တရုတ်နိုင်ငံနဲ့ ဘုံပြဿနာတွေကို အတူတကွဖြေရှင်းဖို့ စေ့စပ်ဆွေးနွေးမှုတွေ ဆက်လက်လုပ်ဆောင်မယ်လို့ ဂျပန်နိုင်ငံခြားရေးဝန်ကြီးအသစ်ပြော
ဂျန်ဇက် (NSS) - စက်တင်ဘာ ၁၄
ဂျပန်အစိုးရအနေနဲ့ တရုတ်နိုင်ငံကို တာဝန်ယူခြင်း၊ တာဝန်ခံခြင်းရှိလာအောင် ကြိုးပမ်းမှုများ ဆက်လက်လုပ်ကိုင်သွားမှာဖြစ်ကြောင်း ဂျပန်နိုင်ငံခြားရေးဝန်ကြီးအသစ် ယိုကိုကာမီကာဝါက ထုတ်ဖော်ပြောဆိုလိုက်ပါတယ်။
ဂျပန်ဝန်ကြီးချုပ် ကီရှီဒါဟာ စက်တင်ဘာလ ၁၃ ရက်မှာ အစိုးရအဖွဲ့ဝန်ကြီးနေရာများ အစားထိုးပြောင်းလဲခဲ့ပြီး ကာ ကွယ်ရေးဝန်ကြီး နဲ့ နိုင်ငံခြားရေးဝန်ကြီးနေရာတွေကိုလည်း အသစ်ခန့်အပ်ခဲ့ကြောင်းသိရပါတယ်။ ဂျပန်နိုင်ငံခြားရေးဝန်ကြီးအသစ်က တရုတ်အစိုးရ နဲ့ ဘုံပြဿနာတွေကိုအတူတကွ ဖြေရှင်းနိုင်အောင် ဆွေးနွေးမှုများလည်း ဆက်လက်လုပ်ဆောင်မှာဖြစ်ကြောင်း ပြောပါတယ်။
ကာမီကာဝါဟာ နှစ်ပေါင်း ၂၀ ကျော်အတွင်း ဂျပန်အစိုးရအဖွဲ့မှာပါဝင်တဲ့ ပထမဆုံး အမျိုးသမီးနိုင်ငံခြားရေးဝန်ကြီးတစ်ဦးဖြစ်လာခဲ့ကြောင်းသိရပါတယ်။ ၎င်းက "တရုတ်နိုင်ငံကို တာဝန်ယူခြင်းတာဝန်ခံခြင်းများရှိစေဖို့ ကြိုးပမ်းမှာပါ၊ တရုတ်နိုင်နဲ့ စေ့စပ်ဆွေးနွေးမှုတွေလုပ်ဆောင်သွားမယ်။ တည်ငြိမ်တဲ့ ဆက်ဆံရေး၊ အပြုသဘောဆောင်တဲ့ ဆွေးနွေးမှုများကို နှစ်နိုင်ငံစလုံးက လုပ်ဆောင်သွားရမှာဖြစ်ပါတယ်"လို့ပြောပါတယ်။
ဂျပန်နိုင်ငံဟာ ဖူကူရှီးမား နျူကလီးယား စက်ရုံကနေ စွန့်ပစ်တဲ့ရေးဆိုးများကို ပင်လယ်ထဲကို စွန့်ပစ်ခဲ့ပြီးနောက် တရုတ်နိုင်ငံ နဲ့ ဂျပန်နိုင်ငံကြား အငြင်းပွားမှုများဖြစ်လာခဲ့ရာ ဆက်ဆံရေးအေးစက်ခဲ့ကြောင်းသိရပါတယ်။ ပင်လယ်ထဲကို ရေဆိုးများစွန့်ပစ်တဲ့အတွက် တရုတ်နိုင်ငံဟာ ဂျပန်နိုင်ငံက တင်ပို့နေတဲ့ ပင်လယ်စာနဲ့ ရေထွက်ပစ္စည်းများ မှာယူနေခြင်းကို ပိတ်ပင်ခဲ့ကြောင်းသိရပါတယ်။ ပြီးခဲ့တဲ့ရက်ပိုင်းက အစားထိုးပြောင်းလဲခဲ့တဲ့ ဂျပန်အစိုးရအဖွဲ့အသစ်မှာ အမျိုးသမီး ပါဝင်မှုအရေအတွက်ပိုမိုများပြားလာခဲ့ပြီး အမျိုးသမီးဝန်ကြီးဦးရေ (၅)ဦးအထိ ပါဝင်လာခဲ့ကြောင်းသိရပါတယ်။ နျူကလီးယား စက်ရုံက စွန့်ပစ်ရေဆိုးတွေဟာ ပင်လယ်ပြင် နဲ့ ရေထွက်ပစ္စည်းများကို ထိခိုက်မှု၊ အန္တရာယ်ဖြစ်မှုရှိမှာမဟုတ်ကြောင်း ပြောဆိုထားသလို နိုင်ငံတကာအနုမြူအေဂျင်စီကလည်း ခွင့်ပြုပေးထားကြောင်းသိရပါတယ်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
(၈)လအတွင်း ယာဉ်တိုက်မှုပေါင်း (၃၀၀၀)ကျော်ဖြစ်ပွားခဲ့ပြီး လူ(၁၅၀၀)ကျော် သေဆုံးခဲ့
RELATED POSTS
02 Oct 2024 | နိုင်ငံရေး,နိုင်ငံတကာ
02 Oct 2024 | နိုင်ငံရေး,ပြည်တွင်း
01 Oct 2024 | နိုင်ငံရေး,နိုင်ငံတကာ
01 Oct 2024 | နိုင်ငံရေး,နိုင်ငံတကာ