ဆေးတက္ကသိုလ်နှင့် သွားဘက်ဆိုင်ရာဆေးတက္ကသိုလ်များ၏ ပထမအကြိမ် ဝင်ခွင့်လူတွေ့ နှုတ်မေးစာမေးပွဲကို မကြာခင်ကျင်းပမည်
ယွန်း (NSS) - စက်တင်ဘာ ၁၅
ဆေးတက္ကသိုလ်နှင့် သွားဘက်ဆိုင်ရာဆေးတက္ကသိုလ်များ၏ ပထမအကြိမ် ဝင်ခွင့်လူတွေ့ နှုတ်မေးစာမေးပွဲကို လာမည့်ရက်ပိုင်းအတွင်း ဖြေဆိုခွင့်ပြုမည်ဖြစ်ကြောင်း ကျန်းမာရေးဝန်ကြီးဌာနမှ ထုတ်ပြန်ထားသည်။
၂ဝ၂၃ ခုနှစ်၊ တက္ကသိုလ်ဝင်စာမေးပွဲအောင်မြင်ပြီး ဆေးတက္ကသိုလ်များနှင့် သွားဘက်ဆိုင်ရာ ဆေးတက္ကသိုလ်များသို့ ဝင်ခွင့်လျှောက်ထားသူများအနက်မှ ပထမအကြိမ် ဝင်ခွင့်လူတွေ့နှုတ်မေးစာမေးပွဲသို့ ဝင်ရောက်ဖြေဆိုခွင့် ရရှိ သူများကို ထုတ်ပြန်ထားပြီးဖြစ်ကြောင်း သိရသည်။
ဖြေဆိုခွင့်ရရှိသူမျာစာရင်းနှင့် ခုံအမှတ်၊ ဖြေဆိုရမည့်နေ့ရက် နှင့် နေရာကို ကျန်းမာရေးဝန်ကြီးဌာန၏ Facebook Page (Ministry of Health, Myanmar), Website (www.moh.gov.mm), ကျန်းမာရေး လူ့စွမ်းအားအရင်း အမြစ်ဦးစီးဌာန၏ Website (www.hrh.gov.mm), ဆေးတက္ကသိုလ်များနှင့် သွားဘက်ဆိုင်ရာဆေးတက္ကသိုလ်များ၊ အဆင့်မြင့်ပညာဦးစီးဌာနတို့တွင် ကြေညာထားကြောင်း သိရသည်။
အဆိုပါစာမေးပွဲကို သားဖွားသင်တန်းကျောင်း၊ နေပြည်တော်၌ ကျင်းပပြုလုပ်မည်ဖြစ်ပြီး သတ်မှတ်နေ့ရက်များ အတိုင်း မပျက်မကွက် လာရောက်ဖြေဆိုရန် ကျန်းမာရေးဝန်ကြီးဌာနမှ ထုတ်ပြန်ထားသည်။
ဝင်ခွင့် လူတွေ့နှုတ်မေးစာမေးပွဲကို လာမည့် စက်တင်ဘာ(၁၉)ရက်တွင် စတင်ဖြေဆိုခွင့်ပြုမည်ဖြစ်ပြီး နံနက်(၈) နာရီမှ (၁၂)နာရီအချိန်အထိ ဖြေဆိုချိန်သတ်မှတ်ထားကာ ခုံအမှတ်(၁)မှ (၁၆၅)အထိ ဖြေဆိုခွင့်ပြုမည်ဖြစ် ကြောင်း သိရသည်။
ထို့နောက် ခုံအမှတ်(၁၆၆)မှ (၃၃ဝ)အထိကို စက်တင်ဘာ(၁၉)ရက် နေ့လည်(၁)နာရီမှ (၅)နာရီအထိ ဖြေဆိုခွင့်ပြုထားကြောင်း သိရသည်။
အလားတူ ခုံအမှတ်(၃၃၁) မှ (၄၉၆)အထိ၊ ခုံအမှတ်(၄၉၇) မှ (၆၅၉)အထိကို စက်တင်ဘာ(၂ဝ)ရက်တွင် အထက်ပါ အချိန်ဇယားအတိုင်း ဖြေဆိုခွင့်ပြုမည်ဖြစ်ကြောင်း ကျန်းမာရေးဝန်ကြီးဌာနက ထုတ်ပြန်ထားသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ငွေကျပ်သိန်း (၆ဝဝဝ)ကျော်တန်ဖိုးရှိ Happy Water များ တာချီလိတ်တွင် ဖမ်းဆီးရမိ
RELATED POSTS
07 Sep 2024 | ပညာရေး,ပြည်တွင်း
29 Aug 2024 | ပညာရေး,ပြည်တွင်း