ဘတ်ဟိုးတူးထားသည့် မြောင်းအတွင်းရေဆင်းကူးသည့် ကျောင်းသားနှစ်ဦး ရေနစ်သေဆုံးမှု ကြို့ပင်ကောက်တွင် ဖြစ်ပွား
NSS - ဇူလိုင် ၁၈
ကျောင်းမတက်ဘဲ ဘတ်ဟိုးတူးထားသည့် မြောင်းအတွင်းရေဆင်းကူးသည့် ကျောင်းသားနှစ်ဦး ရေနစ်သေဆုံးမှု ကြို့ပင်ကောက်မြို့တွင် ဖြစ်ပွားခဲ့ကြောင်း သတင်းရရှိသည်။
ဖြစ်စဥ်မှာ ယနေ့(ဇူလိုင်လ ၁၈ ရက်) နံနက်(၉)နာရီအချိန်ခန့်တွင် ပဲခူးတိုင်း၊ ကြို့ပင်ကောက်မြို့နယ်၊ ကျောင်းကုန်းကျေးရွာအနီးတွင် ဖြစ်ပွားခဲ့ကြောင်း ကြို့ပင်ကောက်နာရေးကူညီမှုအသင်းထံမှ သိရသည်။
အသက်(၁၃)နှစ်အရွယ်နှင့် အသက်(၉)နှစ်အရွယ်ကျောင်းသားနှစ်ဦးသည် ကျောင်းမတက်ဘဲ အဆိုပါ ကျေးရွာအနီးရှိ ဆည်မြောင်းဘေး ကန်အတွင်း ရေဆင်းကူးရာမှ ရေနစ်သေဆုံးခဲ့ကြောင်း သိရသည်။
“ကြို့ပင်ကောက်မြို့အရှေ့ဘက်ကို တက်တဲ့ကားလမ်းရှိတယ်။ ကားလမ်းဘေးမှာ ဆည်မြောင်းရှိတယ်။ အဲဒီနှစ်ခုကြားထဲမှာ ဘတ်ဟိုး တူးထားတဲ့ ကန်လိုမျိုးရှိတယ် မိုးတွင်းဆိုတော့ ရေများတော့ အထဲမှာရေတွေပြည့်နေတယ်။ ကျောင်းမတက်ဘဲနဲ့ နှစ်ယောက်လုံး ရေသွားကူးရင်းနဲ့ ရေနစ်ကြတာ။ လမ်းသွားတွေကမြင်တော့ သွားတော့ကယ်ပေမယ့် အသက်မမီတော့ဘူး”ဟု ကြို့ပင်ကောက် နာရေးကူညီမှု အသင်းမှ တာဝန်ရှိသူတစ်ဦးက NP News ကိုပြောသည်။
အဆိုပါ ကျောင်းသားနှစ်ဦးသည် ကြို့ပင်ကောက်မြို့နယ်၊ ရွာမမြောက်ရပ်ကွက်၊ ဗောဓိ(၃)လမ်းတွင် နေထိုင်ကြပြီး ဗောဓိရုက္ခကျောင်းတွင် ပညာသင်ကြားနေသူများဖြစ်ကြောင်း သိရသည်။
သေဆုံးသူများအနက်မှ မောင်ကိုကိုထွန်း(၁၃)နှစ်သည် ဆဌမတန်းတက်ရောက်နေသူဖြစ်ပြီး မောင်ထက်မြတ်သူ(၉)နှစ်သည် တတိယတန်းတက်ရောက်နေသူများဖြစ်ကြောင်း ၎င်းက ဆက်လက်ပြောသည်။
သေဆုံးသူကျောင်းသားနှစ်ဦးအား ကြို့ပင်ကောက်နာရေးကူညီမှုအသင်းမှ ကြို့ပင်ကောက်ဆေးရုံကြီးရင်ခွဲရုံသို့ ပို့ဆောင်ပေးခဲ့ပြီး ထိုမှတဆင့် ဗောဓိ(၃)လမ်းရှိ သေဆုံးသူများ၏ နေအိမ်များကို ပြန်လည် ပို့ဆောင်ပေးခဲ့ကြောင်း သိရသည်။
Comments :
0 comments
မကွေးတိုင်းဒေသကြီး၊ စလင်းမြို့နယ်၊ အုတ်ဖိုကန်ကျေးရွာ၊ မင်းဘူး- စလင်းကားလမ်းပေါ်တွင် သစ်ပင်လဲကျမှုဖြစ်ပွား
ဖာပွန်မြို့ပေါ်ရှိ ပြည်ခိုင်ဖြိုးပါတီရုံး ဗုံးခွဲဖျက်ဆီးခံခဲ့ရ
RELATED POSTS
18 Sep 2024 | မှုခင်း,ပြည်တွင်း
17 Sep 2024 | မှုခင်း,နိုင်ငံတကာ