နိုင်ငံရေးပါတီအချို့က တင်ပြလာသည့် ပါတီဝင်များစာရင်းတွင် ဝန်ထမ်းများအပြင် ဥပဒေနှင့်အညီ နေထိုင်သူစာရင်း၌မရှိသူများပါဝင်နေဟု UEC ဆို
မျိုးကြီး (NSS) - စက်တင်ဘာ ၁၉
နိုင်ငံရေးပါတီအချို့က တင်ပြလာသည့် ပါတီဝင်များစာရင်းတွင် နိုင်ငံ့ဝန်ထမ်းများအပြင် ဥပဒေနှင့်အညီ နေထိုင်သူစာရင်း၌ မရှိသူများ ပါဝင်နေကြောင်း UEC က ပြောသည်။
ပြည်ထောင်စုရွေးကောက်ပွဲကော်မရှင်အဖွဲ့ဝင် ဦးစိုးဦးက ယမန်နေ့(စက်တင်ဘာလ ၁၈ ရက်)တွင် ပဲခူးခရိုင်အထွေ ထွေအုပ်ချုပ်ရေးဦးစီးဌာန၌ကျင်းပသည့် လုပ်ငန်းညှိနှိုင်းအစည်းအဝေးတွင် အထက်ပါကဲ့သို့ ထည့်သွင်းပြောကြားခဲ့ခြင်းဖြစ်သည်။
မှတ်ပုံတင်ခွင့်ပြုပြီး နိုင်ငံရေးပါတီများက ပေးပို့တင်ပြလာသည့် သတ်မှတ်ပါတီဝင်အင်အားစာရင်းများ မှန်ကန်မှုရှိ၊ မရှိ၊ မြေပြင်၌ အမှန်တကယ်နေထိုင်ခြင်း ရှိ၊ မရှိတို့ကို ထွေအုပ်၊ လဝက နှင့် မြို့နယ်ရွေးကောက်ပွဲကော်မရှင်အဖွဲ့ခွဲတို့က ပူးပေါင်းစိစစ်လျက်ရှိကြောင်း သိရသည်။
နိုင်ငံရေးပါတီ (၄)ပါတီက သတ်မှတ်ကာလအတွင်း ပေးပို့လာသည့် ပါတီဝင်အင်အားစာရင်းများကို စစ်ဆေးဆောင် ရွက်ရာတွင် ဥပဒေနှင့်အညီ နေထိုင်သူစာရင်း၌ မရှိသူများ၊ အမည်နှင့်နိုင်ငံသားစိစစ်ရေးကတ်အမှတ်တူနေသူများ ပါဝင်လျက်ရှိကြောင်း တွေ့ရှိရသည်ဟု ကော်မရှင်အဖွဲ့ဝင် ဦးစိုးဦးက ပြောသည်။
ထို့ပြင် ပါတီဝင်စာရင်း၌ ဝန်ထမ်းများပါဝင်နေခြင်း၊ နေရပ်လိပ်စာပြည့်စုံမှုမရှိသည့် ပါတီဝင်များ ပါဝင်နေသည်ကို တွေ့ရှိရကြောင်းလည်း ဦးစိုးဦးက ဆက်လက်ပြောသည်။
ထို့ကြောင့် သတ်မှတ်ပါတီဝင်အင်အားစာရင်းများ မှန်ကန်မှုရှိ၊ မရှိကို သက်ဆိုင်ရာ ထွေအုပ်၊ လဝကနှင့် မြို့နယ်ရွေး ကောက်ပွဲကော်မရှင်အဖွဲ့ခွဲများက ပူးပေါင်းစိစစ်ခြင်းလုပ်ငန်းများကို သတ်မှတ်ကာလအတွင်း ဆောင်ရွက်မည်ဖြစ်သည့်အတွက် သက်ဆိုင်ရာပါတီအသီးသီးအနေဖြင့် ပူးပေါင်းဆောင်ရွက်ရန်လိုအပ်ကြောင်းလည်း ၎င်းက ထပ်မံတိုက်တွန်းထားသည်။
နိုင်ငံရေးပါတီများမှတ်ပုံတင်ခြင်းဥပဒေ ပုဒ်မ ၅(စ)အရ မှတ်ပုံတင်ခွင့်ပြုသည့်နေ့မှစ၍ ရက်ပေါင်း (၉၀)အတွင်း တစ်နိုင်ငံလုံးစည်းရုံးမည့်ပါတီဖြစ်ပါက ပါတီဝင်ဦးရေအနည်းဆုံး (၁)သိန်း ရှိရန်လိုအပ်ပြီး တိုင်း သို့မဟုတ် ပြည်နယ်တစ်ခုအတွင်း၌သာ စည်းရုံးမည့်ပါတီဖြစ်ပါက ပါတီဝင်ဦးရေး အနည်းဆုံး (၁၀၀၀)ရှိရန် လိုအပ်သည်။
လက်ရှိတွင် ပြည်ထောင်စုရွေးကောက်ပွဲကော်မရှင်က မှတ်ပုံတင်ခွင့်ပြုထားသည့် နိုင်ငံရေးပါတီ (၃၇)ပါတီရှိပြီး စိစစ်ရန် ကျန်ရှိနေသည့် နိုင်ငံရေးပါတီများကိုလည်း ဆက်လက်စစ်ဆေးလျက်ရှိကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
အင်ဒိုနီးရှားနိုင်ငံက မြန်မာ အပါအဝင် အာဆီယံနိုင်ငံအားလုံး ပူးပေါင်းပါဝင်တဲ့ ပူးတွဲစစ်ရေးလေ့ကျင့်ခန်းကို အိမ်ရှင်အဖြစ် လက်ခံကျင်းပ
RELATED POSTS
02 Oct 2024 | နိုင်ငံရေး,နိုင်ငံတကာ
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ