုင်ငံရဲတပ်ဖွဲ့က စက်တင်ဘာ ၂၁ ရက်တွင် အထက်ပါကဲ့သို့ သတင်းထုတ်ပြန်ခဲ့ခြင်းဖြစ်သည်။
မတ္တရာမြို့နယ်၊ နံ့သာမြို့င်ကျေးရွာတွင်နေထိုင်သည့် ရာအိမ်မှုးဖြစ်သူ ဦးဝင်းကျော်ကျော်သည် စက်တင်ဘာ(၁၉) ရက် နံနက်(၇)နာရီ အချိန်ခန့်တွင် ဥက္ကံကျေးရွာမှ ၎င်းနေထိုင်ရာရွာသို့ ဆိုင်ကယ်ဖြင့်တစ်ဦးတည်း ပြန်လာစဉ် ပြန်လည်သန်စွမ်းဆေးရုံ(အထက်မြန်မာပြည်) အနီးအရောက်၌ PDFအဖွဲ့ အင်အား(၄)ဦးက နောက်မှဆိုင်ကယ် (၂)စီးဖြင့်လိုက်လာကာ သေနတ်ဖြင့် ပစ်ခတ်ထွက်ပြေးသွားခဲ့ကြောင်း သိရသည်။
ထိုသို့ပစ်ခတ်ခံရမှုကြောင်း ဦးဝင်းကျော်ကျော်(၄၄)နှစ်သည် ကျည်ထိမှန်ဒဏ်ရာများရရှိကာ အခင်းဖြစ်ပွားရာ နေရာ၌ သေဆုံးသွားခဲ့ကြောင်း သိရသည်။
အလားတူ နံနက် ၈ နာရီအချိန်တွင် ထန်းပင်ကုန်းကျေးရွာ၊ အယ်ဖာဘိလပ်မြေစက်ရုံသွားသည့် လမ်းခွဲအနီးတွင် အမျိုးသား (၄)ဦး သေနတ်၊ ဓားဒဏ်ရာများဖြင့် သေဆုံးနေကြောင်း ရဲတပ်ဖွဲ့မှ ဆိုထားသည်။
သေဆုံးနေသည့်အမျိုးသား(၄)ဦးမှာ အသက်(၅၆)နှစ်၊ အသက်(၄၃)နှစ်၊ အသက်(၃၈)နှစ်နှင့် အသက်(၅၂)နှစ်တို့ ရှိ ကြပြီး ၎င်းတို့တွင် သေနတ်၊ ဓားဒဏ်ရာများဖြင့် သေဆုံးနေသဖြင့် စစ်ဆေးနိုင်ရေး မတ္တရာမြို့နယ်ပြည်သူ့ဆေးရုံသို့ ပို့ဆောင်ထားရှိကြောင်း ရဲတပ်ဖွဲ့မှ ထုတ်ပြန်ထားသည်။
ထို့ပြင် အဆိုပါနေ့ ည ၈နာရီအချိန်တွင် ထန်းပင်ကုန်းကျေးရွာတွင်နေထိုင်သည့် ဦးစိုးမိုး(ခ)စွန်ရဲသည် ၎င်း၏ နေအိမ်၌ မိသားစုနှင့်အတူ ရှိနေစဉ် PDFအဖွဲ့ အင်အား(၁ဝ)ဦးက လက်နက်များကိုင်ဆောင်ရောက်ရှိလာပြီး သေနတ်ဖြင့် ပစ်ခတ်သတ်ဖြတ်ခဲ့ကြောင်း ရဲတပ်ဖွဲ့က သတင်းထုတ်ပြန် ထားသည်။
ပစ်ခတ်သတ်ဖြတ်ခံရမှုကြောင့် ဦးစိုးမိုး(ခ)စွန်ရဲ(၄၁)နှစ်တွင် ကျည်ထိမှန်ဒဏ်ရာများရရှိကာ အခင်းဖြစ်ပွားရာ နေရာ၌ပင် သေဆုံးသွားခဲ့ကြောင်း သိရသည်။
အကြမ်းဖက်များ၏ သတ်ဖြတ်မှုများကြောင့် စက်တင်ဘာ(၁၉)ရက် တစ်ရက်ထဲ၌ အမျိုးသား(၆)ဦးသေဆုံးခဲ့ပြီး ဖြစ်စဥ်နှင့်ပတ်သက်၍ ကျူးလွန်သူများ အား ဥပဒေနှင့်အညီ အပြစ်ပေးအရေးယူနိုင်ရေး လုံခြုံရေးတပ်ဖွဲ့ဝင်များက ဆက်လက်ဆောင်ရွက်နေကြောင်း ရဲတပ်ဖွဲ့မှ ထုတ်ပြန်ထားသည်။
အလားတူ မတ္တရာမြို့နယ်တွင် ပြီးခဲ့သည့်ရက်ပိုင်းက အမျိုးသား(၈)ဦး အမျိုးသမီး(၁)ဦး အကြမ်းဖက်သတ်ဖြတ်ခံခဲ့ ရပြီး မိုင်းပေါက်ကွဲမှုကြောင့် အသက်(၁၂)နှစ်အရွယ် ကလေးငယ်တစ်ဦး ထိခိုက်ဒဏ်ရာရရှိခဲ့ကြောင်း ရဲတပ်ဖွဲ့၏ ထုတ်ပြန်ချက်များအရ သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
တရုတ်နိုင်ငံက ဦးဆောင်လုပ်ကိုင်နေတဲ့ ပိုးလမ်းမစီမံကိန်းက အီတလီနိုင်ငံ နှုတ်ထွက်ဖွယ်ရှိနေ
RELATED POSTS
24 Sep 2024 | မှုခင်း,ပြည်တွင်း
24 Sep 2024 | မှုခင်း,နိုင်ငံတကာ
24 Sep 2024 | မှုခင်း,ပြည်တွင်း
24 Sep 2024 | မှုခင်း,ပြည်တွင်း