မြန်မာ-ထိုင်းနယ်စပ်ရှိ တပ်မတော်၏ ရေတလျောက်စခန်းကို KNLA ပူးပေါင်းအဖွဲ့ တိုက် ခိုက်သိမ်းပိုက်
မြူနစ် (NSS) - စက်တင်ဘာ ၁၆
မြန်မာ-ထိုင်းနယ်စပ်ရှိ တပ်မတော်၏ ရေတလျောက်စခန်းကို KNLA ပူးပေါင်းအဖွဲ့က တိုက် ခိုက်သိမ်းပိုက်ခဲ့ကြောင်း ကရင်အမျိုးသားအစည်းအရုံး(KNU)က သတင်းထုတ်ပြန်ထား သည်။
ကရင်အမျိုးသားအစည်းအရုံး(KNU)သည် ယမန်နေ့(စက်တင်ဘာလ ၁၅ ရက်)တွင် အထက် ပါကဲ့သို့ ထုတ်ပြန်ထားခြင်းဖြစ်သည်။
ကရင်ပြည်နယ်၊ ကော့ကရိတ်မြို့နယ် မြန်မာ-ထိုင်းနယ်စပ်ရှိ တပ်မတော်၏ ရေတလျောက်စခန်းကို စက်တင်ဘာလ ၁၄ ရက် နံနက် ၈ နာရီအချိန်ခန့်တွင် KNLA ၏ တပ်ရင်း (၁၈)နှင့် တော်လှန်ရေးပူးပေါင်းတပ်ဖွဲ့များက စတင်ဝင်ရောက်တိုက်ခိုက်ခဲ့သည်ဟု KNU က အသိ ပေးထားသည်။
ထိုသို့ စတင်ဝင်ရောက်တိုက်ခိုက်မှုနှင့်အတူ နံနက် ၈ နာရီ ၂၀ မိနစ်အချိန်တွင် ရေတလျောက်စခန်းတစ်လုံးအား အပြီးသတ် သိမ်းပိုက်နိုင်ခဲ့ပြီး လက်နက်ခဲယမ်းအများအပြားကို သိမ်းဆည်းရရှိခဲ့သည်ဟု KNU ဘက်က ထုတ်ပြန်ထားသည်။
အဆိုပါတိုက်ပွဲအတွင်း နှစ်ဖက်အကြား၌ ထိခိုက်သေဆုံးမှုများရှိခဲ့ကြောင်း သိရသည်။ ၎င်း ရေတလျောက်စခန်းသည် မဆုတ်တမ်းစခန်းကုန်းတစ်ခုဖြစ်ကြောင်းသိရပြီး လုံခြုံရေးအဖွဲ့ဝင်အင်အားမှာ ထိုက်သင့်သလောက်ရှိကြောင်း တပ်မတော်အရာရှိများနှင့်နီးစပ်သူတစ်ဦးက NSS ကို မှတ်ချက်ပြုထားသည်။
“KNU နဲ့ တိုက်ရတာ မဟုတ်ဘူး။ အမေရိကန်နဲ့တိုက်ရသလိုဖြစ်နေတာ။ ဟိုဖက်က နည်းပညာတွေ မြင့်တယ်။ စနိုက်ပါ(၅)လက်လောက်ကို ဖုန်းတစ်လုံးနဲ့ ထိန်းပြီးပစ်တာတို့၊ သူတို့ဆီမှာ မှန်ပြောင်းတို့က အကောင်းစားတွေလေ။ ဟိုဖက်က အကောင်းစားတွေနဲ့ ဆော်နေတာ။ ဒီဘက်မှာက နည်းပညာမြင့်တဲ့ပစ္စည်းက မရှိတာမဟုတ်ဘူး ရှိတယ်။ ဒါပေမယ့် အကန့်အသတ်နဲ့ ဆော်နေရတာဖြစ်တဲ့အခါကြတော့ စိတ်ဓာတ်တွေ ကျတာပေါ့” ဟု ၎င်းက ဆက်လက်သုံးသပ်ထားသည်။
လက်ရှိအချိန်တွင် ရေတလျောက်စခန်းဖြစ်စဉ်နှင့်ပတ်သက်၍ နစကဘက်က တစ်စုံတစ်ရာထုတ်ပြန်ပြောဆိုခြင်းမျိုး မရှိသေးပေ။
ပြီးခဲ့သည့် ဇူလိုင်လ ၂၁ ရက်တွင်လည်း ကရင်ပြည်နယ်၊ မြဝတီမြို့နယ်ရှိ စစ်ရေးဗျူဟာအရ အရေးပါသော လက်ခတ်တောင်တာဝါတိုင်စခန်းကုန်းကို KNLA ပူးပေါင်းအဖွဲ့များက တိုက် ခိုက်သိမ်းပိုက်ခဲ့ဖူးသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ရန်ကုန်မြို့ရှိ မီးပွိုင့်တစ်ခုတွင် ကား(၃)စီးဆင့်တိုက်မှုကြောင့် အမျိုးသားတစ်ဦး ပွဲချင်းပြီး သေဆုံး
RELATED POSTS
02 Oct 2024 | နိုင်ငံရေး,နိုင်ငံတကာ
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ