အင်ဒိုနီးရှားနိုင်ငံက မြန်မာ အပါအဝင် အာဆီယံနိုင်ငံအားလုံး ပူးပေါင်းပါဝင်တဲ့ ပူးတွဲစစ်ရေးလေ့ကျင့်ခန်းကို အိမ်ရှင်အဖြစ် လက်ခံကျင်းပ
ဂျန်ဇက် (NSS) - စက်တင်ဘာ ၁၉
တောင်တရုတ်ပင်လယ်အရေးနဲ့ပတ်သက်ပြီး အာဆီယံအဖွဲ့ဝင်နိုင်ငံများနဲ့ တရုတ်နိုင်ငံကြား အငြင်းပွားမှုများမြင့်တက်နေချိန်မှာပဲ အာဆီယံအဖွဲ့ဝင် နိုင်ငံအားလုံးပါဝင်မယ့် ပူးတွဲစစ်ရေးလေ့ကျင့်ခန်းကို ပထမဆုံးအကြိမ်ပြုလုပ်သွားမယ်လို့ သိရပါတယ်။
အာဆီယံအဖွဲ့ဝင်နိုင်ငံတွေဟာ အမေရိကန်၊ တရုတ် အပါအဝင် အခြားနိုင်ငံများနဲ့ ပူးတွဲစစ်ရေးလေ့ကျင့်ခန်းတွေ လုပ်ဆောင်ခဲ့ဖူးပေမယ့် အာဆီယံအဖွဲ့ဝင်နိုင်ငံအားလုံး ပူးပေါင်းပါဝင်မယ့် စစ်ရေးလေ့ကျင့်ခန်းကိုလုပ်ဆောင်ခဲ့ခြင်းမျိုးမရှိကြောင်း သိရပါတယ်။
အာဆီယံအဖွဲ့ဝင်နိုင်ငံများအပြင် အဖွဲ့ဝင်ဖြစ်ဖို့ ကြိုးပမ်းနေတဲ့ အရှေ့တီမော နိုင်ငံလည်း ပူးပေါင်းပါဝင်မှာဖြစ်ကြောင်း သိရပါတယ်။ အဆိုပါ အာဆီယံအဖွဲ့ဝင်နိုင်ငံများရဲ့ပူးတွဲစစ်ရေးလေ့ကျင့်ခန်းကို အင်ဒိုနီးရှားနိုင်ငံက အိမ်ရှင်အဖြစ်လက်ခံကျင်းပခဲ့ပြီး တောင်တရုတ်ပင်လယ်အနီးရှိ ဘာတန်ကျွန်းနဲ့ နာတူနာ ကျွန်းတို့မှာ ငါးရက်ကြာပြုလုပ်သွားမှာဖြစ်ကြောင်း သိရပါတယ်။
အာဆီယံနိုင်ငံများရဲ့ပူးတွဲစစ်ရေးလေ့ကျင့်ခန်းအစီအစဉ်နဲ့ပတ်သက်ပြီး မီဒီယာရေးရာတာဝန်ရှိသူတစ်ဦးဖြစ်တဲ့ ဒုတိယဗိုလ်မှူးကြီးတစ်ဦးဖြစ်တဲ့ Abidin Tobba က "ဒီစစ်ရေးလေ့ကျင့်ခန်းကို မြန်မာ အပါအဝင် နိုင်ငံပေါင်း ၁၁ နိုင်ငံ ပါဝင်ခဲ့ပါတယ်" လို့ ပြောပါတယ်။
ဒါပေမယ့် မြန်မာနိုင်ငံအနေနဲ့ အရေအတွက် ဘယ်လောက်တက်ရောက် ပါဝင်သလဲဆိုတဲ့အချက်ကို ၎င်းက အတိအကျပြောဆိုခြင်းမရှိခဲ့ပါဘူး။ အဆိုပါ စစ်ရေးလေ့ကျင့်ခန်းအစီအစဉ်အတွင်း ရေကြောင်းကင်းလှည့်မှု၊ ဆေးဘက်ဆိုင်ရာ ကူညီကယ်တင်ပေးမှုများ၊ ရှာဖွေမှုများ၊ လူသားချင်းဆိုင်ရာစာနာမှုအကူအညီပေးရေးလုပ်ငန်းများကို အကူအညီပေးမှုများ၊ သဘာဝဘေးအန္တရာယ်နဲ့ပတ်သက်ပြီး ကူညီပေးမှုများကို အဓိကထား လေ့ကျင့်သွားမှာဖြစ်ကြောင်း သိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
လာမည့်နှစ်၌ မြန်မာနိုင်ငံတွင် ကိုရီးယားအစားအစာပြပွဲ ကျင်းပမည်
RELATED POSTS
02 Oct 2024 | နိုင်ငံရေး,နိုင်ငံတကာ
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ